نفسيتي تعبانه ومش قادر أقم من السرير

Question

بقول نفسيتي تعبانه .
بلاقي ناس كتير تقولي صلي وادعي .
ازي اصلي وادعي وانا كسول 
وانا مش قادر اقوم من علي السرير 
ورجلي تقيله 
وعايز ديما افضل فارد ضهري 
ولو اتحطيط في مسؤولية ببقا مخنوق 
وبفضل طول اليوم متعكر .

Mango_63110 🇪🇬 · Accepted Answer

اكتئاب وأكيد له أسباب داخلية الاكتئاب ملوش علاقه بالإيمان هو مرض زي المرض العضوي له أدوية

Coffee_63669 🇪🇬 · Answer

انت ليك حد غيره !
طب في حد قادر يغير حالك الا الله
قوم كده استهدا بالله اتوضي وصلي ركعتين واقعد علي مصليتك وقوله كل حاجه

اللي انت فيه ده بعض الدكاتره النفسيين بيصنفه كمرض نفسي هو مش محتاج علاج بس محتاج منك انك تقوم علي طول من علي سريرك

Coffee_60862 🇪🇬 · Answer

اكشف عن حد نفسيه ممكن يكون عندك اكتئاب 
و في بعض الحاجات بتسبب كدا برضه زي نقص فيتامين د
فاكشف احسن

Sugar_63467 🇫🇮 · Answer

السلام عليكم. اول شي العبادة بتغير الحال للأحسن هذا شيء حقيقي. ثاني شي كون عندك هذه الشعور قد يكون عندك اكتأب او نقص بفيتامين دي اكشف و شوف وضعك. ثالث حاجة حتا بعد لما تكشف و تتعالج خليك منتضم بالصلاة و ملتزم بيها عشان الانتضام بالصلاة و الصلاة على الوقت و الدعاء صدقني بتخلي عند الشخص همة و ممكن يكون وسيلة للعلاج. و انا بحكيلك عن تجربة. و كمان كنت بحكي زي اللي بتحكيه، و الحمدلله تغيرت للأحسن.

Banana_64467 🇪🇬 · Answer

الكسل عباره عن محطه دفاع للمخ 
لان طبيعه المخ بيفكر او بياخد قرارات منطقيه عارف توابعها 
زي مثلا المثانه مليانه مايه ف المخ ينتبه و يخليك تقوم تعمل حمام . ف النتيجه معروفه 
لكن مذاكره و شغل و اي حاجه محتاجه مجهود زي الGYM مثلا تلاقيه علي طول خلاك تكسل 
الحل انك تعافر

Mango_64484 🇪🇬 · Answer

روح لدكتور نفسي ،بس دكتور نفسي مش اخصائي نفسي، عشان لو عندك اكتئاب يقدر يوصفلك ادويه، عكس الاخصائي ممنوع انه يوصفلك ادويه، وصدقني الادويه هتغير كل مشاكلك دي.