مشاعر معقدة

Lemon_64503 🇪🇬

منذ 5 أيام

شعور منزعج

انا شاب 19سنه عمري ما كلمت بنت ولا حتى اتعاملت معاهم بسبب اني شخص انطوائي شوية و المشكلة مش مشكلة ثقه فالنفس ولا حاجه لاني الحمد لله ناجح فحياتي و شخص رياضي رغم و بلاحظ أحيانا ان المشكله دي مع البنات بس حرفيا لو بنت مثلا جت تكلمني حرفيا بسكت خالص و رغم كدا بتعامل مع الشباب عادي و في واحدة قبل كدا قا

Coffee_19911 🇪🇬

منذ 6 أيام

شعور آسف

عبّر عن شعورك بشكل مجهول

هاي 
النهارده ولا المفروض اقول امبارح المهم يوم الجمعه كان فرحتنا المنتظر كان عزال اول بنت في عيله بابا او اول واحده ربنا ينصرها وتتجوز وصح كان عزال وكتب كتاااب بعيدا بقى عن الدجي اللي محتاج هو محتاج حاجه وخلاص بس ده كان احقر حاجه حصلت يعني بعد ما قعدت على تيك توك شهرين واحفظ اغاني وتريند واسمع احمد سعد واخرج من مود ابله نظيره اللي مش حافظه اغاني دي وصراحه قولت استغل العزال وانهي على حوا الرهاب الاجتماعي اللي عندي ده بس بجد الديجي الحقير الله يسامحه شغل اغاني مسمعتهاش قبل كده تعب الشهرين راح على الفاضي وانا خدت بعضي وروحت وقفت في كورنر على جنب اسقف وابتسم وخلاص اممممم في منظور كل اللي حواليا انا شبه صنم بيستقف وراسه في الأرض وخلاص اممم عندهم حق الصراحه لسه اخويا الصغير بيقولي هو انتي محطتيش ميكب مع البنات لييييه اماااا جيل قليل الادب بحق بس خلاص عاوزه احكي من منظور انا بقى

كانت عروسه شكلها تحفهه الوقت بيعدي بسرعه موتت وهي بترقص وبتغني مع صاحبها حسيت اني بدمع للحظه مش متخيله اني كنت هعيط علشانها كأننا كنا صحاب اويي ده يادوب بنسأل على بعض كل فين وفين كل حاجه فيها كانت مظبوطه ماشاء الله يعني لحسن تولع دلوقتي بس بجد لفه الطرحة والفستان وصراحه بيني وبين نفسي فرحت اوييي للمه صحابها حواليها وصح انا شربت علبتين عصير تفاح من الليله دي كلها وشوفت ولد صغير قمور بشكل فضلت ارخم عليه في الكورنر اللي بسقف فيه ده وبعدين ربنا رزقني بتالت علبه عصير وانااا اديتها لهذا الطفل بس لأجل وسامته الطبيعيه غير كده انا مبحبش الاطفال والسماء من فوق والشجر حواليها كان احلى من زحمه الناس والرقص والعرق تحت حسيت اني عاوزه اهرب واقعد في بلوكنتي او اطلع السطح وخلاص وأفضل ابص للسماء والشجر والشمس اللي بتلمع ورق الشر والبيوت العاليه بطوبها الأحمر والعشش بتاعت الحمام وعمو وهو ماسك علم وبيرفرف بيه والحمام بيطير حواليه لحد ما فوقت على كف على ظهري من ماما اني انزل لساحه المواهب بتاعت البنات دي وارقص او اسقف حلو بدل تسقيف تحيه العلم دي بس كده وصح خمنوا  حاجه اليوم خلص 
وبعد بكره مش عارفينه والنهارده مجهول فااا تمام 
باااي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_61643 🇪🇬

منذ أسبوع واحد

شعور مرتبك

الدنيا دي ملهاش معنى ناس بتحب وناس بتزعل وعندها احلام وناس بتزعل على فراق وناس بتحب حب عمرها وناس بتحلم بوظيفة وناس بتحلم تسافر وناس بتحلم بالثراء وناس بتحلم بالفقر وناس عايزة اهتمام وناس عايزة مشاعر وناس عايزة صحاب وناس عايزة شكلها يبقا حلو وناس عايزة تتخطى تجربة قديمة وناس بتحس بغيرة وكل حاجة. هوا

