ليه محدش بيعجب بيا رغم اني حلوه؟ مشكلتي مع الهالات السودا

Question

انا عارفه انه المشكله قد تبان غريبه بس دي عامله مشكله ليا 
انا عندي ٣ بنات اخوات غيري احنا كلنا بنلبس نفس اللبس مع بعض وكلنا شبه بعض .. وكل حاجه بينا زي بعض ك اخوات.   
بابا علطول بيدلعنا ويشبعنا كلام حلو بس حاسه انه انا محتاجه اتشاف  ..المهم عمر ما حد قالي انه معجب ولا حاول يكلمني رغم اني مش هقول جميله علي مقاييس الجتمع بس حلوه عادي  .. بس للأسف عندي هالات سودا في وشي .. عالجتها علاج الدنيا والآخره عشان تروح ومش راضيه تروح .. اشتريت اغلى حقنه عشان اعالجها ومجبتش نتيجه بس هي خفت شويه .. 
انا بشوف  الرجاله بتموت نفسها علي اخواتي  ودا معجب ودا بيحاول معاها  وكمان اصحابي كذلك  .. يروح راجل يجي عشره وانا بحس اني قربت اقبل بالقليل عشان مش لاقيه اصلا .. غصب عني كرهت نفسي وشوفت نفسي بشعه .. انا عندي ٢٥ ولسه المشكله ملازماني مش عارفه اعرف المشكله فيا ولا هو قدر ولا اي بس كل الي عارفه اني مش قادره اتخطي حاجه زي دي وبقعد اعيط بالليل .. خصوصا الموضوع بدأ من اعدادي

Orange_67449 🇪🇬 · Accepted Answer

بصى اول حاجه لازم تعرفى انك غاليه وليكى قيمه والموضوع مش بكترت المعجبين ممكن راجل يتقى الله فيكى ويكون من نصيبك وربنا كاتبه ليكى ويجى ويعوضك عن كل اللى فات ولازم يكون ايمانا بى الله قوى وكل حاجه بيد الله موضوع الهالات السوده شوفى فيه انيما عندك ولا لا ولو بتسهرى طول الليل حاول تنامى بى الليل وتصحى بى النهار وبلاش الاحباط وتوكلى على الله فمن يتوكل على الله فهو حسبه

Mango_29955 🇪🇬 · Answer

انت محتاج يكون عندك ثقه في نفسك اكتر من كدا

Olive_67152 🇪🇬 · Answer

ممكن اتوصل معاكي

Potato_66678 🇪🇬 · Answer

القصه جواكي مزعله نفسك
كلنا عندنا عيوب وبرغم أن الهالات مش عيب بس البنات بتحب تبان اجمل 
روقي واجمدي

Orange_67546 🇪🇬 · Answer

انتي مش غريبه ولا مشكلتك بسيطه دي حاجه موجعه فعلا وبتوجع القلب من جوه الاحساس بالوحده وقله التقدير ممكن يخلينا نشوف نفسنا بشكل مش حقيقي انتي مش اقل من حد ومفيش فيكي حاجه ناقصه بالعكس كل واحد فينا ليه نوره الخاص وشخصيته اللي محدش يقدر ياخدها منك الجمال مش بس في الملامح الجمال في الروح في الضحكه في النظره في طيبه القلب في الحنيه اللي بتوصليها من غير ما تتكلمي كتير

Orange_67546 🇪🇬 · Answer

مش معنى ان اللي حواليكي بياخدوا اهتمام اكتر انك مش مهمه او مش جميله يمكن انتي ليكي طريق مختلف يمكن ربنا بيحوشلك حاجه انضف واصدق مش كل تأخير شر ومش كل هدوء فراغ الهالات اللي في وشك مش عيب دي زي علامه من الزمن بتمر وهي هتعدي برضه زيها زي اي وجع انتي محتاجه تبصي لنفسك بعين رحمه مش بعين الناس تحبيها وتطمنيها وتقولي لنفسك انك كفايه وانك تستاهلي تتحبي وانك مش لازم تتغيري عشان حد يشوفك

Orange_67546 🇪🇬 · Answer

اللي هيحبك بجد هيشوفك زي ما انتي ويحبك بالزياده انتي تستاهلي اكتر من القليل وعمرك ما كنتي بشعه دي كلمه قاسيه جدا وماينفعش تطلعيها على روحك ابدا انتي بني آدمه فيها حاجات كتير حلوه مش بس ملامحك صدقيني لما تبصي لنفسك بحب الناس هتشوفك بعين تانيه خالص

احنا جنبك ماتقلقيش ندعمك دوما❤

Biscuit_68226 🇪🇬 · Answer

والله ما عارفه اقول اي ♥️♥️

Biscuit_68226 🇪🇬 · Answer

حاضر والله بحاول ♥️

Biscuit_68226 🇪🇬 · Answer

انا لا افقه شئ في التطبيق 😅

Biscuit_68226 🇪🇬 · Answer

والله ما عارفه اقولك يا يا برتقاله عسوله 
شكرا من القلب 
كله دا فيا فعلا بشهاده الي حواليا 
بس طلعت  الحقيقه حوالينا بتقول انه كله بالشكل وحسيت دا كلام انشاء يتكتب فاهمه 
🥺

Apple_68017 🇪🇬 · Answer

طبعا الإعجاب والكلام ده كله بيكون نصيب 
بس مع احترامي ليكي ماينفعش تقولي اقبل بالقليل لان القليل ده ممكن يكون هو اللي هايفرحك ويسعدك ويحبك 
واقصد بالقليل ده سواء ماديا او في الشكل بس القليل ده ممكن يعوضك

Potato_66678 🇪🇬 · Answer

عاش go

Chilli_68026 🇪🇬 · Answer

على الفكرة الجمال اوقات كتير بيبقى نقمة كبيرة انا احلى واحدة في عيلتي وكل أصحابي وكل الشباب الرجاله كانت تموت عشان بس ابصلها وكل البنات حواليا كانت اقل جمال دلوقتي ماشاء الله تبارك هما مبسوطين ومرتاحين مع ازواجهم وانا الوحيدة اللي تعيسه ووحيدة ومع راجل شايف جمالي دا نقمة عليه مخليني اتعس واحدة فالرزق ياحبيبتي حاجات كتير اوووي واهمهم الرضا

Banana_68365 🇪🇬 · Answer

"بصي… انتي مش أقل من إخواتك، ولا من أي حد.
مفيش حد زيك، ومفيش حد عنده قلبك.
الجمال مش بس في الشكل، الجمال في الروح،
وانتي جواكي حاجات حلوة قوي… بس لازم تصدقي ده الأول."

Orange_67546 🇪🇬 · Answer

ماتقوليش حاجه 
علي فكره انا برتقال مش برتقاله
كنت دوما في كتاباتي اقول خليكم دايما علي ثقه بأن بداخلكم كنز كبير ومن الخطا اننا نترك الكنز مخبوء من غير مانفتش عليه ونطلعه من خبايا نفوسنا 
انتي حلوه في حاجات كتير ممكن ماتتوفرش ليهم واكيد ليكي جمالك الخاص المميز 
اوعي تبطلي تحبي نفسك وتدلليها 
لو حبيتي نفسك هتشرق وتنور وتلاقي الكون كله يتنافس لحبك 
كوني بخير 
ضمي إليكِ الشمس ثم أشرقي

Mango_67775 🇪🇬 · Answer

انتي لسه صغيره والله و عادي هي مش ب قد ايه متقدم و قد ايه معجب 
و خليكي عارفه برضوا نصيبك هتاخديه
ما يمكن هما قاعدين يتقدم لهم و يعجبوا بيهم و مش بيتوفقوا و تيجي انتي من اول شخص و تتوفقوا لبعض 
و حبي نفسك و حبي شكلك و شخصيتك و تولع معايير المجتمع اللي فاكرين نفسهم لجنه تحكيم ميس ايجيبت

Orange_67546 🇪🇬 · Answer

فقط ابتسمي واشرقي