وحيد وزهقان مش عارف أقضي يومي

Question

اني وحيد و بحس بممل رهيب و ببقي محتاج حد لتونس بيه أو نتكلم سوا زي كده  يعني ببقي راجع البيت زهق ملل مبتكلمش مع حد مش عارف اقضي يومي ازاي ببقي حاسس بلا شي و انا اغتربت بسبب الكلية فا صحابي مش موجودين معايا و أو مش بنتجمع كتير كل واحد بقا في حياته و كده

Hazelnut_52786 🇪🇬 · Accepted Answer

الوحدة فعلاً صعبة، خصوصًا لما تتغير الحياة فجأة ويتفرقوا الناس اللي كنت متعود عليهم.
حاول تخلق لنفسك روتين فيه نشاط بتحبه، زي رياضة، كورس، تطوع، أو حتى خروجة بسيطة تتكرر.
وإنت مش لوحدك… الكلمة الطيبة والونس ساعات بيبدؤوا من أبسط دردشة مع جار أو زميل، افتح الباب بهدوء وهتلاقي ناس شبهك

Apple_61150 🇪🇬 · Answer

صاحب نفسك يا صاحبي و خارجها و دلعها و جيب لي نفسك شوكولاته و حجات حلوه و علي فكره انا بتكلم جد هتحس بي شعور اول مر تحسو بجد و عن تجربه فعلا جرب تعمل كد وصدقني هتكتشف نفسك اكتر

Ice Cream_61119 🇪🇬 · Answer

اتعلم حاجة مفيدة في حياتك تنفعك بدل الزهق والملل الناس مش هتديك فلوس اتعلم واشتغل

Apple_59618 🇪🇬 · Answer

والله عملت كل ده يا صاحبي بس خلاص معدش جايب نتيجة

Apple_59618 🇪🇬 · Answer

والله بدور على شغل بس الصعيد مقتول حرفيا

Strawberry_25620 🇪🇬 · Answer

اتعلم لغه جديده .. سلي وقتك بمهاره جديده عادي مش لازم شخص وتقعد ترغي معاه والله اعلم هيبقا وراه ايه انت فحالك احسن صدقني🤷🏻‍♀️

Strawberry_61232 🇪🇬 · Answer

مش هقولك زى اللى بيقولك صاحب نفسك لأن الإنسان حتى لو وقته معندوش فيه وقت فراغ مبيحبش يحس أنه لوحده حتى لو شغلت نفسك بمليون حاجه بيفضى إحساسك بالملل والوحده هو هو نصحيتى صاحب صحابك اللى ف الجامعه عادى واتأقلم عليهم كلنا كنا ف غربه وسكنا أيام الجامعه وحقيقى كانت احلى ايام معاهم بس هى الفكره لازم تتأقلم من جواك وانبسط بالناس اللى معاك عادى ولو انت شخص كتوم اوى متحطيش أسرارك لحد بس انبسط بيومك