نفسي الكبيرة نسخة بايظة بتتمنى تنتهي

Marshmallow_69067 🇪🇬

منذ 13 ساعة

شعور مستنزف

موضوع:

هل بتحب نفسك...ولا بتحب الصورة الي عايز توصلها؟

يا الله ع ضعف الإنسان.. زمان كنت بحاول احب نفسي وكنت راسمة صورة لنفسي المستقبلية دى كنت بحبها جدا بس انا بقيت اكبر من النسختين ومريت بحاجات مخبياها ع نفسي الصغيرة .. مش عايزة اخليها حزيمة واقولها ان نفسك الكبيرة موصلتش لحاجة نسختك الى حبتيها وكانت مهونه عليكي الحياة باظت منى خالص .. النسخة الموجودة حاليا بتنجوا من يومها بالعافية حاسة بضغط الدنيا عليها.. نفسك الكبيرة حاليا بتتمنى كل افكارها تموت وكل وجعها ووحدتها وكل حاجة انتى كنتى زمان احسن برغم كل شئ كنتى بتعانى منه زمان بس كان لسه عندك امل وقدامك ايام وخيالك واااااسع.. انا اسفه انى معرفتش اكون اى نسخة تنفع تكون إمتداد ليكي او إنتصار ليكي ع كل حد وحاجة وجعتك ..نفسك الكبيرة نسخة بايظة بتتمنى تنتهى بأى شكل

والله معرفش ف ايه.. ضاغطين عليا ونفسي أشغل وقتي

والله يجماعة معرفش ف ايه البيت مش أحسن حاجة و شايله فيه مسؤولية عشان ماكدبش بردو مش مسؤولية كبيرة أوي بس ف نفس الوقت مش هعرف أنزل بسببه شغل دايما أهلي بيشوفوني اني مش بعمل حاجة في حياتي عشان أنا مش م النوع اللي كل شوية يتكلم ويقول عملت أو سويت وصاحبتي و أكتر حد بحب أتكلم معاه، بعدت عني من غير اي سبب وكنت بكلم حد بقالي فترة وحصل بينا خلاف بسيط وبرضه قطع الكلام . وطبعًا أنا مضايقة وبحاول ما أبينش لأهلي كل ده بس هما ضاغطين عليا بأسلوبهم وممكن يقولوا كلمة تجرحني. بجد نفسي أشغل وقتي بأي حاجة. غير إني مبقتش واخدة بالي م أكلي وجسمي خست ودي حاجة مأثرة على نفسيتي طبعا ...عرض المزيد

1 الدعم

2 نصيحة

كنت حاسس إني مش فارق ومحدش بيحبني

أعترف أني وصلت لمرحلة صعبة جدًا، مرحلة حسيت فيها إن حياتي مش فارقة، وإن كل حاجة ضدي. كنت شايف إن مفيش فايدة من وجودي، وإن كل اللي حواليا بيكرهوني أو على الأقل مش عايزني معاهم. الكراهية دي كنت شايفها واضحة في عيون مديري وزملائي، وكنت مفسر كل كلمة أو تصرف ضد وجودي. لكن اللحظة اللي وقعت فيها، واللي فكرت أسيب الدنيا، كشفتلي حاجة مختلفة. شفت إن نفس الناس اللي كنت حاسس بكراهيتهم، وقفوا جنبي. المدير اللي طول الوقت حاسس إنه قاسي عليا، اتوتر جدًا وحاول يهديني. زملاء كانوا بيتفرجوا عليا ببرود، فجأة بقوا خايفين عليّ كأني أخوهم. حسيت للحظة إن حياتي ليها قيمة حتى عند الناس اللي ما توقعتش ده منهم. اللي فهمته إني كنت محاصر نفسي في قفص من أفكاري السودا، ومش شايف غير الجانب المظلم. يمكن ده اسمه اكتئاب، يمكن حرمان عاطفي، يمكن قسوة مني على نفسي. بس اللي متأكد منه إن الحياة لسه بتديني علامات إن في فرصة أبدأ من جديد. يمكن أنا غلطت إني فكرت أنهي حياتي، بس التجربة دي علمتني إني مش لوحدي زي ما كنت فاكر. لسه في ناس بتمد إيدها، حتى لو من غير قرابة أو مصلحة. يمكن دي رحمة من ربنا ليا عشان أصحى قبل ما أغلط الغلطة الكبيرة. ...عرض المزيد

4 الدعم

0 نصيحة