خايفة في التدريب وعندي رهاب اجتماعي

Apple_11941 🇪🇬

منذ سنة واحدة

شعور Okay 😐

انا ليه حاسه انى قليله وسط دفعتى انا ف كليه علوم صحيه وببتمنى اكون اخصائى اشعه وبدعى ربنا انى اتوظف بعد التخرج بس انا خايفه لأنى حاسه انى اقل واحده ف الدفعه ف حين ان فيه وحوش يعنى شاطرين عنى مع انى والله جايبه امتياز الترم الاول المفروض انزل تدريب كل يوم بس خايفه اتحط ف موقف وحش ابان فيه انى مش فاهمه . انتو فاهمين قصدى يعنى المجال بتاعى محتاج تدريب وتواصل مع الناس عشان اعرف اتاقلم بس خايفه م التعامل ف انا عاوزه نصيحتكم اعمل اى الايام الل جايه بحيث انى اثق ف نفسى اكتر واخش بقلب جامد ومخافش لانى حاسه انى عندى رهاب اجتماعى م كتر الانطوائيه

كيف هزمت الرهاب الاجتماعي بالقراءة والثقة في نفسي

صراحه الي خلاني كده هو صحابي رغم انه متناقض برضو لانهم كانوا بيضايقوني ومش بيخلوا عندي ثقه في نفسي لكن الي خلاني اتغلب من موضوع الرهاب هو اني بحب اقرأ ف كنت بقرأ واروح اقولهم في الفصل وده بحكم اننا بنات بس ف كنت اول ما اشوف فيديو حلو اروح اقولهم عليه في الفصل اقف في النص واقولهم ركزوا معايا وافضل اعلي صوتي مكنوش كلهم بينتبهوا بس كان في واحد او اتنين مركزين معايا لحد ما بقيت بطلع في المسابقات واتكلم واتناقش في المواضيع لحد ما بقي معنديش رهاب اجتماعي يمكن موجود لما ببقي لوحدي في مكان مش معايا حد اعرفه لكن اوقات كتير بقيت مبحسش انه موجود اصلا وكمان بقيت بحب اسمع بودكاست واقرأ كتب ففهمت ان مفيش حاجه اسمها رهاب اصلا وان لما بعمل الحاجه الي بحبها والصبح يبقي انا مش بعمل حاجه غلط وكده ثقتي في نفسي ازدادت والحمدلله لما تيجو تمشوا في مكان وحاسين انكم هتتوتروا حاولوا تطلعوا لبانه وتكلوها براحه وامشوااا بطييييئ جدااا وركزوا في بطيئ دي اوي وبعدين الامر هيبقي حلو ومش فيه حاجه ...عرض المزيد

8 الدعم

1 نصيحة

عندي رهاب اجتماعي ودا مدمر حياتي كولد

ازيكو عاملين اي نا بصراحه اول مره اجرب انزل هنا بس علي امل ان حد يفهمني انا ١٦ سنه عندي رهاب اجتمعاعي عارف انها يمكن بقت حاجه مالوفه او طبيعيه عند الكل بس بجد الموضوع مدمرلي حياتي وثقتي فنفسي زيرو بالزات اني ولد فالموضوع صعب معنديش صحاب غير تلاته او اربعه بسبب اني مش بعرف اتعامل مع الناس وحتي صحابي مبعرفش اتكلم معاهم عن مشاكلي او اكتبلهم زي منا بكتبلكو هنا ودا مخليني يوميا بكلم نفسي ونفسي اتغير نفسي اخرج براحتي منغير قلق وكل ما اسال تفسي نا خايف لي مش بلاقي جواب ببقي عايز انزل الجيم وصاحبي كل يوم يبعتلي بس بتحجج كل شويه بحاجه عشان بيبقي زحمه ونا بتوتر من الزحمه جداااا بجد الحوار مضايقني جدا بالزات نا ولد ومينفعش ابقي كدا ويمكن اهلي ليهم سبب كبير فالي عندي بس هنزل فمره تانيه عن اهلي بس نا اه نفسي الاقي حل بس اهم حاجه اني قدرت اكتب وانزل الي حاسس بيه براحتي منغير قلق ان حد يتريق ...عرض المزيد

11 الدعم

15 نصيحة

ليه مش اجتماعي وعندي رهاب اجتماعي؟ 💔

ايه الحاجة إللي تخلي واحد عنده 22 سنة ميبقاش اجتماعي و بيتكلم كتير بحس إني شخص مريب وسط صحابي شلة الجامعه مثلا بروح ممكن متكلمش مع حد طول اليوم غير 2 صحابي و الباقي مفيش كلمة تتقال بينا الواحد بيبقي عايز يتكلم و يتعامل مع الناس بس حاسس إني قليل بسبب لبسي أو منطقتي القديمة مثلا أمي كانت تقعد تقولي متقولش لحد إنك من أبو قتادة و لحد دلوقتي مع اننا مشينا من زمان هل ده خلاني من و أنا طفل حاسس إني مسخ المفروض مبقاش زي باقي الناس أو أبويا اللي عمره ما حسسني بالثقة في نفسي حتي لحد دلوقتي أمسك كوباية ماية مثلا لازم يقولي كلام زي متنساش توقعها بقي مع إني عمري ما وقعت كوباية أو طبق ياريت حد يفيدني عشان الموضوع ده مجنني هل ده رهاب اجتماعي علي خفيف مثلا ؟ أنا حتي معنديش ضحكة بصوت عالي اعلي ضحكة ليا بتبقي هوا من مناخيري اكني بنضفها لو حد فاهمني الموضوع رخم آوي 💔 ...عرض المزيد

6 الدعم

3 نصيحة