نفسياً صفر من علاقة مش عارفة أتخطاها 🥺

Question

بقالى فتره نفسيا صفر حرفيا من علاقه مش عارفه اتخطاها و مش عارفه اتخطى كمية الأذى اللى وقع عليا والظلم اللى ظلمهولى سابنى بعد تضحيات ٨ سنين و راح خطب اللى أهله عايزينها و رجع يستسمح و فاكرنى هفضل ف حياته و هو حياته ماشيه دمرنى وفقدتى الثقه ف كل حاجه انا قريبه من ربنا اوى عشان مفيش غير ربنا هيساعدنى ويحس بيا انا جوايا نار و صعبان عليا نفسى و عمرى و مش مسمحاه نفسى اتخطاه و اعيش حياتى عادى نفسى انسى الظلم والغدر الللى حصلى ف لحظه مش قادره استوعب أن فى حد بالبشاعه دى ارجوكم محتاجه اتعافى و ارجع ل نفسى وبدعى ربنا ميتوفقش ف حياته عشان انا مش ذنبى انى اتساب كدا بعد كل العشم دا 🥺

Strawberry_25620 🇪🇬 · Accepted Answer

ولا يستسمح ولا تسمحي! حقيقي اللي يسيبك بعد ما تبقي عامله اللي عليكي ده ميستاهلكيش ولا يستاهل الطاقه والمشاعر اللي بتضيع دي، وفريها احسن لحد يستحقك ويستحق مشاعرك، وحبي نفسك والله انتي اولى من اي حد ممكن تحبيه ، اكتفي بنفسك وماتوقفهاش ع بني ادم اناني وبيمشي ورا كلام اهلو كمان،غيري روتينك غيري نظام حياتك بطريقة تخلي نفسك تحب نفسك اكتر وما تبقاش مستنيه الحب من حد .. بحيث توصلي للاكتفاء الذاتي!

Cherry_25744 🇸🇦 · Answer

حاسه فيك لاني بنفس الحال والوضع للاسف 😓💔

Lemon_25741 🇪🇬 · Answer

🥺🥺

Strawberry_25620 🇪🇬 · Answer

واهم حاجة طالما انتي قريبه من ربنا خلي عندك يقين فعلا انو هيعوضك وهترجعي احسن .. ومتضيعيش وقتك عشان مترجعيش تندمي بعد كدة انك ما اتحركتيش خطوه واحدة قدام في الوقت الي كان ممكن تعملي فيه كتير

Lemon_25741 🇪🇬 · Answer

نفسى أطور من نفسى بس حاليا مفيش اى حاجه تساعد بقول يا رب

Strawberry_25620 🇪🇬 · Answer

بالعكس ده انسب وقت تطوري فيه من نفسك لان ده وقت ضعفك واحساسك بالخذلان .. ده الوقت الي المفروض تعملي فيه اي حاجة تخليكي مكتفيه بنفسك

Grape_25695 🇪🇬 · Answer

لما تضيعي مشاعرك ع الشخص الغلط ، لما يجي الشخص الصح مش هتقدري تديله اهتمام ولا مشاعر عشان انتي خلصتيهم ف خدي خطوة الموف اون ، جربي تتواصلي مع أخصائي نفسي او تشوفي بودكاست و حلقات لاخصائيين ع النت و امشي معاهم و ادعي