منافق

Apple_51831 🇪🇬

منذ يوم واحد

شعور لا مبالٍ

عبّر عن شعورك بشكل مجهول

بقيت بحس اني مش بحب لا امي ولا ابويا، ومبقتش اشوفهم حاجه كبيره او حد المفروض احترمه، وبتبسط لما بعند معاهم ومنفذش الي هما عايزين اعمله، مش بتخانق معاهم وبتجنب ادخل معاهم في اي حوار او نقاش لغاية مابقوا دايما يقولوا عليا بارده ومعنديش مشاعر.
بس انا نظرتي ليهم بقت مختلفه من كتر ما بقيت اعرف عنهم حاجات واشوف حاجات بعيني خلتهم يقعوا من نظري، اني مثلا عرفت ان ماما وهي متجوزه بابا كانت بتكلم اتنين رجاله وبتبعتلهم صور ليها بلبس مكشوف وملحقتش تكمل في علاقتها معاهم لأن بابا عرف، وقالها مش هقول لحد لكن قال لأهلها ف سابتله البيت ومشت. هي وقعت من نظري لأنها اكيد مش هتقولنا حاجه زي كدا لكن في نفس الوقت طول عمرها تقول ان ابونا ده اسوأ راجل هي عرفته في حياتها وتقول فيه كلام كتير وحش وانه كان بيعاملها وحش ونرجسي طب زي ما هتخبي الجزء الي غلطتي فيه قولي على الاقل حاجه كويسه فيه او امدحي فيه مره، وبابا كمان وقع من نظري لأنه وعدها وخلف وعده لما قال لأهلها ، ووراني فيديو ليها وهو بيصورها وبيسألها على التفاصيل وكانت بتقول ايه مع الرجاله دي وبتبعتلهم ايه وانا شايفه امي في الفيديو ضعيفه وبتقول انا محتاجه دكتور نفسي وهو يقولها من ورا الكاميرا قولي الحقيقه وبطلي حركات الجنان الي كنتي بتعمليها وهي تعيط وتقوله هتضربني؟.
وحتى بعد انفصالهم ب كذا سنه كانت تاخدنا عند بيت واحده صاحبتها ك "زياره" وصاحبتها دي اخوها موجود في البيت واتاري بقى ان اخو صاحبتها ده هو الي صاحب امي وهي رايحه تزورهم ونبات عندهم يومين عشان تقعد مع الراجل ده من غير حجاب ويقعدوا يهزروا ويتكلموا واجي انا طفله وعشان متربيه جدتي الي ربتني ربنا يرحمها ويغفرلها بسأل ماما انتي ليه ياماما قاعده قدام الراجل ده بشعرك عادي؟ تقولي عادي ياحبيبتي ده ازاي ابن خالتي، وانا بردو مقتنعش بالاجابه ماهي بتقعد قدام ابن خالتها بالطرحه وحتى لو مين واتاري اصلا ده بقى المحامي بتاعها وكمان مسيحي.
،وعموما ده بس الي انا شوفته بعيني .
وبابا بقى الي يجيب شهود زور يتبلوا على امي في المحكمه، ولا انه كان عايز يحبس امي 3 سنين عشان فكرت تتجوز بعد ما انفصلوا لكن طلعت براءه.
ولا بقى ماما الي من وانا صغيره مهمشاني ولا كأني بنتها كل همها اسمع الكلام واذاكر واصلي، ولا شوفت يعني ايه حنان هي السبب ان مشاعري مش موجوده اصلا، ولما كبرت شويه بقت تضربني اكتر بس عشان تطلع غلها فيا، وتهزيق وشتيمه وتقل مني وقدام الناس ولا يفرقلها وتضربني قدام صحابي وقدام قرايبنا وفي الشارع، وتمسكلي السكينه تخوفني بيها،فعلا كنت بحس انها بتكرهني، ولغاية دلوقتي ومع ان ضربها ليا قل لأني مبعملش مشاكل وبريحها مش اكتر، ف انا لسه شايفه انها مبتحبنيش وان دايما هي انانيه، يمكن تكون بتحبني لكن انا مظنش.
بابا بقى كدا كدا هو مش راجل طبيعي وانا بحس ان عنده مشاكل نفسيه، لكن انا بشوفه كل شهر مره ولما بيشوفني بيعاملني كويس يعني عمره مازعقلي ولا عاملني وحش لكن مين يعرف مايمكن عشان ميعرفش عني حاجه وكل الي بقولهوله بذاكر كويس وبحفظ قرآن ف هو مرتاح، او يمكن عشان مش عايشه معاه ف عمري ماجربت اني معملش الي هو عايزه ف يوريني الوش التاني
انا حكيت كل ده عشان تعرفوا الموضوع من الناحيتين ف محدش ييجي يقولي دول اهلك دول الي عملوا وعملوا وعملوا
وبقت اكبر مخاوفي ابقى زيهم ونفسي يبقى عندي عيال ابقى قدوه ليهم واحسسهم بكل حاجه حلوه والي انا محستش بيه واضطريت ادور عليه من برا كتير لحد ما اتحرقت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_69715 🇪🇬

