عاوز ارجع اصلي تاني واعرف ربنا.. نصيحة اخواتي

Question

كان في حاجه محيراني كدا صغيره انا شاب كنت بصلي يوم و١٠ لا تمام فا بدات اصلي انهردا انا بصلي في البيت هل دا فيها حاجه حرام مع العيلم انا عاوز اصلي وارجع زاي الاول تاني اصلي وارجع اعرف ربنا تاني انا دخلت في سكه مش بتاعتي والسكله دي وحشه اووي وبحاول ارجع الحاجه الي تقربني بربنا تاني ياريت ياخواتي تنصحوني اعمل اي؟؟

Apple_75504 🇪🇬 · Accepted Answer

الواجب على الرجل أداء الصلاة فى المسجد لان النبى صلي الله عليه وسلم يقول(من سره أن يلقى الله غدًا مسلمًا فليحافظ على هؤلاء الصلوات حيث ينادى بهن، فإن الله شرع لنبيكم سنن الهدى وإنهن من سنن الهدى، ولو أنكم صليتم في بيوتكم كما يصلي هذا المتخلف في بيته لتركتم سنة نبيكم، ولو تركتم سنة نبيكم لضللتم)

Cookies_73568 🇪🇬 · Answer

ايوا طبعا عادي تصلي في بيتك ولو حبيت كمان تروح المسجد يكون شيء كويس المهم ثابر ومتوقفش

Watermelon_76203 🇪🇬 · Answer

لما تلاقي الشيطان بيلعب معاك على حتة الصلاة تقيلة اوى عليك ومكسل اوي تنزل ، اضحك على نفسك وصلي في البيت ،، اول ما تلاقي نفسك قادر تقوم حاجه بسيطة : اجري ع الجامع وحاول تتعرف على ناس وادعي ربنا يبعتلك صحبة كويسة ،، اكتر حاجه بتساعد

Mushroom_76193 🇪🇬 · Answer

انصحك تعرف  عقيدتك من أول وجديد وخليها بداية الطريق مع علاء حامد يوتيوب بجد هتفيدك اوى وهتساعدك جدًا تحافظ ع نفسك وهتعرفك حاجات كتير كنت غافل عنها وبودكاست بقى ودروس دينية عن الصلاة وعن القرآن تنضف بيهم قلبك واشغل بيهم يومك  كل ده هيثبت عندك فكر ايجابي وشعور جميل يقربك من ربنا وكل ما هتعرف دينك أكتر هيزيد يقينك بالله ولما يزيد يقينك هتستحي انك تعمل اي حاجة تغضب ربنا

Mushroom_76193 🇪🇬 · Answer

كان نفسي اكون ولد بجد علشان اروح أصلي كل صلواتي وخصوصًا الفجر بقى ف الجامع يا سلام 😭وأكيد حضرتك يعني عارف جبال الحسنات اللى بتاخدوها وانتوا ماشيين للجامع بس ما بالك بقى لما بتدخله وتصلي فيه ، ده انتوا يا بختكم والله ، جاهد نفسك وانزل الجامع وادعي ربنا يرزقك بالصحبة الصالحة وبالتوفيق ان شاء الله