نفسيتي سودة ومش عارف أسيطر على أفكاري

Question

شباب انا بجد في وضع مش عارف اتصرف فيه و مش عارف اة مش قادر اطلب المساعدة من حد 
انا عندي ١٩ سنة و بقالي سنين في صراع نفسي و نفسيتي بقت سئة جدا فكرت كتير في الانتحار و كنت بمنع نفسي كتير و فعليا بدأت احس ان في دماغي شهص تاني سعات بعمل حاجات عارف انها غلض بس بلقى نفسي بعملها بالاجبار مني بحس انه في حاجة بتجبرني من جواية

Mushroom_29414 🇪🇬 · Answer

طب ممكن أعرف حضرتك يومك ببقى ماشي ازاي في العادي

Watermelon_51423 🇪🇬 · Answer

هو لو هكلمك علي يومي حاليا فانا حرفيا بقيت بحبس نفسي في الاوضة علطول مش بطلع منها فعليا غير لما بنزل الجامعة او الشغل و مش بتعامل مع حد نهائي ولا بتكلم حتى و بفضل هادي و لوحدي

Mushroom_29414 🇪🇬 · Answer

الهواجس وحديث النفس الي بيجيلك ده بيكون أكتر امتا بالليل ولا بالنهار ولا في كل وقت .. دي بدايات اكتئاب أو أكتئاب فعلاً بس كون انك واعي بالي بيحصل وعايز حل فدي هتكون بداية الطريق للنور إن شاء الله 
أنا بس في حجات كتير ممكن تكون سبب في الي بيحصل ده وانت مش واخد بالك ، زي مثلاً تراكمات كتير جداً وحجات ما اتفاعلتش معاها في وقتها ففاضت عليك في وقت تاني وانت مش عارف السبب ده غير أن ممكن الجو الأسري ميكونش

Mushroom_29414 🇪🇬 · Answer

ده غير إن ممكن يكون في أحداث حصلت زمان زي صدمة طفولة مثلا ده غير إنك ممكن تكون بعيد عن ربنا فزاد من سوء الموضوع

Mushroom_29414 🇪🇬 · Answer

ده غير أنك ممكن تكون مضغوط ومفيش أي حاجة جديدة بتحصل في حياتك ، 
أنت معرفش أيه ممكن يكون سبب المشكلة الأصلي بس عايزاك تستهدى بالله لأن تخيل أنا بحاول ومش عارفة حاجة وفي نفس الوقت ربنا عارف كويس جداً انت بتمر بإيه بالظبط وليه ، أنا بقولك تاخد الخطوات دي على اعتبار أن الذهاب لطبيب نفسي ممكن يكون غير متاح 
إن شاء الله تكون بتصلي صلواتك الخمسة عايزاك بقا تدعي ، تدعي للي خلقك وعارفك كويس جداً وأقرب حد لي

Watermelon_51423 🇪🇬 · Answer

اوفرثينكنج علطول طول اليوم 
الفكرة اني من سنين في الحال ده و الاسوء اني عارف سبب الانا فيه ده بس انا جربت حاجات كتير و كتير بغباء علشان اعرف احل ده و كان في شخص معايا عرفته من سنة كان اكتر شخص فهمني و الفترة الكنت معه فيها كنت بتحسن فعلا بس من اسبوعين الشخص ده سبني بلا سبب و قلي انه زهق مني و ده حرفيا حسسني اني رجعت لنقطة الصفر تاني و نفسيتي بقت اسوء بغباء و الاصوات الفي دماغي بقت تعلى اكتر و اكتر

Mushroom_29414 🇪🇬 · Answer

ربنا بيقول "ونعلم ما توسوس به نفسه ونحن أقرب إليه من حبل الوريد " 
تخيل بقا هوا قريب منك قد اي 
ادعيله وقول كل الي في قلبك كأنك بتتكلم مع حد قدامك وقول يا رب اهديني واشفيني وريح بالي واصلح شأني ونور بصيرتي مليش غيرك وانت عالم بحالي وسكت الأصوات الي في دماغي ، بجد قول كل الي في قلبك 
حاول تيجي على نفسك معلش ومتقعدش في البيت كتير وتحبس نفس لأن والله ده بيزود المشكلة ، حاول تحس بكل حاجة حلوة ومضيعش

Mushroom_29414 🇪🇬 · Answer

ومضيعش أي فرصة ممكن تنبسط وتفرح فيها ، وحاول تشوف الجمال في الحجات الي الناس معدتش بتبصلها حتى 
اكتب حتى لو ملكش في الكتابة اكتب وخلاص هتلاقي الكتابة جاية معاك 
اسمع لناس كويسين وسيبك من الي بيغسلو الدماغ دول ، لو مش بتعمل رياضة حاول تعمل حتى لو عشر دقائق كل يوم

Mushroom_29414 🇪🇬 · Answer

أنا بحاول أقولك نصائح بالرغم اني مش عارفة حالتك بالظبط بس على قدر استطاعتي والله وانا بدعي ربنا يعافيك ويهديك ويصلح حالك ويبعد عنك الهم وكل مكروه ويهنيك بحياتك علطول

Mushroom_29414 🇪🇬 · Answer

بالمناسبة دي مش حاجة أنا فخورة بيها خالص بس انا حاولت انتحر تلات مرات بس الحمد لله اني منجحتش لأني زماني دلوقتي في النار ، صحيح لسه في أصوات في دماغي زيك 😅 بس بجاهد نفس ومش بسلم ليها وبقول لنفسي مليش غير ربنا 
ربنا معاك

Watermelon_51423 🇪🇬 · Answer

الفكرة لو هنرجع لنقطة هي اني فعليا مش بعرف اتكلم انا معرفش اعبر عن الفي قلبي نهائي

Mushroom_29414 🇪🇬 · Answer

والشخص الي انت بتقول أنه سابك ده مش يمكن خير أنه سابك وانت مش عارف؟
مش يمكن ربنا عايزك تراجع قيمة نفسك وتقف وتتسند بنفسك ؟
أنا كنت زيك والله بس دلوقت عقليتي اتغيرت خالص ، من شخص كان بيتعلق بأي حد بحبه أو بيهتم بيه لشخص مقدر نفسه وبيقدر الي بيقدره وبس

Coffee_33827 🇪🇬 · Answer

نصيحه مني وعن تجربه أعمل الحاجه حتي لو مش قادر ومتأكد انك مش هتبقي مبسوط أعملها وخلاص أخرج حتي لو لوحدك أعمل حاجه مختلفه أي حاجه تشغلك عن اللي انت فيه وكل ما تفكر في حاجه زي كده اعمل أي حاجه تلهيك وصدقني دماغك هتتعود ع ده وهتلاقي نفسك عارف تتحكم في اللي بتعمله وفاهم