الشئ المحسوب علينا اب اللي طلعنا لاقيناه دا شخص غير سوي كان مدمر البيت واي حد فيه بيطفش او بيتجنن حتي اخويا اللي هو الحد الوحيد اللي باباه دلعوه علي حسابنا لما كبر وجاله مرض نفسي برغم انه معش نفس حياتنا بس بقي يضرب باباه ، وقتها قولت اكيد الشئ دا هيفوق ويبتدي يصلح الا انه لا نفس الحقد والغل ومحاولة تشوية سمعتنا دايما من قبل كمان ماينفصل زمان عن ماما او اللي محسوبه علينا ام برضو لاني مش مسمحاها انها سابتنا معاه ومفيش ام بتسيب ولادها بس دا مش موضوعي ، انا دلوقتي برغم اني بديه علي دماغه ومحجماه عن زمان كتير ، بس فالعموم حاسه ان عندي اكتئاب او بتأثر باجواء البيت اللي دايما بحاول اخرج منها وابعد عنها بس للاسف احتكاكي بيه امر لازم يحصل لاننا في نفس البيت انا 28 سنة وكل مااحاول اعمل حاجة واستقل بعيد عنه الاقي الدنيا بتتعقد ومش عارفه اعمل ايه احيانا فكرت فالانتحار واحيانا فكرت اءذيه هو انا اءذي نفسي ليه بجد مش عارفه الشخص دا كم الحقد والغل اللي عنده دا ليه مع انه ٦٤ سنه بس مش عاوز يفوق

6

0