Sugar_49832 🇪🇬

منذ أسبوع واحد

شعور مرهق

عبّر عن شعورك بشكل مجهول

بكتب وانا حقيقى مش عارفة اجمع حتى الكلام اللى فى دماغى 
مشتتة وضايعة من امى لاقصى درجة 
التعامل معاها بقاا صعب اوووى ومتعب والتفكير فى علاقتى بيها اصلا مرهق ومش مفهوم 
امى ضحت عشاانى كتيييير اووى بس بردو كل اللى عملته كان للماديات بس.. بتاخد من نفسها عشانى.. احسن اكل هدوم تعليم بتعمل اقصى ما تقدر عليه 
بس ديماا اسلوبها عكس كل دة.. عاادى جدا نخرج نجيب هدوم فتجبرنى على ذوقها هى 
مفيش مرة تقريبا عملت او جابت حاجة ليا الا واى نقاش نختلف فيه بعدها بتقولى انى مش بقدر ومستاهلش 
اسلوبها طول الوقت زعيق وهجوم وتريقة واستهزاء بكل حاجة واى حاجة 
مفيش ساعة واحدة بتعدى غير والبيت متوتر ومتنشن من صريخها علينا بسبب او من غير غير ضربها لاخواتى دلوقتى او ليا وانا صغيرة.. قليل اه لكن الضغط النفسى اللى بتشكله رهيب 
كلامها ديما بيبان فيه السيطرة بس مش الحب 
مش بتتراجع ابدا استحالة مهما شافت ان الموقف وصل لنقطة وحشة مننا حتى لو تافه.. كتير اعيط قدامها مش من الموقف قد ما هو من قلة تفهمها وتسيبنى وتمشى 
مفيش حاجة طلبتها منها والله قبل كدة وكان فى سبب طبيعى لرفضها وجادلت لو فى سبب اصلا ترفض عشانه مبطلبش 
... لكن هى ديما بترسم نموذج اى حاجة هتخرج عنه مش عاجباها هتترفض.. والسبب«مزاجى كدة» 
طب نتناقش.. لا 
حاااولت كتيييييييير فى كل نقاش نتكلم نتفاهم بس مفيش فى الفاضى اخر النقاش يا بتزعق او بتهدد او بتدخلنا فى موضوع تانى خالص تعجزنى بيه عشان معرفش اتكلم او بتقولى روحى اوضتك 
هى مش من النوع اللى بيعبر قليل اووى وووى انى اسمع منها حاجة بتعبر عن حبها 
تماام انا متاكدة وعارفة انها بتحبنى جداا وانى اغلى حد عندها بس انا هعمل ايه بمعرفتى دى نفسى احس بدة 
قضيت سنين من طفولتى مش فاكرة ليهاا حتى حضن.. لدرجة ان دلوقتى حضنها بقى تقيل وبيخنق 
عمرى ما هتخنق واروح احكيلها هى مش هتفهم ولا انا هقدر احس تجاهها بالامان اللى يريحنى بعد ما اتكلم 
انا مقدرش اقول انى مش بحبها ولا انى بحبها بردو زيها زى اى حد الفرق انها بتمشى حياتى بس 
صعبة اوووى اوووى عليا ان اللى يربطنى بيها احساس بالذنب.. انى عارفة تضحياتها بس مش قاادرة ارد ليها دة لان اسلوبها بيهلك طاقتى كلها😓 
عااارفة انهاا مضغووطة اوووى والله بس اعمل ايه بس 
نفسى بس تسيبنى لحالى بهدى والله وببقى اروق وبعرف اتعامل لكن كدة اعصابى ديما مشدودة.... غصب عنى بقيت عصبية زيها 
خاايفة فى يوم اعامل ولادى نفس المعاملة.... هتدمر بجد لو حسيت ان نظرتهم ليا هى نفس نظرتى ليها ، مش لانى نظرتى ليها وحشة ، بس تايهة وبتوجع وانا مش هستحمل اوجع ولادى بجد
امى متعرفش حاجة عنى ولا عن حاجات كتير مريت بيها كنت بس محتاجة حد اتطمن ليه احكيله وينصحنى ملقتش 
تعبت والله ومش عارفة اتصرف 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_72052 🇪🇬

منذ أسبوع واحد

شعور مرهق

جماعه أنا اجتماعيه وعفويه جدا بتكلم مع الكل كويس ومع الغريب بهزار وضحك عادي اه في حدود بس مش بحب ابقي رسميه مع حد الا لو اكبر مني أو في منصب معين حتي دي ساعات مش بعملها ويتكلم مع الدكاتره والمدرسين عادي وبهزر واضحك وعادي بس اللي مش عادي بقا أن اللي تكلمهم يحبوني حتي المدرس يحبني ( انا مش بترول

Banana_67991 🇪🇬

منذ أسبوعين

شعور آسف

ديما انا لوحدي أو حبيت اكون لوحدي مهما عرفت ناس أو اخلط بناس حتي لو عرفنا بعض وفضلنا صحاب فتره بعدها حد فينا بياخد جمب سواء انا أو الشخص التاني ف لو ديما مثلا الطرف التاني البياخد جمب كنت فهمت اني عندي المشكله أو اني مش بعرف احتوي أو اتعامل مع الناس لا انا برضو بعد فترة بحس اني عاوز اخد جمب اني تق

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Watermelon_65402 🇪🇬

منذ أسبوعين

شعور متوتر

موضوع:

عندك مشكلة في التعبير عن مشاعرك؟

جدا خصوصا مع أشخاص معينه يعنى أولهم بابا حقيقي انا بحبه وكل حاجه بس عمرى ما قولت دا ولا هو عمره قالى كدا علاقتنا سطحى ف بيكون مثلا لو يوم تعبان انا ببقي قلقانه ومليون فكر ف دماغى بسببه وانى خايفه عليه بس عمرى ما بينت دا ليه معرفش دا ليه بسبب أن دا أسلوبه معايا ف دا بينعكس ع اسلوبى ولا اى ع العكس مع

Carrot_70632 🇪🇬 انا بردو كده بس تأكدي أنه بيحبك هو بس مش بيعرف يعبر عن الحب ده ..معنى انك بتقولى كده يبقى نفسك تعبرى عن حبك ده له اكتبيله رسالة وحطيها ف جيبه من غير ما يحس وهنفرق كتير .. اجري عليه واحضنيه

عرض الكل 6 نصيحة

Apple_4481 🇪🇬

منذ أسبوعين

شعور مكسور القلب

عملت غلطة من فترة بس غصب عني وهي اني تعلقت بحد بيني وبينه مسافات وبلاد كتير كنت براقبه من بعيد لبعيد ودايما بيزورني ف أحلامي الحمد لله مكانش في بينا تواصل غير بسيط بسبب حاجة معينه وخلصت ومش بنتواصل ولكن فضل معلم جوايا ودايما بدعي ربنا لو فيه الخير ييسر الأمر مع انه صعب جدا بعدين عرفت انه ارتبط وخطب

Tofu_69618 🇪🇬

منذ أسبوعين

شعور وحيد

موضوع:

إيه أكتر حاجة بتحاول تبينها للناس بس مش حقيقية؟

اني فاهمه اللي قدامي لما تبين انك مش فاهم اللي قدامك يقصد اي بيدي انطباع بالراحه ل اللي قدامك أن مهما عرفت انا مش هفهم بس الواقع اني فاهمه كويس هو بيفكر في أي و احساسه عامل ازاي ممكن اعترف لو كان صح

Orange_68013 🇪🇬

منذ 3 أسابيع

شعور مضحك

موضوع:

بعدت عن حد قبل كده وهو بيحبك?

معرفش ال فيا دا نعمة ولا نقمة بس انا متعاملتش مع حد الا وحبني او بين انه بيحبني مع اني والله واحده عارفةحدودها جدا عشان كده ببعد... وللاسف عمري ما انجذبت لاي حد فيهم مجرد انجذاب حتي بس فالمقابل حبيت حد مش بيحبني وبيحاول يبعدني عنه بكل الطرق?😂😂🤏🏻?معرفش بيعمل كده عشان ميوله نرجسية ف عاوز يوصل لحاج

Avocado_64837 🇪🇬

منذ 3 أسابيع

شعور ضائع

بصو انا بحب اخت واحد صحبي و عمري ما كلمتها بس ساعت الحنه و العفش و الفرح كان في بينا eye contact قوي و من كام يوم كلمت امها عادي و هي الصراحه بتعزني اوي و بتعتبري زي ابنها بالظبط فا برضو مش عارف ادخل لامها ازاي و عارف ان الحاجات ديه مينفعش في التليفون فا اعمل اية عشان ادخل البيت من بابه مع مراعاة ان

Watermelon_66610 🇪🇬

منذ 3 أسابيع

شعور مرهق

عمري ما حبيت شخص جدا لدرجه مقدرش استغنى عنه حسه اني توكسيك بس دا غصب عني واللي مصعب الموضوع اني حتى لو مبحبش حد بسمعه و سويت توكر ف دا بيحببهم خايفه اذي مشاعر حد او شريك حياتي اعمل معاه كدا خايفه متغيرش

Grape_22054 🇪🇬 نصيحه مني ليكي اوعي تحبي حد من كل قلبك اوعي تدي لحد كل الحب الي عندك عندك انا كمثال حبيت بنت وحسستها انها ملكه ملكه ف قلبي وف حياتي وان مفيش اي مخلوقه علي وش الأرض احلي منها وأنها احلي واجمل واحسن بنت كلمتها ف حياتي عوض ربنا ليا يعني زي ما بيتقال اديتها حب مخادتهوش ولا هتاخده بالقدر ده ف حياتها اهتميت بتفاصيل التفاصيل ف حياتها وف الاخر هونت عليها واتكسرت وبعدت عني ف اوعي تحبي من قلبك بجد

عرض الكل 10 نصيحة

Potato_26031 🇪🇬

منذ شهر واحد

شعور مرهق

Orange_63919 🇪🇬 انتي عندك احتياج عاطفي للجنس الاخر وكمان عندك درجة من درجات التعلق العاطفي انصحك بحلقة مهمة جدا ل د عماد رشاد عثمان ع يوتيوب اسمها التعلق العاطفي

عرض الكل 2 نصيحة

عبّر عن شعورك بشكل مجهول

دلوقتي انا عندي مشكلة ان اي ولد طلاما مناسب بالنسبالي كا شكل و في بينا تعامل و اسلوبه معايا في التعامل كويس بحس اني معجبة بيه رغم انه مش بيعمل اي حاجة تثبتلي كدة هو بس بيعاملني كويس زي ما المفروض اي ولد يعامل بنت كويس ولو ولد مثلا كان في بينا اعجاب متبادل لفترة ما و عمل معايا موقف اثبتلي كدة و بعد كدة الأيام فرقتنا بحكم الحياة يعني و مبقاش في تعامل بينا تاني و هو حتى محاولش يتواصل معايا او يوصلي بأي طريقة بفضل فاكرة الموقف و عمري ما انساه و افضل عايزة اتواصل مع الشخص دة رغم انه هو محاولش يوصلي اصلا ، انا بحكم تربيتي و البيت عندنا تعاملاتي مع الولاد محدودة جدا و بتبقي في ايطار اكاديمي يعني في الكورسات او الكلية و بيبقي التعامل كمان جوة نفس الإيطار ولو حصل هزار او كدة عمره ما بيكون مني بيبقي منهم هما و انا ببتسم و بسكت و خلاص و اي حد بلاقيه هيسوء فيها بقلل تواجدي خالص علشان محدش يتعدي حدوده معايا او كدة ، و في البيت بردو علاقتي مع بابا مش احسن حاجة خالص ، بابا شخص نرجسي بطريقة صعبة ،  اه بيشجعني و بيقولي كلام حلو و بيجيبلي كل اللي بطلبه و حنين عليا و كل الكلام اللي المفروض ان اي اب يعمله لكن بسبب شخصيته هو بيضيع كل الحاجات الحلوة اللي بيعملها معايا دي من الناحية التانية بسبب خناقات اقل ما يقال عنها انها تافههة ، علي اقل سبب و اقل غلط بيتخانق معايا و يهزقني و في اللحظة دي بينسالي اي حاجة كويسة عملتها و ببقي بالنسباله طول عمري بعمل الغلط و بس دة غير خناقاته الكتير جدا مع ماما من يوم ما اتولدت و اللي كانت بتوصل للضرب و لما كنت بحوش كنت بتضرب في النص و في الخناقات دي كانت ديما ماما اللي معاها حق و علشان هي حنينة عليا اكتر منه و كمان بتبقي مظلومة فا كنت بنحاز ليها فا انا طالعة في حاجز كبير عندي من نحيته بيخليني معرفش اتقبل الحاجات الكويسة اللي هو بيعملها لأني ببقي عارفة انه هيعمل معايا موقف وحش يخلي اثر الحاجات الحلوة اللي بيعملها معايا تروح و لأني خلاص مبقاش عندي امان من ناحيته ببقي حاسة انه في اي لحظة حلوة بينا ممكن الدنيا تتقلب و اللحظة دي تتحول لأسوأ لحظة و بقيت ديما حاسة ان تصرفاته الحلوة معايا دي تمثيل يداري بيه علي التصرفات الوحشة اللي بيعملها علشان انا و ماما مانسيبهوش لأنه اخوه مطلق و هو مش عايز يبقي زيه ، و خناقاته معايا انا و ماما كلها عمري ما نسيتها و كل ما بفتكرها الحاجز بيني و بينه بيكبر جدا ولازم اقعد استعيذ بالله و احاول اتناساها علشان اعرف اتعامل معاه طبيعي ، فا هل علاقتي مع بابا و تعاملي المحدود مع الولاد هما السبب ولا في اسباب تانية و ازاي اتعامل مع الموضوع دة و اقلله بحيث ما يأثرش علي نفسيتي لأن اغلب الولاد اللي بأعجب بيهم بالطبيعي بيكونوا مش معجبين بيا لأنهم معملوش حاجة تثبت دة لكن انا اللي برسم كدة جوة دماغي وباخد اي فعل ليهم علي اساس انه إعجاب و لما بلاقي انهم مش معجبين بيا فعلا بيقعد يجي في دماغي بقي اني مش حلوة و فيا حاجة غلط علشان كدة مفيش حد بيعجب بيا زي ما انا بعجب بيه و مع حكايات صحابي المتفتحين عني بمراحل عن الولاد اللي كل شوية بيكلموهم و انهم بيكرفوا لدة و يرتبطوا بدة و عن الولاد اللي بيجروا وراهم و الكلام دة بحس ان فعلا انا عندي مشكلة مع ان انا مش عندي مشكلة بالعكس ، انا علشان متربية الحمدلله و عارفة ديني كويس مش بدي فرصة لحد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_64334 🇪🇬