منذ أسبوعين

شعور مرتبك

نفسي اعرف انا مسلم بجد ولا لا بحس اني منافق بعمل حاجات معاصي كتير بس انا مرتاح كده انا بحب ربنا وبحب الرسول صلى الله عليه وسلم وعارف فى ديني حاجات كتير اوي بس انا بين صراعين صراع موروث ورثته وهو الدين و العادات بتاعت البيئة و صراع اني بحب الحرية مش لازم اجاهر بحاجه بس بحب اجرب و اشوف بحس انه مش عدل

Apple_68133 🇪🇬 مجرد إنك بتسأل السؤال ده بصدق ووجع، ده دليل إنك مش منافق المنافق مش بيهمه يعرف هو على حق ولا لأ ثانيًا، اللي إنت بتقوله عن “الراحة مع المعصية” هو مش راحة حقيقية، دي راحة وهمية لحظية، واللي بيحصل بعدها غالبًا بيكون شعور بالفراغ أو التشتت. ولو سألت نفسك بصدق: أنا مرتاح فعلاً؟ ولا أنا بهرب من الضغط والقيود؟ هتبدأ توصل لجذور إحساسك هكمل في كومنت الي بعديه

عرض الكل 11 نصيحة

Mango_28239 🇪🇬

منذ 9 أشهر

شعور محبط

بدءت الحرب تاني جويا من اول وجديد نرجع تاني من اول السطر برجع صفحه بيضه تاني الي ملانهايه الي نهاية الوقت الي نهاية العمر بموت جوا نفسي كتير اوي من كتر المحاوله من كتر البدايه من كتر شرب مية البحر عشان اتاكد انها ملحه انا في عمر كنت بتحدي نفسي وانا صغير اني لما اوصله هكون حاجه لكن الحاجه اللي

Peanut_32341 🇪🇬 لي لحظه حسيت أن ديه حياتي

عرض الكل 12 نصيحة

Sugar_64732 🇪🇬

اعذروني يا جماعه ما كنتش اعرف مش هعملها تاني

ده كله كنت مفكره shy يعنى ابتسم طلعت فى الاخر خجول يا جماعه اعذرونى كنت بنزل منشورات مينفعش يتحط عليها شاى بس والله ما كنت اعرف اعذرونى ادينى عرفت مش هعملها تانى بس ياريت تعملوا نفسكم مشوفتوهاش خاصه بآخر منشور ليه وجزاكم الله خير الجزاء ...عرض المزيد

