هل ليا حق اضايق من ماما في أوضتي ولا بتدلع؟

Question

باختصار كدا انا البنت الكبيرة في عيلة فوضوية وغريبة مهما حاولت احافظ على نظافة البيت مش بعرف المهم حاولت احافظ على اوضتي بس عالاقل بس في حاجة مضيقاني ماما بتحب تقعد معايا مش عشاني لا عشان اوضتي نظيفة بس وعلى سريري كمان وانا حاسة اني محتاجة مساحة شخصية خاصة بيا خصوصا انها بوجودها البيت كله بيبقى قاعد في اوضتي انا مش عارفة انا صح ولا غلط بجد والله مش عايزة هجوم هل ليا حق اضايق ولا بتدلع ؟

Apple_18010 🇪🇬 · Accepted Answer

الرسول قال ليه ان البيوت حرمات علشان خصوصية الناس .. وغرفتك تعتبر مسكنك وحرمتك ومعني اخر خصوصيتك ( هل ينفع والدك او اخوكي يدخل عليكي وانتي بتغيري ملابسك مثلا ف الاوضة ( اكيد لا ) طب هتغيري ملابسك فين غير اوضتك مثلا ف اوضتك هي حرمتك وفي معني اخر خصوصيتك ( ممنوع الدخول من اي شخص حتي ابوكي او اخوكي غير لما يخبط ويستاذن ذي ما الشخص الغريب بيخبط وبيستاذن لما بيدخل بيت الناس )

French Fries_52416 🇪🇬 · Answer

لا انا عايش زيك وفاهم الي بتمري بيه عايش في بيت بيحب يحتفظ بكل حاجة و يحط كل شئ في كل حته الا مكانها لا وزيادة عليه مش بس يسيبوا الدنيا كده ويقعدوا لا بيقعدوا يهاجموا و بيبقوا متعمدين يقاوموا ده و شايفين اني محبكها

Donut_49598 🇪🇬 · Answer

واو نفس الوضع حرفيا 😂🥲

Apple_18010 🇪🇬 · Answer

اوضتك هي اوضتك ومساحتك الشخصية والسرير للنوم مش القعاد والاوضة بتاعتك للمذاكرة مش للقعاد .. ماما عايز تقعد معاكي تقعدوا ف الصالة .. عايزين تاكلوا او تتكلموا يبقي ف الصالة.. واوضتك ليكي وفقط ولازم تكوني حازمة ف كده معاهم ممنوع الجلوس او الاكل ع السرير علشان ده للنوم فقط .. وممنوع الجلوس معايا ف الاوضة علشان بذاكر وانتم بتعطلوني .. عايزين حاجة نطلع برا وده مش عقوق ولادين ..

Apple_18010 🇪🇬 · Answer

ودفاعك عن ده حقك حتي لو بالقوة .. الساكت عن الحق شيطان اخرس .. والمؤمن القوي خير من المومن الضعيف .. وده تاني مش عقوق والدين .. وممكن تجيبي ليهم الموضوع تدريجي ... زي انك تحرجيهم اكتر من مرة انهم دخلوا عليكي وانتي بتضبطي ملابسك او بتغيري وتكسفيهم وتكلميهم ان ده حتي حرام وهما تمام هما مش منظمين لكن اكيد مش هيعارضوكبي ف حلال وحرام بردوا .. وانك تشرحي ليهم أوضاع ومواقف هما يستكروها

Donut_49598 🇪🇬 · Answer

حاولت بالزوق كتير وشكيت في نفسي اني غلط

Durian_52455 🇪🇬 · Answer

ده يابخت اللى هيتجوزك 😂

نتكلم بجد
انا مش هتكلم على إن من حقك يكون ليكى مكانك الخاص الآمن اللى هو يعتبر Comfort Zone بالنسبالك

بس عندى تعليق على إن مامتك بتحب القعدة معاكى لمجرد إن أوضتك نضيفة، تعرفى ده معناة اية ؟
 إن الترتيب والنظام والجمال شيئ فطرى جواكى، وده على عكس كل اللى معاكى فالبيت

بس ممكن تستغلى الموضوع ده وتقعدى انتى مع مامتك اكتر، لإنها مامتك، وطبعًا بر الوالدين من أعظم العبادات ❤️