ندمان على ترك الصلاة ومش عارف ارجع زى اول

Question

اقسم بالله انا بقيت بضيع مش عارف ايه الى بيحصل لى ده. من فتره 6شهور كنت ملتزم و مافيش فرض يضيع منى و كنت بقول الليل و بصوم الاثنين و الخميس وكل يوم ورد .  و الصاحبى كانوا بقولو عليا شيخ الدفعه.  حاليا بقيت ضايع. بصلى بس ما فيش خشوع ذى الاول. بنسى انا فى الركعه الكام و برجع اعيد من الاول. للاسف بقيت بحث الصلاه تقيله عليا وللاسف ليا 3ايام مصليتش و مش عااارف اعمل ايه وربى كل ما اعوذ اصليهم بكسل. كل الى مضيقنى انى مش عارف ازاى زلت رجلى كده و انا وربى ندماااااااااان خايف اموت وانا على الحاله دى

Cheese_73846 🇪🇬 · Answer

انتكاسه وان شاء الله ترجع عادي انت بس متبطلش قاوم وصلي واقري وردك اليومي

Chilli_63940 🇪🇬 · Answer

الحياه زي المنحدر احنا بنطلع بصعوبه جدا الشيطان لو كعبلك في طوبه هتنزل الزحليقه ارجع تاني من دلوقتي وعافر واوعى تستهون بذنب عشان مهما كان صغير هيركبك الزحليقه ربنا يثبتك ويثبتنا يارب على طاعته

Coconut_71798 🇪🇬 · Answer

الايمان يزيد وينقص الا من رحم ربي فانت هتحاول يعني ان انت تجتهد هنا بقى الجهد بقى تجتهد عشان تلتزم بالصلاه وتلتزم بالاشياء الكويسه اللي انت عايزها

Chilli_76228 🇪🇬 · Answer

الايمان بيزيد وينقص دي مسأله مفيهاش نقاش بس المهم متعدش الي بتعمله علشان تعرف ترجع كويس تاني عد الي انت مقصر في أحسن ليك

Sugar_76392 🇪🇬 · Answer

كل الناس بتمر بالفتره ديه للأسف ، لكن أنا لقيت ان من اكتر الأسباب ان احنا بنعمل حاجات كتير في نفس الوقت زي ما قولت بصلي و بصوم و قيام و ورد لكن عشان تطلع من الانتكاسه و الإحباط ده لازم متضغتطش علي نفسك و تفتكر ان  ديه فتره و ان كل اعمالك مش فرض ، ما عدا الصلاه و اركز علي الفروض و واحده واحده هترجع و العباده تحسد ايضاً حاول تبتدي بأذكار الصباح و المساء و يا رب يثبتك و يردك اليه رد جميل