0 الدعم

2 نصيحة

Sugar_64732 🇪🇬

أنا قرفان من نفسي.. ازاي أتخلص من العادة السرية؟

#العادة_السرية موضوع شائك وصادم .. بس للأسف أصبح منتشر وبكثرة .. و بقى ذنب منتشر بين الشباب بل والأكثر رعبا بين الفتيات! فيه منهم اللى أصبح ، بالنسبة ليه عادة، وفيه اللي متألم بسببه وبيجاهد يتوقف عن الذنب ده ومش عارف! ممارسة العادة السرية عادة تصل إلى الإدمان يشكو دائما من أصيب بها أنه كلما أقلع عنها عاد إليها😞 وبيسأل.. ازاي يتخلص منه و دايما بيقول ( أنا قرفان من نفسي وحاسس جدا بذل المعصية ) ودي بعض الامور اللي تتبعها عشان تتخلص وتتوقف عن الذنب ده وتتوب إلي الله توبة نصوح 👐 :- 1- لازم تبقى عارف إن ده ذنب عظيم .. متبررش لنفسك .. واجه نفسك بـده .. قال تعالى (وَالَّذِينَ هُمْ لِفُرُوجِهِمْ حَافِظُونَ إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ) وقال النبي صلى الله عليه وسلم:( يا معشر الشباب من استطاع منكم الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم فإنه له وجاء.) 2- وادعي واسأل الله العون أن يعينك أن تقلع عن هذه العادة وهذا الذنب .. وأكثر من الدعاء والتضرع لله .. تبرأ من حولك و قوتك.. أنت ولا حاجة لولا توفيق الله و قدرته واشتكي إلى الله ( قَالَ إِنَّمَا أَشْكُو بَثِّي وَحُزْنِي إِلَى اللَّهِ ) اشتكي انك جربت وحاولت وانك عاوز تكون مطيع لله بعيد عما يغضبه. اساله سبحانه أن يزيل حب هذا الذنب من قلبك . 3- اعزم عزما اكيدا صادقا على التغيير 💪 . 3- سد جميع الأبواب .. لا تتهاون مع نفسك إطلاقا لأن الأمر يسبقه خطوات.. نظرة محرمة يتبعها تفكير لو استرسلت فيه غالبا بتقع فيها وافتكر (يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ ) هي خطوة وبتجر التانية لكن لو كنت يقظ في البداية (لأول خطوة ) الأمر هيكون مختلف. 4- (مجاهدة ومجاهدة ) زي الرياضة بيكون الأمر في البداية متعب لكن مع المداومة بيزول التعب وبيصل الإنسان للي عاوزه (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ ). عارفين لما الأم تيجي تفطم طفلها ( في البداية الأمر بيبقي صعب .. لكن يوم عن يوم بيقل .. بس أوقات الأم بتغلط غلطة .. بعد ما تفطم طفلها ويتألم هو طوال الأيام ويكون على وشك إنه يعتاد الأمر ترجع ترضعه وتصعب الأمر على نفسها وعليه .. لأن الرجوع تاني بيكون أصعب من الأول ) تأكد أنه بعد العزم والتوبة لاشك أن الشيطان هيزين لك الأمر بعد وقت .. المجاهدة أول مرة بتكون صعبة لكن لو انتصرت على الشيطان وعلى النفس بعون الله بيكون الأمر مختلف. استحضر إن ده هيكون اختبار صدق توبتك (أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ ) 5- بعض الأمور اللي هتساعدك جدا مترجعش تاني👌 * حاول ما تقعدش لوحدك أبدا وتدخل للنوم إذا غلبك وما تدخلش من باب الجلوس فقط و لما تقوم من النوم حاول تقوم بسرعة ما تقعدش كتيير بعد استيقاظك . *قلل وقت الاستحمام . *املأ وقت فراغك بحيث ما يكونش فى وقت للتفكير أو للخواطر السيئة ..(بصلاة، حفظ قرآن، عمل، قراءة، رياضة، أعمال تطوعية خيرية،أي شئ نافع ومفيد .) 6- كل ما تحب ترجع افتكر الندم اللي بتندمه بعد ما بتعمل الذنب ده ومقدار الألم اللي بينتج بسببه وإن وقت الاستمتاع به قليل وبعدها بيكون كآبه شديدة وندم وحسرة 😥 وافتكر انك ممكن في لحظة تموت في الوقت ده تحب يتكتبلك خاتمة بالشكل ده؟ 😥 كمان لازم تعرف إن ذنوب الخلوات أصل الانتكاسات! 7- حافظ على الصدقات وزيادة النوافل وقراءة القران (وانوي فيه نية الشفاء من هذه الشهوة ) فقد قال الله تعالي (وَنُنـزلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ) وأذكار الصباح والمساء وأذكار قبل النوم . خلي يومك كله ذكر .. لا تجعل لسانك يفتر عن ذكر الله. 8- تذكر الحساب ويوم القيامة وانك هتقف وتسأل أمام الله عن عينك وعن ما أمرك الله بحفظه هلى حفظته " والذين هم لفروجهم حافظون واعلم أن الله لم يحرم عليك شئ إلا وأعطاك القدرة على البعد عنه(لا يُكَلِّفُ اللَّهُ نَفْسًا إِلَّا وُسْعَهَا) وهو الذي خلق فيك الشهوة وأعطاك من القدرة والإرادة ما يمكنك التحكم بها. يا شباب ويا بنات الامر مش سهل لكن تقدروا عليه 💪 الأمر محتاج عون من الله وصدق في التغيير ويقين وحسن ظن بالله أنه سيعينك ويثبتك هو القادر وهو أرحم بك (وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا ) ...عرض المزيد

4 الدعم

0 نصيحة

Potato_64725 🇪🇬

عاوز حل علشان بنات تتعامل معايا زيها

دلوقت انا كنت مرتبط ببنت کانت شخصيتها قويه وكانت تتحكم فيا طول الوقت وبتتحكم فيا ف كل حاجه من بعد ما سابتني وانا بقیت اي بنت بتعرف علیها ببقي عاوزها تتعامل معایا زیها طبعا دي حاجه غلط واي بنت هترفض دا عاوز حل لان روحت للدكتورة استغلت دا هي کمان وبقت تعمل زیها ولا احاول الاقي بنت کدا وخلاص؟!! ...عرض المزيد

0 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع