نفسي أعرف أنا مسلم بجد ولا لا؟ صراع بين الدين والحرية

Question

نفسي اعرف انا مسلم بجد ولا لا بحس اني منافق بعمل حاجات معاصي كتير بس انا مرتاح كده انا بحب ربنا وبحب الرسول صلى الله عليه وسلم وعارف فى ديني حاجات كتير اوي بس انا بين صراعين صراع موروث ورثته وهو الدين و العادات بتاعت البيئة و صراع اني بحب الحرية مش لازم اجاهر بحاجه بس بحب اجرب و اشوف بحس انه مش عدل ان ربنا يكون عارف انه مبتليك بحاجه ومضطر تتسجن فيها ويسيبك كده

Apple_68133 🇪🇬 · Answer

مجرد إنك بتسأل السؤال ده بصدق ووجع، ده دليل إنك مش منافق  المنافق مش بيهمه يعرف هو على حق ولا لأ
ثانيًا، اللي إنت بتقوله عن “الراحة مع المعصية” هو مش راحة حقيقية، دي راحة وهمية لحظية، واللي بيحصل بعدها غالبًا بيكون شعور بالفراغ أو التشتت. ولو سألت نفسك بصدق: أنا مرتاح فعلاً؟ ولا أنا بهرب من الضغط والقيود؟ هتبدأ توصل لجذور إحساسك

هكمل في كومنت الي بعديه

Lemon_69715 🇪🇬 · Answer

نفسي اقتنع بجد وابقى متيقن مش مجرد ورث اخدته من الى قبلي من غير وعي ولا فهم انا بحس بسذاجة اوي وسخف

Apple_68133 🇪🇬 · Answer

2

ثالثًا، الدين مش لازم يكون “سجن” لو فهمته على حقيقته. في فرق كبير بين:
		الدين كرحمة وهداية وعلاقة حب بينك وبين ربك،
	وبين الدين كعادات موروثة ومجتمع بيحكم على كل تصرف

أنت محتار بين الدين كإيمان، والدين كإكراه مجتمعي وده طبيعي  كتير جداً مننا بنعيش الصراع ده
لكن الدين الحقيقي مش بيكرهك في الحاجه، بالعكس هو بيكلم عقلك وقلبك ويسيبك انت تختار،  وفي النهايه بيحملك انت مسؤليه اختيارك ودا طبيعي

Lemon_69715 🇪🇬 · Answer

الفكرة فى مسؤولية اختياري دي لو انا دايما بختار غلط ايه مصيري؟ مهو انا فى سجن نفسي وجسدي وروحي بجد مش ببالغ يعني فى ثوابت وفى طريقة فهم معينة طب لو انا حاولت افهم لواحدي لا مش ممكن لازم تبقى تابع وكل ما اكلم حد يقولي ان حبك للمعصية دليل على غضب ربنا عليك اكنه حدد مصيري من دلوقتي حتى السؤال بقيت اخاف اسئلة

Apple_68133 🇪🇬 · Answer

أنت مش في سجن لأن ربنا حاطك فيه، أنت في سجن لأنك حاسس إنك لازم تفهم وتقتنع بكل حاجة 100% قبل ما تختار، وده مش هيحصل

مفيش بني آدم بيختار قرارات مصيرية وهو فاهم كل حاجة،  حتى اللي بيختار الإلحاد مثلاً مش بيعمل كده عن فهم مطلق، بيختار لأنه شايفه أقرب لفهمه هو

الدين مش بيقولك “امشي غصبن عنك" الدين بيقولك “أنا طريق، ولو مشيت فيه هتفهم مع الوقت، مش قبله

Lemon_69715 🇪🇬 · Answer

حتى لو انا احتياجاتي مخالفه الطريق ده بس مجبر امشي فيه؟

Ice Cream_63106 🇪🇬 · Answer

نفس المشكله عند اغلب الملتزمين
ده سيدنا عمر بن الخطاب رضي الله عنه كان خايف يكون منافق
مين احنا بقا عشان مش نخاف

Lemon_69715 🇪🇬 · Answer

مهو انا شايف نفسي مش ملتزم يعني بصلي متقطع و بسمع اغاني وبحب الفن و عادي اكلم بنات كأصحاب وشايف ان ده عادي مفينوش مشكلة الفكرة بقى ان الشيوخ بيصورولي ان ده مينفعش كل نفس لازم تعليق عليه وكل حركة ده غير بقى الحاجات الى مقدرش اتكلم فيها اصلا

Watermelon_69433 🇰🇼 · Answer

كلنا مسلمين وكلنا بنعصى ونتوب "كل إبن آدم خطاء وخير الخطائون التوابوم"

Lemon_69715 🇪🇬 · Answer

يا ريت عن اقتناع مش خوف

Watermelon_69433 🇰🇼 · Answer

اكيد اقتناع وخوف من ربنا