نفسيتي تحت الصفر ومش عارفه أطلع من الزعل

Q: مش قادرة الاقي السعادة.. أغرب فترة في حياتي

الفتره دي اه مش اصعب فترة مريت بيها بس أقدر أقول إنها أغرب فترة عيشتها مليون شعور وإحساس، أنا كويسة فعلًا الحمد لله بس مش سعيدة، مش لاقية السعادة في أي حاجة مش حاسة إن في حاجة ممكن تبسطني اول مره اكون فاقدة السعادة تمامًا ومش عارفة الاقيها بقيت حاسة طول الوقت اني فاضية من جوا معنديش شئ حلو اقدر اقدمه لحد، ولا بقيت قادرة اكون مع حد ولا اسمع مشاكل حد او اخفف عن حد مع اني اكتر انسان ممكن تشوفه بيعرف يواسي ويتكلم ويدي طاقه للي حوليه بس بقالي فتره معنديش مشاعر ولا بقيت بحس، مبقتش بحس غير اني تايهة وحقيقي يابخت اي حد مش حاسس انو تايه.

Q: زهقان مرعبه وعايز أتخطى حياتي.. إيه الحل؟

انا عايز اتخطى حياتى اعمل Skip بجد يمكن الاقى حاجه مهمه او تشدنى شعور انك عارف ناس كتير ومحدش قريب منك دا سئ انا بقيت عايز اختفى من حياتى يمكن تكون احسن والله الفكره انى راضي و الحمدلله على كل حال و عارف ان اى حاجه بتحصلى هى الخير من ربنا وانى اكيد فى نعمه بس انا زهقان لدرجه مرعبه و مش عارف اعمل ايه او ايه اللى يخرجنى من الحاله دى

Sugar_45108 🇪🇬

منذ 3 أيام

شعور Depressed

انا وصلت لمرحله صعبه بجد.. الواحد طبيعي بيعدي عليه ايام نفسيتو بتبقي مش احسن حاجه و انا الحمد لله كلوم كانت تبقي نفسيتي تحت الصفر كنت انا اللي بطلع نفسي و اقول لنفسي الزعل مش هيدوم هتفضلي كدا يعني و محدش حاسس بيكي و كنت احاول ابسط نفسي و اطلعها من اللي هي فيه بس انا دلوقتي تاني نفسيتي تحت الصفر و وصلت لدرجه اني حتي مش عارفه اعيط علي نفسي مع ان لما كنت بعيط كنت برتاح بعدها و احس اني طلعت الكبت اللي جوايا... بس انا دلوقتي دي اطول فتره زعل عدت عليا بطبيعتي انا بعدي و الزعل مش بيطول معايا انا دلوقتي باقيلي اكتر من شهر مش عارفه اطلع نفسي من اللي انا فيه حاسه اني عاوزه اختفي و انعزل فتره كبيره و ارجع تاني بس مش عارفه برضو!