منذ شهر واحد

شعور مكسور القلب

انا شاب بيتعلق بالناس ف حياته و صعب عليه جدا انه يفقد حد عزيز عليه ، و كمان انا بغير جدا و لكن للاسف الغيرة دي بتتشاف مني علي انها تقييد ، و ديما دماغي بتندمي علي حاجات كتير عدت و تصرفات كان لازم اعملها يمكن كلامي مش سؤال محدد و لكن حاجات حاسس بيها

Sugar_65738 🇪🇬

ليه بيقولي دايما ظروفة صعبة وعاوز فلوس؟

هو لو شخص كل ما يكلم واحده يشتكي ان حياته وظروفه صعبه وماعهوش فلوس وعيان ومكتئب وعنده مرض مزمن وفي العيد كلمها قالها محفظته اتشرقت وكان عاوز يجيب لبس ويدي عديات ومره قالها ان كاوتش العربيه فرقع وعاوز يغيره ومحتاج فلوس، ومره قالها مديون وعليه 15.000ودايماً يصور وينزل الجزء السلبي من حياته بس... مع انه بيشتغل ومن عيله ميسوره... هو بيقول كده ليه للبنت ايه الهدف من كل ده! البنت فكرت في مره تبيع خاتمها وتساعده عشان كاوتش العربيه بعدين صاحبتها مانعتها وقالتلها ما ينفعش وحست انه اتقمص انها ما ساعدتهوش بس هي ساعدته بكرق غير مباشره فإنها باعتله حاجه من الحاجات اللي بيبعها لزميلتها في الوقت ده عشان يبقي معاه جزء بسيط وكانت بتساعده في شغله وبتجبله بيشنت وكده... هو كده بيستغلها وعاوز فلوس ولا بيقولها كده ليه كل ده؟ ...عرض المزيد

0 الدعم

0 نصيحة

Coffee_68646 🇪🇬

تعبت من التفكير في اللي جاي والفراغ بتاع بليل

عارفين ايه مشكلتي ال مش عارف احلها التفكير ف ال جاي والفراغ بتاع بليل يعني بفكر مثلا هل المشاريع بتاعتي هتنجح ولا لا هل الماديات هتساعدني اعيش كويس ولا لا مع ان الحمدلله شريك ف مشروعين والدنيا ماشيه انما التفكير صعب والفراغ بتاع بليل صعب هل الواحد يتكلم مع حد هنا او يفضل لوحده او يسكت او يعيش نفسه خيال بصراحه الواحد تعب وصداع دايم من كتر التفكير. ملوحظه بس انا شاب 😅 ...عرض المزيد

0 الدعم

2 نصيحة

Chilli_73606 🇪🇬

اخت صاحبتي اتعلقت بيا ومش عارف أعمل إيه

عندي مشكلة مش عارف اعمل ايه انا دلوقتي كنت مرتبط بواحده وكنا بنحب بعض بعدها بفترة اختفت فجأه فقولت اسأل عليها فكلمت رقم كانت كلمتني منه مره لقيت اختها الي بترد عليا اختها اكبر مني بحاجه بسيطه بس اتكلمنا شويه لقيت اختها بتتكلم معايا بطريقه غريبه وان هي اتعلقت بيا وكده وبتقولي اسيب اختها وابقى معاها وانا مش عارف اعمل ايه ...عرض المزيد

0 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع