Chocolate_57265 🇪🇬's منشور

Chocolate_57265 🇪🇬

منذ شهرين

شعور مكسور القلب

ياجماعه انا مقهورة حاسه نفسي لوحدي بعد ما حبيت وارتبط واتخطبت 6سنين من عمري سابني خلاني اوقف تعليمي خلاني اسيب شغلي علاقتي باصحابي باظت وصحتي ادمرت علاقتي بماما في اسوى حالتها مش عارفه اعمل ايه نفسيتي في الارض

Hazelnut_52786 🇪🇬

أفضل نصيحة

منذ شهرين

البكي علي اللي راح مش هايعمل حاجه . درس جامد واتعلمتيه . نقطه ومن اول السطر . الاهم صلحي امورك مع والدتك . ركزى تنزلي شغل . وربنا يعوضك خير منه . الدنيا مش بتقف علي حد . الاهم نتعلم ونفهم اللي يستحقنا

Potato_52714 🇪🇬

منذ شهرين

اخرجي شوفي ناس اعملي حاجه بتحبيها بس متتعلقيش بحد غير لما تكوني حاسه انك تمام و حالتك النفسيه حلوه و كويسه بوجود الشخص و غيره برضو عشان متقعيش في اختيار أسوء

Cherry_59738 🇪🇬

منذ شهرين

بصي الحل قدامك بس انتي اللي مغميه عينك علي اوهام راحت خلاص أنتي لسه صغيره والعمر قدامك اكيد مش هتعيشي حياتك كلها كده صح ف الحل انك ترجعي زي الاول تهتمي بنفسك ب مامتك ترجعي لشغلك تاني ترجعي تتدرسي تاني والله يبنتي اللي انتي فيه دا متستهلش ربع اللي بتعمليه هوا خلاص راح لحالو وانتي غلطتك انك سمعتي كلامو اصلا وهوا شافك احسن منو ف عشان كده سابك انتي تستاهلي الأحسن منو صدقني❤️

Durian_55877 🇪🇬

منذ شهرين

معلش سؤال وانتي مخك كان فين لم اتفرض عليكي تضحي بكل دا وضحيتي بيه عادي عشان حتة خول؟ الحاجة اللي تضحي بيها بسهولة تستاهلي تخسريها معلش

Sugar_57606 🇪🇬

منذ شهرين

بصي اللي حصل حصل وربنا ينتقم من اللي اذاكي بس عافرى وقاومي وقومي طوري نفسك اتعلمي من جديد وخليكي ناجحه ف حياتك صلي وقربي من ربنا وانشاء الله ربنا يرزقك بالخير ❤️

Avocado_59769 🇪🇬

منذ شهرين

انا عارف ان الموضوع بيبقى صعب وخصوصا لما يبقى في تضحيات عشانه وميقدرش دا في الاخر ولكن انتي مع الوقت هتنسي وربنا هيعوضك بس لازم تعدي المرحلة دي الاول ازاي تعديها بئا اول حاجه تبعدي عن اي حاجه تفكرك بيه زي وسائل التواصل بتاعته زي قرايبه أصحابه اي صوره اي حاجه تفكرك بيه لازم تتمسح ولازم تعملي بلوكات من كل حته تاني حاجه لازم ترجعي تملي وقت فراغك بأي حاجه وتجتهدي من تاني ومتيأسيش واهم حاجه الصلاة

