مش عارف أصلي خالص وناوي أتقرب من ربنا

Question

سمو عليكو انا عايز اقرب من ربنا بس مش عارف خاالص خاالص خاالص بجد خاالص نهائي كل ما اجي اقول اصلي وحاجه مصليش وانا بقالي كتييير اوي على جنابه وفي حاجه منعاني اني اغتسل او اني اصلؤ وانا عارف انو الشيطان بس انا مش عارف اعمل ايه بجد نفسي ارجع اصلي زي زمان وربنا يرضى عني بس فيه حجات كتيره جوايا باظت وبجد بجد مش عارف خاالص ياريت لو حد عندو حل يقول بقا

Popcorn_76069 🇪🇬 · Accepted Answer

مشكله أن انت عمال تقول انا عايز اعمل وعايز اقرب وعايز اصلي وعايز وعايز وعايز ما تقولش كده قول ربنا يعينني وارجع اصلي قول ان شاء الله اصلي زي الاول وانتظم في الصلاه

Olive_76077 🇪🇬 · Answer

نصيحتي روح ل دكتور نفساني

Banana_76073 🇪🇬 · Answer

ليه

Banana_76073 🇪🇬 · Answer

انا عارف بس انا بقول يمكن حد عندو حل فاهم

Avocado_73251 🇪🇬 · Answer

هو بيكون قرار انك مش هتاجل و مش هتخلي الشيطان يضحك عليك يعني انت بتقول انك على جنابة روح اغتسل متاجلش و روح صلي متقولش بكره اعمل منبه للفجر اصحى صليه متقولش هبدا من الظهر قاطع اي حد من صحابك مش كويس خد قرار ممنوع تشتم و اعمل مثلا علبة كل ما تشتم روح حط فيها جنيه و روح طلع الفلوس الي فيها لله متفرطش اهم حاجة في الصلاة لانها الصلاة الي بتبعد الشيطان عنك و روح اسمع الفيديوهات القصيرة عند ياسير ممدوح

Olive_76077 🇪🇬 · Answer

علشان تعرف تحكيله ايه اللى حصل من اول ما بطلت صلاه ويقدر يساعدك. اساس حل المشاكل بدايتها

Avocado_73251 🇪🇬 · Answer

خلص فيديوهات ياسر ممدوح و ابدا اسمع بودكاستات محمد الغليظ حلوة برضو ابدا احقظ قران خد كل الخطوات مع بعض و مرة واحدة متقولش لسة مش متعود هبدا ب ده و ده هاجله متاجلش حاجة حالا قوم اغتسل و روح صلي ركعتين توبة و الفرض الي عليك

Popcorn_76069 🇪🇬 · Answer

انا فاهم لان انا كنت كده الاول برده

Banana_76073 🇪🇬 · Answer

بجد حاجه صعبه والله

Banana_76073 🇪🇬 · Answer

فكره بس انا مش حابب فاهم

Banana_76073 🇪🇬 · Answer

كل كلامك صح وشكرا بس الموضوع دا مش هيجي بالساهل خالص بذات القرار دا عشان انا كل صحابي كدا واكيد لازم ابعد عنهم بس الموضوع صعب اوي في الاول فاهم

Popcorn_76069 🇪🇬 · Answer

الحل الوحيد دلوقتي سيب التليفون وتقوم تغتسل وتصلي ركعتين لله بنيت ان انت تتوب وترجع لربنا

Banana_76073 🇪🇬 · Answer

كنت زمان كدا وبعمل كدا زمان بس المشكله اني برجع برضو اعصيه واعمل نفس الحااجه

Popcorn_76069 🇪🇬 · Answer

والله والله ما حد هينفعك ولا هيساعدك غير ربنا سبحانه وتعالى وبعد كده نفسك قوم دلوقتي اغتسل  وصلي ركعتين لله ان انت تتوب وترجع لربنا

Avocado_73251 🇪🇬 · Answer

فاهمة لاني كنت كد و محدش اصلا من اهلي كان بيعرفني الصح بس معرفش هو مرة قررت اني هتغير ف اتغيرت مع اني كنت بحاول كتير قبلها بس معرفش المرة دي قولت لازم هتغير و الحمد لله اتغيرت ف انت قوم دلوقتي زي ما بقولك اغتسل متقولش كمان شوية عشان اشوف الكومنتات لا روح اغتسل و و صلي و تعالى كمل مناقشاتك مع الناس

Avocado_73251 🇪🇬 · Answer

عادي ربنا بيحب الي بيتوب و مش عشان بتذنب مش هتتوب اذنب و توب و اذنب و توب لحد ما في مرة هتلاقي نفسك خلاص مش هتذنب بس اهم حاجة لما تتوب تتوب بجد و تكون مقرر انك مش هتعمل كد مش هتقول هتوب و ابقى اعمل كد تاني

Banana_76073 🇪🇬 · Answer

حقيقي حاضر والله هحاول بس الموضوع صعب اوي

Banana_76073 🇪🇬 · Answer

بس الموضوع محتاج وقت

Avocado_73251 🇪🇬 · Answer

والله العظيم مش صعب والله في الاول كنت شايفة كل حاجة صعبة بس الموضوع طلع سهل اوي انت هتصلي في اليوم ال5 فروض (مش صعبة خالص بس محتاجة تعود) مش هتسمع موسيقى(سهلة برضو بس محتاجة تتعود و مع الوقت انت هتنفر من صوتها اصلا) هتبعد  عن صحاب السوء(ربنا هيعينك و هيخليك تبعد عنهم) و هتلاقي نفسك واحدة واحدة بدات تكون قريب من ربنا

Avocado_73251 🇪🇬 · Answer

مش محتاج وقت ولا حاجة دي جملة الشيطان بيقنعك بيها عشان يصعب الموضوع لازم توقف كل حاجة غلط و تبدا تصلح كل حاجة في يوم و ليلة متقولش محتاج وقت

Apple_74016 🇪🇬 · Answer

تتوب لي ربنا واغلط وتتوب وربك بيحب العبد التوب