مشيت لوحدي في الزمالك وخلاص بوظت علاقاتي مع الناس

Croissant_66979 🇪🇬

منذ 3 أيام

شعور مرتبك

نزلت انهارده اتمشي لوحدي عشان احب القاعده مع نفسي عشان تالته خلاص بوظت علاقاتي مع الناس نزلت اتمشي فعلا بس اتمشيت كدا وخلاص وكلها ٢٠ د وزهقت وكنت عايزه اروح وكمان حصل موقف دايقني لي اكون ماشيه في الشارع وولد بيخلي صحابه يبصو عليا وصحابو بيقولوه كلمها (كنت في الزمالك ) هو دا طبيعي؟ مش فاهمه يعني وخلصت وروحت اركب من الكيت كات حرفيا كميه الشمامين في الشارع رهيبه فوق العشرين شخص مترمين وحرفيا ضاربين حاجه مش معقوله بجد لي الناس كدة انا كنت ماشيه خايفه ومفيش حد فاضي ينزل معايا وانا لو قعدت في البيت اكتر من كدة هتجنن بجد هتجنن

تجربتي مع الاكتئاب وخوفي من انهيار تاني

اعتقد انه كان عندى اكتئاب لحوالى سنة ونص عرفت ده لما لقيت الأعراض كلها عندى فى كتاب جلسات نفسية وبعدها بفترة كبيرة لقيت اختبار لوزارة الصحة والنتيجة أنه كان عندى فعلا ده غير افكار الموت والنهايه اللى مكنتش بتفارقنى لكن الحمدلله انى شخص واعى و ده خلانى منتحرش حتى لو كنت هعمل كده غصبن عنى بدون وعى فبجد فضل من ربنا وكمان لما لاحظت كل ده بدأت احاول أعالج نفسى بنفسى من البداية لكن كل حاجه كانت بتضغط مشاكل دراسية ، عائلية ، مادية وكله بجد وانا كمان كنت بضغط على نفسى . الحمدلله عدى فترة كبيرة وآخيرا بالتدريج بدأت استعيد نفسى و شغفى للحاجات اللى بحبها أو للحياة عموماً لكن لسه كل ما بيحصل حاجة بتضغط عليا بحس بتوتر وخوف وضغط وخايفة يكون لسه عندى الأعراض أو متعلجتش ١٠٠٪ وده معناه أنه الاكتئاب لسه موجود هو بس الأوضاع مستقرة حبه فأنا مش شايفاه لكنه مستخبى جوايا وانا بحس بيه مش عارفه اعمل اى وكانت رحلتى لوحدى ومقولتش لأهلى ومفيش غير بنت خالتى ومعرفش اروح لدكتور وكمان السنة الجاية تالته ثانوى وهتكون مليانة ضغط وخايفة حقيقى كله ينهار تانى ...عرض المزيد

7 الدعم

14 نصيحة

حياتي صعبه مع السرطان.. ادعولي من قلبك

الاقتباس ده بيمثلني حقيقي مثل شخص يسقط من الطابق الخمسين ويعجب بزهور الشرفات التي يمر بها في دربه إلى الموت أنا حياتي بقت صعبه ف كل حاجه أنا لسه بتعالج من المرض الحقير ده بس كل الرعب ف قلبي علشان نوع الخلايا اللي عندي من أشرس أنواع الخلايا السرطانية وأنا حياتي بقت كلها قلق وخوف وضغط لا مني عارفه هعيش ولا هموت ولا ايه دنيتي مع المرض الزفت ده ولا ايه النهايه يا ترى بجد مين فينا هيكسب التاني! مبقيتش قادره أستحمل وتعبت ونفسيتي تعبت من كتر الضغوطات اللي بعيشها ف سن المفترض إني أكون بعيش شبابي فيه،مش عارفه أقول ايه لكن بما إننا ف أيام جميله ف أنا أكتر واحده فيكوا محتاجه الدعاء و ف أمس الحاجه لكل دعوه ومش هفكركوا ب إن الدعوه بظهر الغيب مستجابه بإذن الله متنسوش تدعولي أستحلفكم بالله تدعولي علشان أنا مش عارفه يعني إذا كنت هعيش ولا لا بس أتمنى لو ربنا كتبلي عمر يكون عمر مليء بالطاعه والقرب منه ولو مكتبليش عمر يتجاوز عن سيئاتي ويغفر لي ويرحمني ويدخلني الجنه ادعولي كتير وبفكركم إنكوا متنسوش إن طالما عندكوا نعمة الصحه فكأنما حيزت لكم الدنيا ومتنسوش إن كل ما دون الصحه والأهل دون ولا تزعلوا نفسكوا الزعل آخرته وحشه زي ما انتوا شايفين كده أنا الكانسر جالي م الزعل ف معلش هتستفادوا ايه لما لقدر الله صحتكوا تتبهدل ؟ ولا أي حاجه ف ف ستين داهيه أي حاجه ما دام صحتكوا وأهلكوا بخير ومتنسوش تحمدوا ربنا على كل النعم ومتبصوش للي ف إيد غيركوا مهما كان اللي ظاهرلكم علشان الظاهر حاجه والباطن حاجات تانيه خالص لا تنسوا أختكوا توفي الصغيره من الدعاء♥️ جزاكم الله بالأضعاف المضاعفه من دعائكم لي وجبر قلوبكم بما تتمنون♥️ ...عرض المزيد

5 الدعم

5 نصيحة