انا مكنتش ملتزمه التزام تام يعني بصلي وبقرأ اذكار وبصوم بس لكن حجابي كان فيه بنطلونات اه واسعه ومش ببين شعري بس بنطلونات الا ان دخل حياتي شاب جميل جداً ملتزم ومجتهد ف شغله دخل شغلنا كعميل وكشريك وهو اللي اخد فيرست ستيب وكان بيبصلي كتير ويضحكلي وكله اخد باله انه معجب بيا واما عرفته عرفت انه ملتزم وبيحفظ قرآن ومبيكلمش بنات رغم انه كان معجب بيا بس مكنش بيكلمنى غير ف الشغل عشان الشغل بعد متشدتله وبادتله نفس الاعجاب وكان ساعات يرد علستوري بتاعتي بس مكناش نلحق نتكلم لانه كان بيقفل الكلام عشان الحرمانيه بدأ يكشر في وشي ويعاملنى وحش ف الشغل وبصراحة دخلت سالته وعاتبته لانه قالي قبل كدا اما اضايق اقول ف ساعتها لكن محطتش ظنون بيني وبين نفسي عشان الشيطان اكا لقاني عاتبته اتصل بيا فون وقالي انه مش جاهز للجواز دلوقت وانه لو فضل يتكلم معايا كدا الشيطان هياخدنا وهنرتبط وهو مش زي منا متخيله انه ملاك لا هو انسان وبيغلط وبيتحكم ف نفسه بالعافيه وكلامنا ده خطوات شيطان واعجابنا ده طالما مفهوش جواز لاني مش مقتدر دلوقت اتجوز ف هو غلط انا معرفش هو كدا توكسيك ولا فعلا عشان ميعملش حاجة حرام رغم انه لو كان طلب نرتبط كنت هرفض بس الغريب بعد مبطل يكلمنى ومسح رقمي وعملي انفولو انا بقيت قريبه لربنا اكتر بسببه بقيت بعمل كل العادات اللي بيعملها قيام الليل صيام اتنين وخميس ده انا كمان بدأت مع محفظه قرآن وبدات احفظ بطلت اشير اغاني وبقيت مختمره اتمناه زوج ليا في المستقبل لما ربنا يديله القدره على الخطوه دي بس انا معرفش هو كدا بردو توكسيك ولالا عاوزه اسمع وجهة نظركم ف الموضوع؟

8

2