أنا اتردت اني احكي علشان كل اما افتكر الموضوع قلبي بيتقطع في حد قريب مني قوي مش بس صاحبي ده أكتر من أخ كنت فاكر إننا هنتخانق على البلايستيشن نضحك على نفس النكت القديمة نتكلم عن السفر والمستقبل كأن الدنيا لسه في جيبنا بس فجأة الدنيا قلبت واكتشفت إنه بيحارب حاجة مش سهلة بيواجه حاجة كبيرة طلع بيعاني من السرطان ووسط كل ده ماقالش ليه أنا قال أنا هعدي بس خليك جنبي وقالها وهو بيضحك واللي مايعرفش مش هيفهم قد إيه الضحكة دي محتاجة قوة أنا مش بكتب عشان حد يتعاطف ولا عشان أقول قد إيه أنا موجوع أنا بكتب عشان أقول إن فيه ناس بتحارب بصمت وإن الوجع أوقات بيبان في نظرة مش في صرخة لو عندك حد بتحبه قوله لو تعرف تدعيله ادعيله ولو قلبك حس بالكلام ده متبخلش بحنية الكلام ده مش محتاج علامات الكلام ده محتاج قلب يفهم 💔(ملحوظه البوست ده مش قصة حصلتلي بجد أنا بكتب قصص لناس بتبعتلي قصصهم وانا بكتبها هنا مع الحفاظ على الخصوصيه وعدم ذكر اسماء)

4

0