ملخص المشكلة

مقهورة بعد علاقة 6 سنين دمروا حياتي

علاقة فاشلة ألم عاطفي ضياع سنين تدمير ذاتي تخطيب وحدة

Biscuit_45198 🇪🇬

خدعة من أقرب ناس لي وبطلت أثق في حد

اتعرفت علي واحده والامور كانت ماشيه تمام فاهمين دماغ بعض والعلاقه كانت بتتطور يوم عن الاول. واحده واحده اعترفت انها بتحبني اعترفتلها انا كمان اني بحبها وكنا 24 ساعه بنتكلم ف الاول كانت حكيالي ان في واحد جارهم كان متقدملها ومحصلش نصيب لسبب انه مش شبها والواد بيشرب ومكنوش متفاهمين والكلام ده كله وسابه بعض. وف يوم من الايام راجع من الشغل كلمتها قالتلي رايحه عند ستي! ك العاده قولتلها خدي بالك من نفسك ومتعوقيش ولو في حاجه اتصلي بيا الكلام الي كلنا عارفينه. المهم مروح بيتي واتفجاء المفاجأة الي مكنتش متخيلها لقيتها راكبه توكتوك والي كان خطيبها راكب جمبها وحاطت ايده علي كتفها طبعاً انا شوفت المنظر وانزهلت كنت بكدب عيني لاني مكنتش اتوقع منها حاجه زي كده خالص كنت بثق فيها لدرجة كبيره جداً لحسن حظي لقيت توكتوك معرفه قولتلو خليك ورا التوكتوك ده ودماغي عماله تودي وتجيب طول الفتره الي كنت ماشي وراهم فيها مش عارف اتحكم ف اعصابي المهم نزلو قعدو علي كافيه وضحك وهزار قمت مطلع فوني ومقرب الزووم ومصور اتصلت عليها مردتش فضلت اتصل لحد ماقامت من جمبه ردت عليا كلمتها عادي جدا ايه وصلتي ولا لسه قالتلي اه لسه واصله منش شويه طب مكنتيش بتردي ليه قالتلي كنت قاعده جمب ماما وتيتا معرفتش ارد عليك انت رجعت من الشغل ولا لسه قولتلها راجع اهو. فترة ما كنت بكلمها مصدوم م الي بيحصل طب انا فحلم؟ المهم روحت ومبقتش عارف اتصرف ازاي لحد ما قررت اني مردش عليها لمدة يومين تكون اعصابي هديت عشان مخربش الدنيا فوق دماغها اليوم الاول رنت عليا فوق ال 75 مره وتبعت واتس وانستا وانا ولا سائل فيها تاني يوم لقيت رقم غريب بيرن وكان عندي شك 50٪ انها هي رديت لقيتها واحده صاحبتها اذيك عامل ايه في ايه بينك وبين$$$$$ انا:مفيش حاجه اومال مبتردش عليها ليه قولتلها مكنتش فاضي قالتلي هصدقك مع اني واثقه ان في حاجه بينك وبينها قولتلها هيكون في ايه يعني قالتلي معرفش وفضلت بقي مش هتلاقي حد يحبك قد$$$$$ دي بتموت فيك وبتقعد تحكيلي عنك قولتلها انا كمان بحبها ومفيش حاجه بيني وبينها خلصت معاها المكالمه قمت داخل واتس ل $$$$$ فقامت متصله رديت لقيتها بتعيط حرام عليك الي انت بتعمله ده في ايه طب انت زعلان مني سيبتها تخلص قمت رادد عليها ببرود اعصاب وقايلها انتي مصدقه نفسك قالتلي مصدقه نفسي ازاي قولتلها تعالي واتس روحت بعتلها الصور الي كانت قاعده فيها علي الكافيه قالتلي هفهمك قولتلها مش عايز افهم انتي مش كويسه وكنتي حباني لاجل فلوسي وسمعتها كلام قد كده قمت عاملها بلوك فون ووتس وانستا وفيس ومسبتش مجال لانها تخش تكلمني الكلام ده عدي عليه ٨شهور لحد الان بتتصل علي الحظر ومش مبطله وتعمل اميلات فيك وتخش تكلمني واعرف ان هي وابلكها خلتني رافض اخش اي علاقه جديده ومبقتش عارف اثق ف حد من بعد الي عملته معايا لما الضربه تيجي من اقرب الناس ليك بتبقي صعبه مهما كنت قريب وواثق من الشخص الي قدامك حرص منه. ...عرض المزيد

5 الدعم

2 نصيحة

Apple_54174 🇪🇬

الذكريات الحلوة بوجعني أكتر من الألم.. نفسي أنساه

حرفيًا الواحد بيموت كل ما يفتكر حاجه، طلعت الذكريات الحلوة ليها نفس تأثير الذكريات الوحشه ويمكن اكتر بكتير كمان.. نفسي أنساه والله بس للأسف بقالي ٧ شهور في عذاب وألم محدش ممكن يتخيله تعبت وحاسه ان كل مادا قلبي بيوجعني اكتر ما بين الاحساس بالذنب اللي مش بيفارقني واني كنت بعمل حاجات وفاكرة اني كده كنت بحمي نفسي وان لما المعاملة معايا تبقى صعبة أنا كده مش هخلي حد يضحك عليا واني اقعد اختبر هو بيحبني ولا لا واخليه مهما كنت مزعلاه يصالحني هو ومحسسوش ان زعله فارق رغم انه كان فارق اوي ومكنتش اقدر اعيش من غيره بس كنت بظهر عكس اللي جوايا عشان ابان البت القوية وبتاع واني كده ناصحة ،وما بين اني حاسه اني عمري ما هعوضه تاني أبدا ولا في حد ممكن اشوفه زي ما كنت بشوف الانسان ده و مش عارفه ادي فرصة لحد حاسه اني قلبي مات خلاص أنا فعلا حبيته اوي اوي ومكنتش اعرف ان حياتي من غيره هتبقى ضايعه وكلها حزن ووحدة بالشكل ده بس اكتشفت ده متاخر بعد كل حاجه حلوة ما راحت وبعد هو ما كرهني تقريبا حاسه اني هموت من كتر الوجع والألم اللي جوايا ، وصراع نفسي مع نفسي وذكرياتي الواحد فعلا تعبان إلى أقصى درجة…لو حد عينه جات ع الكلام ده يدعيلي ...عرض المزيد

3 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع