غربة

Peanut_85115 🇪🇬

منذ ساعة واحدة

شعور مرهق

حاسس إني مش مفهوم خالص وسط الناس. كل مرة بتكلم أو بحاول أشرح اللي جوايا، بحس إن الكلام بيطلع غلط، أو إنهم مش سامعيني أصلًا. ساعات بحس إني باتكلم بلغة غير لغتهم، أو إنهم شايفيني حد غريب عنهم. مش إنّي مش بحاول، أنا بحاول أكون واضح، بحاول أكون قريب، بس كل مرة بتأكد إنّي لوحدي. ممكن أكون في وسط ناس كتي

Carrot_21958 🇹🇷

منذ يوم واحد

شعور محبط

شعور انك تكون متغرب وبتسمع اخبار وفاة حد من اهل اصحابك ك اب مثلا او ام او اخ شعور يحزن ويخوف بجد اللي هو تكون متغرب وفبلد بعيده وانت مش شبعان من اهلك ونفسك تنزلهم بس الظروف حاكماك ومش هتعرف تنزل بجد كل يوم بحاول اهرب من الشعور دا بتمنى ربنا يحفظلي اهلي دايمًا والناس اللي بحبها وبعد السنين دي انزل

Chocolate_84389 🇪🇬

منذ يومين

شعور ضائع

تايهه توهان غريب بجد لا راضيه بالواقع و لا عارفه اغيره واقفه فماكنى و دماغى واقفه عايزه اغير من نفسي بس مهلكه نفسيا و مقيده نفسي بفكره ان بدام معييش حد فالطريق مش هعرف ابدأ فيه فاللى عنده طريقه اولا انى ازاى احدد هدفى و اعرف انا بحب اي يقول ثانيا كورس لغات من مكان كويس اونلاين و يكون مجربه يا ريت ي

Coffee_81840 🇪🇬

منذ أسبوع واحد

شعور غير مكتمل

بقيت حاسس اني غريب تعرفوا الشخص اللي معارفه كتيييير و دائما بيضحك ويهزر بس هو مع نفسه اقسم بالله حياة ملل وزهق ومع كتر المعارف مفيش شخص قريب مفيش حد بيقدر يفضفض معاه ايه حل الموضوع دا لأن أنا زهقت وتعبت

Mushroom_71160 🇪🇬

منذ أسبوع واحد

شعور شاعر بالملل

الحياة مملة مفيهاش جديد كل يوم زي اللي قبله كل يوم فشل جديد ومؤخرا بقيت حاسس اني غريب وسط الناس ومبقاش عندي خلق بحد فكرت ارجع للابب هنا بس هو ادمان بنله وامسحه انزله وامسحه يعني لو حد عنده حاجة تشجع الواحد يقول

French Fries_79583 🇩🇿

منذ أسبوع واحد

شعور مكسور القلب

كنت دايماً نقول بلي الدنيا ما ترحمش، بصح عمرها ما وجعتني كيما كي حسّيت بالوحدة. الناس كامل حواليّ، يضحكو، يهضرو، يعيشو... وانا نحس روحي غريب، حتى بين وجوه نعرفها مليح. نهار كنت صغير، كنت نحلم نكبر ونولي شخص ناجح، نفرّح والديّ ونغيّر حياتنا. كبرت، ورحت للجامعة، تعرفت على ناس، بصح ولا واحد فهمني كيما

Lemon_81103 🇩🇿 ما عنديش نصيحة ليك مي فاهمك عصامية حاجة متعبة انك كل شئ ديره وحدك انك ما تقدرش تتأكل على أي بنادم هذا شئ مرهق و مستنزف للطاقة مي رانا صابرين و ربي معانا

عرض الكل 2 نصيحة

Mushroom_80854 🇩🇿

منذ أسبوع واحد

شعور متعب

اول خطرة رح نتعامل بهذا التطبيق تلاقيت بيه فلأنسطا ولاكن جا في وقتو لأنو تغميييت وملقيتش ليمن نحكي المهم حبيت واحد صغير عليا بعام مام سي مكنتش متقبلة هذي الفكرة اطلاقا لاكن كبدا اعجابو فياا حبيتو بلا منفيق روحي هدرت معاه مدت شهر وتعلقت فيييه لأنو فشهر عشت بزااف صوالح شبين معاه (لتراند .الغيرة تاعو.

Coconut_78409 🇪🇬

منذ أسبوع واحد

شعور مكسور القلب

فكرت انك تبقي بعيد عن اهلك ومغترب وتقعد بالاسابيع والشهر ماتشفهمش وهما حتي مش بيفكروا يسئلوا عليك ويوم ما يسئلوا يبقا علشان حاجه تخصهم هما دي بتوجع اوي مش بيجي فبالهم انت عامل اي تعبان زهقان مكتئب ولا الهواء🥹

Sugar_35975 🇸🇦

منذ أسبوع واحد

شعور مكسور القلب

احساس الغربه ده اوسخ احساس في الدنيا يعني ايه افضل سنين مشوفش اهلي و الناس الي بحبها و بخاف عليها عشان دراسه ولا شغل و لا عشان مش عارفين ندفع حق التذاكر مع المصاريف احساس عجز ان حد من اهلي يبقى تعبان و هموت و انزل أشوفه و مش عارفه مش عارفه بكتب الكلام ده ليه بس لقيتني بعيط عشان اهلي واحشني و أنا مش

Olive_76077 🇪🇬

منذ أسبوع واحد

شعور وحيد

انا فى البيداء وحدى، ليس لى شأن بغيرى. ليا جحرُ فى شقوق التل، قد اخفيت جحرى. وسأمضى منه يوماً، ساكنا ما لست ادرى. سائحاً اجتاز فى الصحراء، من قفر لقفرٍ. ليس لى دير فكل البيد، والاكام ديرى. لا ولا سورٌ فلن يرتاح، للأسوار فكرى. انا طير هائم فى الجو، لم أشغف بوكرٍ. انا فى الدنيا طليق، فى إقامتى وسي

Cherry_69719 🇦🇪

منذ 3 أسابيع

شعور ضائع

فكرة الطلاق و الانفصال فكرة قاسية جدا وخصوصا لما تبقي كبير نوعا ما 45 سنة ومتغرب ولوحدك. فكرة ان بيتك ولمة أولادك حواليك بقت مجرد ذكريات. فكرة فقدان الشغف في الحياة. محتاج دعم من الاصدقاء هنا يديني امل بأفكار جديدة لبداية جديدة. انا متغرب من جوايا قبل ما اكون متغرب خارج مصر.

Coconut_72568 🇰🇼

منذ 3 أسابيع

شعور غير مكتمل

ياااارب انتا عالم بالحال لاتكلنا الي انفسنا طرفه عين بالله عليكم دعواتكم اعصابي بايظه خالص وانا في غربه وحاسس ان دماغي هتنفجر وعايز اليله تعدي وانام بس دعوه بجد والنيي مش عايز حاجه تاني

Potato_69160 🇪🇬 ربنا معاك ومش هيسيبك وخليك واثق انه ديما في ضهرك مهما حصل بس انت خليك جنبه وخليك معاه وهو مش هيسيبك لحظه ربنا يكرمك ويوفقك ويصبرك ويجبر بخاطرك اللهم آمين يا رب

عرض الكل 6 نصيحة

Mango_59964 🇪🇬

منذ 3 أسابيع

شعور محبط

أنا وسط ناس كتير، لكن وحشاني الصحبة الحقيقية؛ معرفش أفرّق بين صاحب ومعروف، لأن كل اللي حواليّ معارف بس—وجوه بتمر وخلاص. كل يوم ببتسلم على ناس وأرجع لوحدي، وأحس إن المكان فاضي من جوايا. من وانا صغير طولت في السن بسرعة، اتفرّقت مع الطفولة واتبهدلت من بدري؛ اتعلمت أصرف على نفسي من 2 إعدادي لحد 3 ثانوي،

عبّر عن شعورك بشكل مجهول

أنا وسط ناس كتير، لكن وحشاني الصحبة الحقيقية؛ معرفش أفرّق بين صاحب ومعروف، لأن كل اللي حواليّ معارف بس—وجوه بتمر وخلاص. كل يوم ببتسلم على ناس وأرجع لوحدي، وأحس إن المكان فاضي من جوايا.
من وانا صغير طولت في السن بسرعة، اتفرّقت مع الطفولة واتبهدلت من بدري؛ اتعلمت أصرف على نفسي من 2 إعدادي لحد 3 ثانوي، وأنا لسه بكتب اسمي في دفتر الحياة بأحرف مرهقة. ما كانتش رفاهية، كانت ضرورة—عملتها عشان أعيش، مش عشان أفتخر.

