مضغوطة وحزينة ومش عارفة أروح فين - انصحوني بأي حاجة

Question

كل الاماكن المتاحة ليا حاليا مربوطة بتروما حتى البيت مش عارفة اروح فين ، مضغوطة وحزينة ووحيدة لدرجة مثيرة للشفقة بالرغم من وجود ناس حواليا بس أنا صاحبتهم هما انما هما مش صحابي .
عديت بكمية mental breakdowns الأسبوعين دول فوق قدرتي وجلستي عند الدكتور بتتأجل كل شوية أنا تعبانة اوي ، انصحوني بأي حاجة أنا مش قادرة .

Hazelnut_52786 🇪🇬 · Accepted Answer

حاولي تسافرى . لو مش ينفع تسافرى . شوفي هوايتك المفضله وادخلي فيها . في اي حد مناسب ليكي تقعدى تتكلمي معاه اعملي كده . مافيش احنا كلنا موجدين نقدر كلنا نساعدك ونقويكي كمان . ابعدي عن البيت بس مش تروحي مكان السفر لوحدك . وغيرى شويه من تفاصيل يومك . جددي طاقتك الداخليه

Pistachio_52720 🇪🇬 · Answer

خدى بعضك و سافر دهب او اى مكان فى بحر

Nutella_52644 🇪🇬 · Answer

الحل انك تغير تفكيرك ومتعتمدش علي حد وتغير نشاطك اللي بيضايقك لنشاط جديد وطبعا قربي من ربنا بس الوحدة مش دايما حزينه هو الموضوع كله علي ازاي بتبصلها ومن انهي جهة حاولي تموف اون من اي حاجه ضايقتك واللي بيضايقك مش هيبقي بيضايقك

Coffee_52706 🇪🇬 · Answer

عادي ممكن تصلي وتدعي وتعيطي وتطلعي كل طاقتك في كده وبس بعدها هتكوني مرتاحه وكويسه واللي تحسي انك انتي بس اللي صاحبته وهو مش بيحاول يبقي صاحب كويس ابعدي عنه حتي لو من غير سبب

Popcorn_52587 🇺🇸 · Answer

اي حاجه تانيه غير البيت هتكون احسن الموضوع بس محتاج حد يشجعك وانك مش هينفع تروحي اي حته لوحدك بس انتي محتاجه تغيري ونحاولي تعملي كل حاجه في نفسك بحيث تعرفي أن الدنيا كبيره اكيد بس محتاجه تشجيع بس

Lemon_34495 🇶🇦 · Answer

خدي نفس عميق وافتكري إنك مش لوحدك، احنا معاكي، واللي بتحسي بيه دلوقتي مش نهاية الدنيا، ده بس وقت صعب وهيعدي. ما تضغطيش على نفسك، كفاية إنك بتحاولي، وربنا شايفك وحنين قوي.

Durian_52455 🇪🇬 · Answer

الحل هو إنك تتابع مع دكتور تانى يكون عنده وقت كفاية.

Chocolate_28606 🇪🇬 · Answer

مش قادرة احكي من الاول ومش قادرة على تشخيصات جديدة أنا تعبت بقى

Chocolate_28606 🇪🇬 · Answer

أنا حاسة اني كدة بقالي فترة طويلة اوي بجد وكل ما افتكر بقيت احسن بكتشف اني كنت بمثل

Chocolate_28606 🇪🇬 · Answer

هعيش لوحدي ؟ أنا شخص اجتماعي و عمر ما حد يتخيل اصلا اني ممكن اكون تعبانة كدة

Chocolate_28606 🇪🇬 · Answer

بقالي سنة ونص بحاول

Chocolate_28606 🇪🇬 · Answer

حياة الولاد دي سهلة اوي والله

Chocolate_28606 🇪🇬 · Answer

والاقي ناس منين ؟

Popcorn_52587 🇺🇸 · Answer

لو فيه حد مناسب انو ينفع توسعية دائره معارفك وتعرفي حد دا هيكون كويس ممكن احنا كمان هنا نشجعك ونكون معاكي في اي حاجه

Coffee_52706 🇪🇬 · Answer

للاسف هي دي المشكله ان الناس دايماً شيفانا جامدين وبنعرف نعدي من اي حاجة تتعبنا بس احنا اضعف من كده بكتير انا اقسم بالله بكلمك ومفيش حد في حياتي نهائي بس مش قادر اعمل حاجة مش هشحت اهتمام الناس علشان يبقوا  معايا علشان مده بقيت بحاول اقرب من ربنا لانه دايماً موجود من غير مانطلب ده وبما انك شخص اجتماعي كوني صداقات حتي لو من هنا  بس الناس تبقي شبهك ومتحاوليش تغيري حد مش شبهك علشان يبقي معاكي