أنا نفسيتي أسوء ما يكون بجد من كل النواحي، بجد مش عارفة أبدأ منين عشان هنفجر، أولاً أنا تخينة! وتخن مش طبيعي، وفوق ده كله بقالي سنين بحاول أخس والموضوع مش نافع، لغاية من فترة خدت القرار وعملت فحوصات وكل حاجة كانت سليمة! يعني مفيش حاجة تعيق خسارة الوزن، بس قعدت شهر فدايت قاسي ومخستش حتى كيلو 😀 مع انه المفروض انه جسمي حرقه شبه عالي! بعيداً عن الموضوع ده أنا بكره نفسي بجدددد! ومش بحب شكلي ولا منظري ولا عارفة احبها، وفوق ده كله لسه في ناس شايفة اني اتحب وبيحبوني، وحتى الشخص اللي مستعد يجيبلي الدنيا كلها مش عارفة احبه!! ولا قابلاه ومش عارفة ليه ولا على ايه بيحبني، ومش مستوعبة حاجة، وحتى اللي أنا حبيته أنا اللي بعدت عنه بنفسي عشان كنت شايفاه يستحق حد أحسن مني بكتير واني مستحيل أعرف احب حد طالما أنا مش قادرة أحب نفسي الأول، بجد مش عارفة ابدأ منين ولا اعمل ايه حاسة حياتي فوضى، ماما اللي المفروض تكون أحن حد في الكون عليا بتسمعني كلام بيخليني أكره نفسي أكتر، لدرجة فمرة قالت لحد قريبي ايه رأيك تتجوزها؟ أصل محد هيبصلها، انتوا متخيلين انه دافع عني وقالها ليه مهي قمر اهي هم يطولوا؟ اللي هوا الكلام اللي المفروض اسمعه من أمي!! وكل ده على جنب بس أنا أهلي محمليني مسؤوليات أنا مش قادرة استحملها وبقيت أحس اني راجل البيت أحياناً والموضوع أبداً مش لطيف، حاسة انه في حد خانقني مش قادرة اتنفس ومش طايقة لا البيت ولا حتى نفسي

2

0