أكتر حاجة بتوجع إن اللي المفروض يكون سندك كان أول ناس تضربك في ضهرك: أب وأم ضدي في أي حاجة وفي كل حاجة. مش بس اختلاف رأي، لأ ده تحقير، برفض، وكأن وجودي غلط. حسيت إني غريب جوا البيت، في وطني ومش منتمي، وبقت حروبي اليومية بيني وبين ناس اللي المفروض يفهموني أكتر من أي حد.

وصلت لمرحلة، لما طلبت فلوس في 3 ثانوي، مكنتش بطلب حاجة مبالغ فيها—بس الرفض مكانش كفاية. اتذلّلت بيها؛ اتهزأت، تنكّرت لي بكلام جارح، واتعايرت كأني رخصت نفسي قدامهم. مش الناقص كلمة، لا.. شتم وسخرية وخروجة احترام منيها. الكرامة اتكسرت قدام عيونهم، ومكنتش حتى أقدر أرد لأن الجرح كان كبير والاختلاف كان مع عصب البيت.

النهار عندي بيمر وأنا مستغرق في خنقة؛ نفس محبوس ما بيرتاحش. عايش يوم ورا يوم، وقلبي بيسأل ليه؟ ليه كل حد حواليي بيعاملني كده؟ أحيانا بحاول أضحك عشان أخفي  وبحاول أتماسك عشان محدش يحس بقد ايه أنا توهّان. بس الصمت ساعاته أكبر من الكلام؛ الصمت اللي بيعبر عن كرامة مكسورة وعن تعب ما ينتهيش.

مش بطلب من الدنيا كتير؛ بطلب إن حد واحد يسمعني يطبطب عليا يحضنني ويبص في عيوني كإنسان، مش كاسم مرّ وخلاص. بطلب لفتة حقيقية، كلمة طيبة تبرد نار جوايا، حضن يطمن قلبي عن بكرة. لكن لحد دلوقتي، اللي بيحصل إن كل حاجة بتتقلب عليا: ناس تضحك، كلام يقلل من قيمتي، وانا باضطر أبلع مرارة القهر عشان أعيش.

لو هاتوصف وجعي، هتلاقيه مش في اللحظة دي بس؛ ده تراكم سنين وشهقات مكتومة. ممكن تموت فيك الأمل؛ ممكن تحاول وتنهار؛ بس برغم كل ده، بردة في قلبي صوت صغير يقول: ما تسلمش. حتى لو الدنيا ضدي، حتى لو الكل ضدي، أنت لسه موجود، وتنفسك لسه ليه معنى.
بس انا فعلًا مش قادر مش عارف مش واثق والله العظيم انا عمال بكتب جايز حاجة جوايا تتحسن.. انا طول الوقت دايخ تعبان مش قادر اعمل اي حاجة .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_77118 🇪🇬

منذ 3 أسابيع

شعور Not great 😕

جدو اتوفي من خمس سنين كان عندي ساعتها 14 سنه ومن يومها وكل حاجه باظت حرفيا وانا نفسي مبقتش عارفه اتخطي الوجع لأن هوه كان ابويا مش جدي بس وكان حنين عليا اوي بس بعد مااتوفي الناس كلها ظهرت علي حقيقتها والمشاكل بدأت وبقالنا خمس سنين في مشاكل أنا بس نفسي جدو يرجع دقيقه ياخدني في حضنه زي زمان ويهون عليا

Marshmallow_69067 🇪🇬

منذ شهر واحد

شعور وحيد

عبّر عن شعورك بشكل مجهول

اوقات كتير بحس ان العالم الكبير دا كله سجن مسجونة فيه لوحدى او مسجونة ف جزء منه مفهوش حد غيري.. محلتيش فيه الا خيالى واحلامى وقلم وورقة ساعات بستخدمهم في الكتابة وساعات في الرسم.. إتعلمت اصاحب كل شئ الا البشر كل سور حوليا صحابته صاحبت السما واعز صحابي الليل.. كنت دايما بحلم انى اعيش بشكل طبيعي ف يوم من الايام ولكن كل حاجة خوفت منها حصلت لدرجة انى بقيت بخاف من افكاري بخاف افكر وبخاف اخاف وبخاف احلم بأى حاجة او اتمناها لانى كل حاجة اتمنيها كان إمتحاني فيها.. مش إعتراض ع الأقدار انا بس بحكي حتى لما بحاول أحكي بحس انى مش مفهومة وكأن بقا ليا لغة خاصة بيا محدش فاهمها غيري.. اغلب الوقت بقول لنفسي ملهوش لازمة الكلام محدش حيفهمك اصلا وساعات بتكلم فأسمع نصيحة بعيدة جدا عن الى انا محتاجاه ولكن بسمع وخلاص.. أكبر خوف جوايا ان الايام تمر ورا بعض وانا لسه مستنية حد يحررنى من سجنى وتكون الحقيقة ان حريتي بموتى ونا الحياة كلها سجن بس مش كل مسجون وحيد فيه مساجين متونسين وانا غربتي جوايا.. احيانا بشوف طيف شخص او اسمع صوته يتولد جوايا امل انه ع الاقل مش هكمل ف السجن لوحدى لكن الحقيقة ان دا بيكون سراب.. يمكن انا كتبت بوستات كتير قبل كدا بنفس المعنى مع اختلاف الكلام ولكن معرفش انا بكتب ليه او مستنية يحصل ايه وليه الى مستنياه مبيحصلش بالطريقة المناسبة ليا بالطريقة الى تهون عليا غربتي في الحياة.. انا مش عايزة ابان سخيفة او ضعيفة بالعكس انا صبورة جدا ولكن ساعات بخاف من ان تكون هب دي الحقيقة الوحيدة الى بتدور عليها حياتى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_78247 🇪🇬

