معجب ببنت في الجامعة ومش عارف أتصرف إزاي

Question

سلام عليكم ممكن تنصحوني وتقولولي رايكم 
 انا حاليا في سنة أولى جامعة ومعجب ببنت من الترم الأول هو محصلش أي حاجة ما بينا خالص وهي تعرفني إني في فلان معايا فالسكشن اللي هو أنا يعني بس أكيد مش هكون في بالها
 هي حلوة ومن البنات اللي بتنزل صورها عالسوشيال ميديا بس وباين عليها مرتاحة ماديًا ومادام هي كده فاغلبية الناس بيقولو باين عليها تافهه لكن انا بالعكس شايف غير كده وشخصيتها حلوة مش بالمظهر الحلو  وبقول لنفسي أكيد بنت زي دي أكيد مرتبطة بشخص
بس اللي شفته قدامي إنها فعلاً بتتجنب الشباب خالص ومحدش عرف يكلمها وصعب حد يكلمها ومن ناحية حالتي المادية فهي كويسة الحمدلله وتقريبًا متساويين أو هي متفوقة بنسبة صغيرة
فأنا مش عارف أبطل تفكير فيها وبحبسها مناسبة ليا مش عارف ليه
بس في نفس الوقت معدنيش ثقة بسبب إني أصلًا بمر بمرحلة اكتئاب بقالي فترة بسبب مشاكل كنت منزلها وبحاول أحسن من جسمي لأنه مش كويس للأسف بس شخصيتي الحمدلله مخبية على ده
وأنا محبوب جدًا الحمدلله ومعروف في الجامعة أنا بحاول أركز في دراستي وفعلاً بحاول أجهد وشغال في كورس تبع دراستي دلوقتي
أتمنى تنصحوني وتدعولي ربنا يرزقني بيها لو هي من نصيبي بإذن الله

Cherry_56436 🇪🇬 · Accepted Answer

ركز ف دراستك ومترتبطش خارج نطاق الرسمي عشان حرام تاني حاجه حفاظا ع قلبك

Durian_54507 🇺🇸 · Answer

ركز فجامعتك وإياك ثم إياك ثم إياك تفكر فالحوارات دي من دلوقتي.. الشخص المناسب ليك ممكن متكونش تعرف انه موجود عالكوكب اصلًا وكذلك العكس صحيح.
الحاجات اللي شبه دي هتشغلك شيئًا فشيئًا عن دراستك حتى لو قلت هتخلي بالك او حتى من بعيد اسمع مني ومتكررش غلطتي.
وفكرة انها جميلة وبتنزل صورها سوشيال وكل ده اعرف يا صديقي انك واحد من ضمن ناس كتير بيفكروا بنفس طريقتك.
فكك من ده وركز فاللي يهمك واللي ليك هيجي فوقته.

Watermelon_58570 🇺🇸 · Answer

انا عمري ما هعمل كده اصلا انا كنت محتاج اسمع النصيحه وهل ممكن يكون كلامي صح ولا لا

Watermelon_58570 🇺🇸 · Answer

من ناحيه كلامك في الاول انا عمري ما هعمل باذن الله يعني بعد كده كلامك فعلا معاكي فيه حق +متشكر لنصيحتك

Cherry_56436 🇪🇬 · Answer

ربنا يوفقك وييسرلك كل امورك

Watermelon_58570 🇺🇸 · Answer

اللهم آمين واياكي

Chocolate_59813 🇪🇬 · Answer

بلاش تعرف حد فى أول سنين جامعتك و ياريت بلاش من الجامعه اصلا