معاناة مع أمي بعد وفاة أبي وتحملي المسؤولية

Apple_70037 🇪🇬

منذ شهرين

شعور محبط

موضوع:

حد عاني من اهله قبل كده؟

عانيت وبعاني من امي بعد موت ابويا وفضلت اسايس واحايل وامشي الامور لاننا 5 اخوات وانا الكبير طول عمري مريحها وشغال ليها ولاخواتي خدام من مصاريف لمصاريف ا لجواز تعبت وشقيت عليهم كتير وبعد ما خلصت جوازهم شنعت فيا ووصفتني باقذر الاوصاف ورمت عليا تهم واتبلت عليا وقالت عليا كل العبر علشان محدش يصدقني ولا يكون في صفي لدرجة اني علشان اخلي الناس تصدقني خدتها وخرجنا وكنت بسجلها وسالتها انتي ليه بتعملي فيا كدا وبتقولي عليا كدا قالت (وقت الزعل اي كلام بيتقال ) وراضتني وتاني يوم رجعت تغلط فيا وتشتم في حقي لدرجة انها راحت تكتب في بلاغات يوميه واصلا انا مش دايسلها علي طرف .. بس لمجرد انها مبقتش محتاجاني .. واستكتار اي حاجه علياوعلي اولادي ووصفي بابشع الاوصاف وهي متاكده اني مفياش اي صفه سيئه هي بتقول عنها ولكن كل ده الهدف منه هو تسوء سمعتي وصورتي لدرجة انها بقت بتقدم اجواز بناتها علي انهم اولادها وللاسف ان المشهد ده اتكرر مع اخويا الصغير لما كبر بس هو ساب البيت ومشي لان محدش من اخواتها قادر يسيطر عليها

ابن عمي خطب غيري وأنا بحبه.. ومعركة التعليم مع طنط

بصو بقاا يا شوباب هحكيلكم حاجه دلوقتي ابن عمي اتقدملي وانا وهو اصلاا كنا بنحب بعض بس ال هو انا بحبك بس مش هدخل اكلمك وهو كده بردو انا بحبك بس مش هدخل اكلمك ف كلو كان عارف وعامل نفسو مش عارف حاجه الموضوع عجبكو لحد هناا صح.............. لازم يكون في حربوقه في اي حكايه والحربوقه دي كانت طنط ( مامته) ف هي كانت دايما بتقولو بت خالتك وكلام من ده وانتم عارفين كلام الامهات المصريه ف جيه اتقدملي كنت في 3 ثانوي ف انا كنت بلمح قدامو قبل كده ان انا عايزه اكمل تعليمي وادخل كليه ف جيه ابن عمي اتفق مع بابا بكده وقالي هتكلمي تعليمك طنط الحربوقه تسكت لا متسكتش تعب في دماغه يا عيني وتقولو لا كده كده مهما كملت تعليمها هتقعد في البيت ف بلاش هو اقتنع بكلامها معرفش ازاي بس هي اكيد قالت حجات كتير وكده ف جيه حاول يكلم بابا في الموضوع ده بابا قالي مليش دعوه دي حياتها وهي تقرر تعمل اي جماااعه لحد هنا stop انا نفسي اكمل تعليمي علشان بابا علشان بابا كان دايماا بيقول لماما لو حصلي او مت بنتي تدخل الكليه ف مهما بابا يعمل نفسو اخر همو الموضوع ده انا واثقه ان هو رافض الفكره ان انا لازم اكمل كليه نرجع تاني بقاا للموضوع بتاعنا... ... قولتلو لا انا عايزه اكمل كليه امو عملت مشاكل وانا سبتو علشان نفسيتي كانت تعبانه اوووي الفتره دي بسببو و بسبب امو ف عدا الايام و شهور وبعد 5 شهور خطب الاستاز خطب بت خالتو بجد كنت زعلانه اوووي بس كنت بحاول ابين عكس كده واقولهم انا بجد فرحنالو ربنا يسعدو ويقربلي ابن الحلال ال يصوني زي م قربلو بت الحلال ف خطوبتو كانت امبارح هكدب عليكم لو قولتلكم ان انا قعدت علي الكرسي بل العكس فضلت ارقص لحد م خلاص بس كلو كان عارف اد اي انا بتعذب من جوا حتي كلو متوقعش ان انا اجي الخطوبه ف بس بس انا حسيت ان هو مدايق او مش عايزها بس بكدب نفسي واقول انا بل حاسه بكده بس علشان عايزاه بس كلو حس بكده كلووو حرفيااا حتي عمو طلع وقالو مالك اضحك دي خطوبتك مش عزا امك بس اعمل اي بقااا يا شوباب طب انتم عارفين ان انا ليسه بحبو بس هو خطب ...عرض المزيد

5 الدعم

4 نصيحة

اخويا الكبير اتغير وجابلي دبش وقلة قيمة

اخويا الكبير والمفترض اننا زي الاخوات واكتر بقالنا ٣ سنين مع بعض ، علمني كتير ودلني على ابواب خير كتير وفادني كتير وعملي حاجات كوبسة كتير ووقف جنبي في مرض وموت امي وشغلني في حاجة تبعه وجابلي شغلي تاني (انا دلوقتي في شغال في الاتنين) كل ده حلو ؟ جه بقى من قريب اتغير خالص اولا بقى يرمي كلام زي الدبش كتير من نوعية انت نايم على طول - انا بقي هنا بشوفك في الاسبوع مرة - يقعد مع شوية عيال حرفيا لسه عارفهم من كام شهر يجيب فسيرتي وانا اللي كنت بمشيله كل الشغل لما كنت انا وهو ومكنش حد بيعمله حاجة - يقولي انت تجاوزت في الحتة وكنت المفروض تسالني (وانا قعدت شهور بمشي الشغل وباخد قرارات وهو مشغول مع حمل مراته وولادتها) - يجي عيل انا اللي معلمه ولسه مبقالوش كام شهر يسالني يعمل ايه فاقوله اعمل كذا وده كان الصح فعلا يقوم هو عاند ويقوله قدامي ياعم لو قالك حاجة تانية متسمعش كلامه ! اي مدير بيعمل كدا حتى لو انا غلط مع أن انا مغلطتش دلوقتي انا عندي امتحانات مهمة وبلغتوا في اول السنة ان قبل امتحاناتي بشهرين هسيب الشغل وفترة امتحاني شهرين وبعدين ارجع وقالي ماشي والده تعب في الفترة دي والله ما رضيت اسيب الشغل لاني عارف انه حرفيا ميت بين البيات مع والده والجري وراه ومراته وبيته جاي بقى يعمل كل الحاجات دي في الفتره دي يعني هو عارف اني مضغوط في امتحان مصيري وشغلانتين وجاي هو يعمل ده بدل ما يهون عليا بدافع انه اخويا الكبير زي ما كنا بنتعامل والله كنت بقعد اقول للتيم هو الله يكون في عونه خلونا نعمل احنا كذا ومنشيلوش هم كذا وتفاصيل طول ال ٣ سنين دول لا تعد والله ولا حد هيفهما غير اللي عاشها يبقى ده جزاتي في الاخر اعمل ايه لاني لو فضلت بكتم كدا فنفسي هنفجر انا صابر ٤ شهور حرفيا مش شايف غير دبش وقلة قيمة وتنطيط عليا ...عرض المزيد

6 الدعم

5 نصيحة

تجربتي مع الاكتئاب وخيبة الأمل بعد وفاة أبي

بعد وفاة والدي في بداية ٢٠٢٤.. مريت بمشاكل كتيرة ما بين اهلي وطمعهم، وناس تانية أدعو ان ابويا خد فلوس وعايزين يخدو شقته مقابل ده، ده غير طبعاً متطلبات الحياة كشخص عندي أسرة وطفلتين، وطبعا مش محتاج اقول كمية الوجع الداخلي على فقدان ابويا خصوصاً اني مليش اخوات، شغلي freelance وللاسف حد كنت بشتغل معاه لظروف ربنا وحده اعلم بحقيقتها مكملش المشروع ذي ماكنا متفقين وبالتالي فلوس الشغلانة قليت جداً. من فضل ربنا عليا إني قدرت أعدي كل ده.. المعارك كلها خلصت بانتصار وانتهت تماماً والحمد لله، خدت وقت طويل شوية بس طالع منها ليا مش عليا، وفديت ابويا، واسرتي الحمد لله مستورة وتمام، وكمان بصل أرحم اهلي رغم ان نفوسهم شايلة وفيه نكش كده من بعيد. ومع بداية ٢٠٢٥ ونهاية الترم الدراسي الاول.. اكتشفت اني محتاج ارتاح شوية، وكأن هرس اللي فات كله طفح عليا مرة واحدة وبقيت مش قادر ولا عايز اعمل حاجة، وابتديت امر بظروف نفسية مش حلوة، الموضوع استمر معايا كام شهر على الحال ده وانا بحاول لكن فيه صعوبة داخية عندي، المهم عندي ان احاول اخلي الحياة هادية بدون مشاكل علشان بناتي الاتنين(١٢ سنةـ ٦سنين). ومع نكش اهلي من حين لاخر، ظهرت صدمة كبيرة بالنسبة ليا وهي ان مراتي زهقت ومش عاجبها الحالة النفسية اللي انا فيها، وعلى حد قولها: كفاية طاقة سلبية انا نفسي ابقى براحتي بقى.. طول عمري سواء هي او بناتي لما بيكون متضايقين او مخنوقين مش بستحمل ده ولازم احل الموضوع علشان يبقوا كويسين.. شهرين طول الوقت مشاكل وقمص لاسباب مش حقيقية وتافه في بعض الاحيان، ومع الوقت اكتفشت الحقيقة انها اتخنقت من خنقتي على موت ابويا والمشاكل اللي حصلت بعد كده. الظروف النفسية الصعبة اتحولت لإكتئاب، مراتي اللي هي المفروض تكون مخدتي وتساعدني ان اخرج من اللي انا فيه، انا بقيت مش من أولوياتها، ممكن اكون مهم لكن علشان انا مصدر تحقيق الطلبات ..هي مش بتشتغل، عيالها واهلها وتيك توكها بقو اهم مني ..او هما اصلا من زمان اهم مني بس انا مكنتش واخد بالي تقريبا، وقرريت تسعد نفسها والهروب المستمر لبيت امها وانا اخر حاجة او كأني مش موجود، حتى لما بتعوز حاجة بتخلي بنتي اللي تطلبها مني. معادن الناس بتبان وقت الشدة.. دي حقيقة فعلا، اوعى تفكر حتى تيجي على نفسك علشان حد، نفسك ليها حق عليك علشان ربنا مش علشان حد تاني، زي مانت بتعمل لعيالك ومراتك ولبيتك ولاهلك، اعمل لنفسك بردو واتبسط، علشان والله ما في حد وحاجة مضمونة في الزمن ده. لما طول حياتك تفضل تدي وتجي على نفسك علشان غيرك.. ده اتحول لامر واقع لا رجوع فيه. مش من حقك اصلا تزعل او تكتئب، كفاية سنة ما خلاص بقى.. محدش بيحس بالوجوع والألم غير لما يدوقه. مش عارف ليه كتبت كل ده، ولا عارف انا عايز ايه من ده، بس قلت اجرب الابليكشن واهو بردو اديني فضفضت لعلى غيري يستفيد. اكتر حاجة مبسوط منها في كل اللي حصل ده، اني قربت من ربنا اكتر، فالحمد لله على ده، الحمد لله على كل حال، الحمد لله ان ربنا نور بصيرتي لحاجة انا ممكن اكون ماكنتش شايفها، الحمد لله على اللي فات وعلى اللي جاي أينا كان ايه. لله الامر من قبل ومن بعد، وإنا الى الله لراغبون ...عرض المزيد

7 الدعم

4 نصيحة