جوزي بيضربني وواهله بيحسدوني.. أنا فاشلة وعايزة حل

انا فاشلة ف كل حاجة فاشلة اني اكون زوجة واكون أم.. انا متجوزة من 8 سنين وعندي 30 سنة معايا بنتين. جوزي بيسافر وسايبني قاعده ف بيت لوحدي بربيله العيال.. بينزل اجازات شهر فالسنه واحيانا شهر كل سنة ونص لو سنتين.. بارد ف مشاعره معايا عمره مسمعني كلمه او طيب خاطري ومع ذلك محافظة ع نفسي وبيتي واولادي.. مفيش حد من اهله بيسأل علينا ولا بيرفع سماعه التليفون وعمرهم ماتصلوا يسألوا ع ولادي وهو متقبل ودايما يغصب عليا انا اروح بالبنات ومقابلتهم بتكون اوسخ مقابلة وممكن يقوموا ويسيبوني قاعده لوحدي ومينفعش انا اشتكي يااما هبقي بكرههم ووحشة.. كان بيبعت مصروفي عليهم وحاجة ولادي عليهم يفتحوا ويتفرجوا وبعدين يبعتولي عملت مشكلة ومفيش حاجة اتغيرت بروح امد ايدي ليهم اخد حاجتنا منهم.. جه فترة حوش فلوسه فالدهب وعان معايا جزء ومع اخته جزء.. جيت مسافراله من شهر ونص قالي ابعتي الدهب عند اختي انا رفضت وقولتله داري ع نفسك يلاش تكشف كل اللي معاك قدام حد الواحد ممكن يحسد نفسه.. رفض وصمم اني اودي اللي معايا عندها وبعتلي عيل عنده 18 سنه ياخده مني ويحاسبني بالورقة والقلم ويقولي خدت منك كذا.. زعلت وحسيت بالاهانه قولتله اني زعلانه والموضوع ده هيشيلني منه وانا مسافرة.. سافرت والله والله كنت بحاول انسي اني زعلانه واعدي ايامي بس هو اللي واخد عالوحدة دايما ماسك الفون وبيزعق للبنات لما يلعبوا بصوت عالي وبدا يشتكي من المصاريف ومش هتكملوا معايا هتنزلوا بعد 3 شهور مع انه كان واعدني انه واخدني سنه.. كلامه اتغير المشاكل زادت ضربني وبدأ كل يون يضربني لحد مخدت علقة موت كسرلي فيها ضهرى.. وهو عمره ماامد ايده عليا.. بدأ يتصل ع اهلي يشتكي مني واني منكده عليه بسبب الدهب وان دي فلوسه هو وهو حر فيها.. واتصل ع اخوالي فضحني بصحيح العبارة شغل قلب ترابيزة وكدا.. عيشتنا طول الشهر ونص هم وغم وعياط وقرف ومكنتش لا انا ولا بناتي مبسوطين.. جه قالي انه حسد واصحابه بيحقدوا عليه بكلامهم.. جاله سفر ضروري الرياض شغل هناك حجزلي بعد شهر و 17 يوم بالظبط ونزلت مصر ف نفس اليوم اللي هو سافر فيه.. نزلت تعبانه جدا جدا وبقالي 10 ايام مريضة مش بتحرك وهو كل يوم بيتصل وهو مقموص ومش بيكلمني كويس من تحت ضرسه.. جيت النهاردة نتناقش اتفتح فيا وقالي كلام صعب اوي وبردو اني ماديه وبتكلم فالفلوس ودي فلوسه ومش هيرجعلي الدهب عندي.. مع انه كان قايلي قبل مااوديه اني هنزل اخده هو عاينه عندها بس عشان انا مسافرة.. غير كلامه وقال مش هبعتهولك وشتمني وقال اني روحت بوظت السفرية عليه وعليا طلبت الطلاق وقولت متنازلة عن كل حاجه بس سيبني لاني اتبهدلت معاك.. رفض وقالي لما ابقي انزل مصر وراح متصل ع بابايا وقاله كلام كتير محصلش.. بابايا مش برضي ادخله ف اي مشاكل بينا وميعرفش اي حاجه هو بقي دخله.. ونص كلامه كان كذب اقسم بالله مامتي كلمته وقالتله كلام كتير واني عايزة اطلق ومش هناخد منه حاجة هو رفض.. اهله دول بالنسباله احسن مني ومن عيالي.. مع ان والدته متوفيه انا بتكلم عن اخواته البنات.. بابايا طالب مني اسيب بيتي واروح اقعد عندهم لحد مانشوف هنعمل ايه وانا رافضة عشان مدارس عيالي ودروسهم وبصراحه بالرغم من كل ده الا اني بحب جوزي ومش عايزة اخسره هو بس محتاج يتغير وهو والله تعبني كتير اوي وجه عليا هو واهله.. فكرة ان اخته هي تعينله حاجة انا اللي بدفع تمنها من صحتي وشبابي وانا لوحدي ومفيش كلمه حنينه دي وجعاني اوي.. اسفة طولت عليكم بس بفضفض لان عيني ورمت من العياط تنصحوني اعمل ايه ...عرض المزيد

1 الدعم

28 نصيحة

Chocolate_85180 🇪🇬

مخنووقه أوي وحاسه بوجع فقلبي قاتل

مفيش جوايا حاجه معينه بس مخنووقه اووي احساس بوجع فقلبي قااتل اكن روحي بتطلع بالبطئ ديما حاسه اني هموت ف اي لحظه غير اني ديما لوحدي نفسي افوق لحيااتي موقعه نفسي ف مشكله ملهااش حل ديما تعبااني مش عارفه اتصرف عاوزه ارتبط واحب واتحب ديما حاسه اني متحبش معن كل اللي حواليا بيقولو اني حلوه بس انا بجد حااسه اني عاايشه عسان انام واصحي اكل واتزل الشغل واعيط وانام ...عرض المزيد

3 الدعم

26 نصيحة

Strawberry_84757 🇪🇬

نفسي أبطل مقاطع غير أخلاقية وخايفة أموت

السلام عليكم ورحمة الله وبركاته اسفة لو كان الموضوع حساس شوية بس انا نفسي ابطل وهو سماع المقاطع الغير اخلاقية وحاولت كتير وارجع تأتي انا الحمدلله لله ملتزمة شوية لكن الجانب دا مش عارفة اتوب منه وخايفة اموت وانا لسة ماتوبتش بجد ساعدوني انا فكرت كتير اقول لحد مثلا اختي او كدا تساعدني بس اخاف انزل من نظرهم لاني ان شاءالله هتوب في يوم لكن اكيد دا مش هينسوه مش عارفة اعمل ايه انا بجد قرفانة من نفسي جدا انصحوني ب اشياء مجربة لاني بدعي ربنا ...عرض المزيد

0 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع