Tofu_45139 🇪🇬
منذ 6 أشهر
.
شعور عاطفي
ممكن تحسو أنها مشكله عاديه بس الموضوع مدمر حياتي جدا تقريبا أنا من حوالي أربع سنين كنت عرفت بنت سوشيال وبقينا أصحاب جدا بقينا بيست فريندس بعدها ماما شافت أننا بنتكلم وماما بتخاف ومش عايزاني أكلم حد سوشيال فأخدت الفون وضربتني وعملت بلوك للبنت ومعدتش تديني الفون لفتره طويله وقتها أنا تعبت جدا عشان أنا متعلقه بيها ومازلت الصراحه ومش قادرة أنساها لمدة التلات سنين دول يعني تفكيري متشتت وطول الوقت على بالي ومش عارفه أعمل ايه وتعلقت بيها أكتر لأن ف سنة لما سبتها حصلي مشاكل كتير وتعبت نفسيا وبقيت أقول لو كانت هنا كان هيبقى أحسن ...المهم هيا وحشتني أوي وأخدت أخيرا الإذن أني أكلمها بعد سنين أنا خايفه لو كلمتها يا متردش يا تعملي بلوك أو تتعامل معايا بطريقه مش كويسه ووقتها هزعل جامد بس أحس هيكون وقتها هقدر أتخطى وف نفس الوقت خايفه لو مثلا قالتلي نبقى أصحاب تاني بس مرجعناش زي الأول ده هيأثر عليا برضو لأني كنت متعوده عليها أوي فأكلمها ولا مكلمهاش مش عارفه أعمل ايه
7
4
