بقالي فتره بحس بحرقان عند قلبي.. ده طبيعي؟

Question

هوا طبيعي أن يحصل ف حياه الانسان ابتلائات كبيره جدا جدا بس ببقي بارده ومش بحس بأي حاجه جوايا غير التوتر يعني دايما بهز رجلي والتحرك كتير زي اعراض ADHD بس سعات بيجيلي اوقات بحس بحرقان عند قلبي هوا كدا طبيعي؟

Corn_21017 🇪🇬 · Accepted Answer

إتفق طبعا ، الحياة صعبه جدا 
ربنا معانا و يخرجنا منها علي خير.

Corn_21017 🇪🇬 · Answer

انا كده ، مريت ب حاجات كتير صعبه و خارج ب قولون عصبي و توتر في اي حاجه و تفكير في كل حاجه و احساس وحش الحقيقه نفسي اهدا مش عارف ، بيقولوا طبيعي اه

Pumpkin_21046 🇪🇬 · Answer

مش طبيعي خالص لأن جسمنا بيفرغ الضغط والزعل دا بطرق تانيه واصعب من ال بيعيط ويحكي همومه مش عارفه ايه الحل بس الموضوع بيوجع اووي

Guava_20930 🇪🇬 · Answer

هو غالبا مش برود انتي بس بتكتمي مشاعرك مش بتظهريها فبيعملك ضغط عصبي ويبدأ يظهر في اعراض جسديه

Pumpkin_21046 🇪🇬 · Answer

بصراحه انا اهون عليا الكتمان لاني مش بحب أظهر مشاعري خالص ف ايه الحل غير الفضفضه ،انا تأقلمت بس مش حابه الوضع

Watermelon_21082 🇪🇬 · Answer

ربنا يجبرك ويرزقك الصبر والرضا بس طبيعي الحياة هى فى الاساس ابتلاء   زي ما ربنا قال ( الذي خلق الموت والحياه لنبلوكم أيكم أحسن عملا) وطبعا ربنا مش بيختبرنا لا هو بيختبرنا عشان فى الاخر نشوف مين احسن واحد عرف ينجح فى الاختبار وهيأجره عليه فى الدنيا ولومكنش فى الدنيا يبقي الاخرة وساعات بياخد اجره فى الاتنين وده طبعا من كرم ربنافأنا نصيحه مني لكى ادعى واصبري فأنا والله زيك ومش بأيدى غير الدعاء والصبر

Pumpkin_21046 🇪🇬 · Answer

كلامك جميل اووي بجد شكراا فعلا فرق معايا حسيت أن انا ال بتكلم ،دايما ببقي نفسي حد يقولي الكلام ال بقوله علشان اعرف هما حاسين بايه ودلوقتي عرفت ،ان شاء الله كل حاجه هتكون كويسه ربنا يفرح قلوبنا يارب

French Fries_20904 🇪🇬 · Answer

ممكن تروح لثيرابيست اخصائي نفسي يساعدك
والجأ لربنا اولا طبعا يرزقك راحة البال والرضا