غربة

Apple_65355 🇪🇬

منذ 5 ساعات

شعور مكتئب

Apple_65308 🇪🇬 انا شايف انك لازم تصلح نفسك الاول وتصلح معتقدتك اول حاجه البنات هي اللي بتحتاح حنيه وحضن واهتمام في دي اول حاجه انت محتاج تستغني عنها وتفهم أن راجل اللي بيقدمها مش بياخدها واي حد من اخوتك لو جه عيد ملاده وجبتله حاجه حلوه او قلتله كلمه حلوه هتحطهم في جيبك حرفيا كل فين وفين اتصل علي اي بنت من اخواتك قلها بطمن عليكي وكلمها دقتتين بس صدقني هيحبوك ولدتك لمه اقلك قافل لي علي نفسك قلها بقيت راجل

عرض الكل 10 نصيحة

عبّر عن شعورك بشكل مجهول

عندي مشكله في البيت للاسف 
انا اخ واحد علي ٣ بنات وانا اكبر واحد ... وعندي ٣٠ سنه ومش مرتبط لسه ولا متجوز 
المشكله اولا مع اخواتي البنات .. علاقتي بيهم مش زي ما بشوف مثلا ناس حقيقيه اعرفهم فرحانين باخوهم بيحبوه شايفين انه سند وظهر وامان لهم وبيعملو له كل حاجه وبيفرحوه وهو بالنسبه لهم كل حاجه .. للاسف العلاقه عاديه جدا واقل من عاديه بيني وبينهم مش عارف الغلط والتقصير مني ولا منهم ...يعني هم مع بعض بيقعدو يتكلمو ويضحكو ويهزروا معايا انا لا .. بيشترو حجات تسالي وبيجيبو لي .. انا قليل لما بجيب وده مش كره بس لان مش بقدر اجيب ديما لان مصروفي اعلي من مصروفهم .. فبصرف من فلوس شغلي ومش بحب اني اضغط نفسي او اجي مثلا ف يوم فلوسي تخلص واقول عايز فلوس من ابويا مع ان لو طلبت هيديني مش هيتاخر بس انا مش بحب كده ... كلامي معاهم قليل جدا وحتي رغم ان هو قليل يوم ما بنتكلم ف موضوع يخصني كلامهم بعترض عليه وبقول وجهة نظري ومش بيعجبهم وبيقلب بخناق او بسيب البيت وانزل والموضوع ده تعبني .. المفروض اختي لما اكون مخنوق تسمعني تاخدني ف حضنها تريحني .. انا مش لاقي ده ومش بحب اطلب ده من اي حد  خالص لان انا شايف ان دي حجات بتتحس مش بتنطلب واذا القدامك مش حاسسها ومش هيعملها من تلقاء نفسه يبقي ملهاش لزمه ولا لها معني ...
اتكلم عن علاقتي بوالدتي ووالدي ...
علاقتي بوالدي تكاد تكون معدومه اصلا مش بنتكلم الا لو هو عايز حاجه مني او انا عايز حاجه منه وبس وبرضوا ممكن يحصل خناق ومشاكل ...
علاقتي بوالدتي كانت كويسه لحد ما دخلت اولي ثانوي كانت عارفه كل حاجه عني مفيش حاجه متعرفهاش ... دلوقتي للاسف لا انا بعدت وبعدت لاتي شايف نفسي كبرت مش كبرت عليها لا بس مينفعش ابقي قاعد مثلا ف الشغل واحكي تفاصيل صغيره زي مثلا هزار وضحك بين شباب بالفاظ ملهاش لزمه او اي موقف محرج او خارج مينفعش ولدتي انها تعرفه اكيد انتو فاهمين قصدي خصوصا الشباب بحكي عن البيحصل ف الشغل ف المجمل بدون تفاصيل ومش بيعجبها برضوا بتبقي عايزه تعرف تفاصيل اكتر .. برضوا والدتي زعلانه ان موبايلي او حاجتي الشخصيه  مش متاح ان حد يمسكها ويستخدمها لاي سبب من الاسباب وهي عندها عادي تمسك تليفوني وتفتش فيه صور رسايل اي ابلكيشن تسأل اي ده وليه ولازم ارد .. طبعا الكلام ده كان بيحصل لغاية اولي ثانوي ومن بعدها وانا قفلت الموضوع ده وهي زعلانه لان اي بنت من البنات لو طلبت موبايلها بتاخده وبراحتها بيمشو ويسيبوه مش بيقفو فوق راسها ... عمتي عندها اولاد ومش بتعمل مع اولادها كده وبتحترم خصوصيتهم ووالدتي شايفه اني بطبق ده وعايز يبقي ليا خصوصيتي وهي شايفه ان مفيش خصوصيه بين ام وابنها  ... اوضتي مثلا ممنوع ابقي قاعد وموارب الباب او قافل علي نفسي بمفتاح او حتي من غير مفتاح .. انت بتعمل اي وقافل علي نفسك ليه .. !! .. بقعد لوحدي كتير وببقي حابب ابقي منعزل هو طبعي كده يمكن معاهم بس ويمكن ده بسبب مواقف كتير ومعامله وردود وكلام كتير حصل خلاني اتجنب التعامل .. هم برضوا مضايقين من ده خصوصا والدتي ...
والدتي بتقف ف صفي ف حجات كتير وبتدافع عني ف حجات كتير سواء بيني وبين اخواتي او بيني وبين والدي .. جات عليا فتره كنت مسافر بره مصر كانو اخواتي قليل اوي لما يكلموني كنت بكلم والدتي كل يوم واحكيلها اه بنتخانق ونزعق وممكن يوم يومين منتكلمش بس كنا بنتكلم لكن اخواتي لا ولما اعاتبهم يقولو ما احنا بنعرف اخبارك من ماما .. علما بان اخواتي الاتنين شغالين مش قاعدين ف البيت والثالثه قاعده لانها في كليه مش شغاله .. وانا بالنسبه ليا لما ببقي شغال بحس نفسي احسن نفسيا وجسديا غير لما ابقي قاعد من غير شغل بتخنق ونفسيتي بتبقي مش احسن حاجه لان بشوف البنات نازلين شغلهم وال نازله كليتها وانا الراجل والكبير قاعد في البيت فبهرب من كل ده بالنوم يا بالنزول كل يوم عل قهوه واروح وهكذا .. ولما بتكلم معاهم بنشد من اقل حاجه وانا نفسي بحس نفسي عصبي اوي مع العلم لو نفس الموقف ده حصل مع حد غريب ممكن ميبقاش نفس رد الفعل ده بحس اني مش طايقهم او مش حاببهم كلهم في البيت .. حاجه مهمه اوي لازم اوضحها .. انا اتولدت عندي مشكله معينه في شكلي ( انا بحس انهم مش متقبلينها مش انهم بيتعاطفوا معايا لا مش متقبلينها اصلا وعلشان كده بيتجنبوني ) مش عارف اعمل اي وعايز ابقي كويس معاهم لاني كويس مع الغريب بس مش قادر ووالدتي بتقولي طول ما انت كده مش هقدر اجوزك واخليك تاخد بنت ناس لان زي ما انت كده معانا انت هتكون كده معاها واسواء بس انا شايف انو لا لان انا هبقي حاببها هكلمها ف عيوبها مثلا براحه وبهداوه ومش هرتبط بوحده انا مش قابل عيوبها اصلا .. (طب انتو اهلي انا لا اقدر اغيركم ولا اقدر اواجهكم بالمش عاجبني لان مش هتفهم صح انا متاكد ) ... تعبت ومش عارف اعمل اي ولا اتصرف معاهم ازاي واقصي حاجه بعملها هي اني اقعد لوحدي بعيد عنهم تجنبا لكل القصه دي .. لدرجة اني حاسس لو جرا لي حاجه هيقولو احسن ارتاح وريحنا (اخواتي) مش امي وابويا ... امي وابويا هيزعلوا وهيتقهروا انا عارف ده ..

حد حيقولي اخصائي نفسي يدمل بينكم ويحاول يحل للاسف ده حصل وحصل تغير بس مش تغير دايم ولا التغير الهو انا عايزه ووالدتي كانت بتعترض انا بدفع لك كل شهر ٨٠٠ جنيه جلسات ومش شايفه اي استفاده منها فبطلته علما باني قعدت من ٨ شهور معاه ووقفته بعد الكلام ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_65553 🇪🇬

منذ يوم واحد

شعور قلق

موضوع:

الانعزال وصلك ل اي؟

أنا بطبعي يحب أكون اجتماعية بستمتع لما الناس تكون حولي و نحكي و نتكلم و نهزر بس جيت في الغربة و حسيت إنه الناس اللي معاي مش شبهي و لا نفس الاهتمامات و الحاجات رغم حبهم لي إلا إنه وجودي في بيئة ما بتشبهني كان مؤذي و قررت أخفف منهم و في نفس الوقت مفيش أصدقاء بديل و مرات بحس نفسي مستهلكة نفسياً عشان كد

Avocado_65392 🇪🇬

منذ يومين

شعور لا مبالٍ

فيه مشاعر فالفترة الأخيرة مش عارفة كلنا بنمر بيها ولا ايه ولكن بحس أن فقدت نفسي اوي بنسبة كبيرة بمعني نفسي الطفولية وصافتها وحتي نظرتي الأمور حقيقي بحس أن اتلونت زي اللون الرصاصي جوايا دا مش انا فقدت حاجات زاهية كتير ممكن اللي نجح اللي فضل محافظ علي نفسه حقيقي مش عارفة ولكن شعور الغربة من نفسك دا صع

Guava_65081 🇪🇬

منذ يومين

شعور مكسور القلب

و هجرتني هجرا لست افهمه.. كأني لم اكن يوما من ساكنيها.. و انا الذي لو رأى يوما مدامعها.. اقام من اجلها الدنيا و ما فيها لقد أعفيتك مني.. قررت أن أكون ضيف عابر في حياتك.. كلما أحتجت لي ستجدني بجوارك لكنني لن أطرق أبواب ديارك مرة أخرى.. أعفيتك من سؤالي عني.. فقررت متابعة أخبارك من بعيد كالغرباء

Coffee_64566 🇪🇬 والله من غير ما اقرى اتنين ملهومش امال المرشدين والنسوان🥲

عرض الكل 5 نصيحة

Strawberry_65074 🇪🇬

منذ 3 أيام

شعور وحيد

Apple_65057 🇪🇬 كون ناس جديده او حاول ترجع و تتواصل معاهم لو بدأت و قولت أن دي خلاص انا و حيد هتتعب بعدين

عرض الكل 10 نصيحة

عبّر عن شعورك بشكل مجهول

دخلت الجيش خسرت كل اللى حواليا 
كله كان مزيف محدش همه يسأل عامل اي حاسس بإيه 
شوفت فيديو قبل م اخش الجيش كان بيحكى قد ايه فترة الجيش دى بتفلتر ناس كتير من حياتك و ناس كتير كنت فاكرها قريبه منك و بيحبوك بجد و يطلعو عكس كدا 
كنت طبعا فاكر ان دا اوڤر جدا بس اكتشفت ان كل كلمه قالها صح 
بعد اول اجازه نص صحابى معرفش عنهم حاجه ولا هما يعرفو عنى حاجه ولا حد بيكلمنى ولا انا بكلمهم ما خلاص بقا اللى عاوزنى فى حياته هيكلمنى 
تانى اجازة النص التانى راح .. ايوة والله زى مبقولكم كدا راح مع اللى راحو ... اتبقالى حرفيا واحد من صحابى بس هو دا اللى كلمنى و قابلته تانى اجازة و كنت عارف ان هو كمان مش هيكمل خلاص بقيت متوقع اى حاجه ... وفعلا رجعت الجيش و نزلت و طول الفترة اللى انا فيها هناك ولا حد كلمنى ولاسأل عليا ولما نزلت محدش برضو سأل ولا اهتم اصلا انى نزلت 
ايه دا بجد دى بقت حياتى مفيهاش حد ! 
دا انا حرفيا من كتر الزحمه اللى كانت فحياتى والاقى دا بيكلمنى عشان ننزل و دا يكلمنى عشان نخرج و دا ودا ودا 
انا مش فاهم بجد ازاى وصلت لكدا 
دا حتى اهلى بقيت حاسس انى غريب وسطهم انا بقيت بنزل اجازة من الجيش كأنى منزلتش نفس الاحساس اللى هناك هو هنا متغرب .. ايوة متغرب عن اهلى و ناسى و صحابى لواحدى هنا و لواحدى هناك . 
مش عارف انا نزلت هنا ليه و حكيت هنا ليه مستغرب دا جدا ع فكره بس اهو يمكن الاقى نصيحه من حد كان قبل و بقا كدا او حد عنده خلفيه ب اللى انا فيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64677 🇪🇬

منذ 3 أيام

شعور محبط

هو ليه الواحد حاسس انه لوحده و ليه الجيل اللي احنا فيه تافه و مقرف بجد ليه مش بيفهموا ليه حتي مكناش شبهم علشان نعرف نتعامل معاهم او حتي نتأقلم او نتبسط شويه ليه ديما الواحد مختلف في كل شيء شخصيته شعوره دماغه ليه ليه الجيل ده بتاع الاعيب و كدب و استهزاء و هبل ليه ليه

Banana_60004 🇪🇬

منذ 3 أيام

شعور ضاق ذرعًا

موضوع:

مشاكل فهم اهلك ليك

موضوع انه عايز اتزوج الفكره عند الحج كان بيقول هزوجك في تالته طب مثلا وانا دلوقتي داخل على ٢٦ ولسى موضوع الزواج ده لو تزوجت كان فرق جامد معايا علما اني من ثانوية عامه وانا عايز بس خير اكيد لعله خير المشكلة عارف لما تكون عايش لحالك لمده ٨ سنين؟؟؟ محتاج ونس في الغربه محتاج حد يوقف معاك حد بتحس انه

Apple_64755 🇪🇬

منذ 4 أيام

شعور مرتبك

انا جديد فى موضوع ده بس الى شجعنى انى اخش واكتب ان شحصيتى هتبقى مجهوله وده يمكمن يخلينى اتكلم بجرائة اكتر ،انا فكره كلها الى عندى انا حاسس انى تايه مهما قعدت مع صحابى قريبى اخوانى امى بحس انى غريب بس الى هو مين دول الناس دى تعرفن طب انا اعرفهم وبحس انى قاعد غريب فى وسطهم وغير كده بحس انى تايه الى ان

Pineapple_64792 🇪🇬 لو بطلت تخاف حياتك هتبقى احسن واهدا اصل يعني هنفترض انك في الجامعه كنت خايف من النتيجه في حاجه هتتغير بسبب خوفك لا اللي حليته في امتحاناتك هو اللي هتلقاه في النتيجه اى كان بقا نجحت سقطت شلت مفيش حاجه هتتغير بعد خوفك بالعكس الخوف بيوتر ويخلي الدنيا تتعك اكتر اتمنى تكون فهمتني عارفه اسلوبي مش احسن حاجه بس يرب تكون فكرتي وصلتك زي منا فهماها لو بطلت تخاف هيكون في حاجات جديده تعشها بدل منت قاعد تفكر

عرض الكل 3 نصيحة