مشكلتي الوحدة وزهق الحياة.. مش عارف أبدأ منين

Question

كلام كتير موجود بس مش عارف ازاي اطلعو او اعبر عنه انا نفسيا بقيت متدمر مبقتش عارف انبسط نهائي بأي حاجة المشكلة اني عارف اي مشكلتي بس بتكسف اواجه نفسي بيها لاني وسط ناس متخلفة محسسني ان مشكلتي دي مشكلة عيال صغيرة و تافهه انا عارف ان مشكلتي هي الوحدة و اني عايز اعيش زي الافلام قصة حب حقيقية و اكون اسرة المشكلة دي مسببالي زهق و تعب في حياتي و بحاول اعملها بس المشكلة مش عارف ابدأ منين او ازاي

Strawberry_39379 🇪🇬 · Accepted Answer

مش شايفه أن فى مشكله عادى بدام ده مش مأثر على حياتك وشغلك واى يعنى لما تبقا عايز تبقا مع عيلتك وبس الناس إلى بتقولك كدا مصعبينها عليك وعاملينك متخلف ابعد عنهم اهم حاجه صحتك وسلامك النفسى مش مهم اى حاجه

Strawberry_39379 🇪🇬 · Answer

وهتكونى الاسره ازاى وانتى اصلا مبتقعديش مع حد ولا عايزه تكلمى حد انتى مش عايشه  فى الدنيا لوحدك جربى تدورى ع الناس إلى شبهك لحددد ما تلاقيهم أخرجى برا

Cookies_38172 🇺🇸 · Answer

انا ولددد

Cookies_38172 🇺🇸 · Answer

و بالعكس انا اجتماعي جدا بس انا مش لاقي اللي شبهي و اللي حواليا كلهم ناس بحس ان الغباء بيبظ من عنيهم و في كلامهم

Strawberry_39379 🇪🇬 · Answer

حتى لو ولد مش هتعرف تكون بيت واسره طول ما انتا عايز تبقا لوحدك كدا فرضا اتجوزت ذنبها اى بنت الناس تقعد مع واحد عايز يفضل لوحدو هو احنا بنتجوز علشان نلاقى شريك حياه ولا علشان يبقا كل واحد لوحدو

Cookies_38172 🇺🇸 · Answer

مين قال اني عايز اقعد لوحدي بس لو انا هكون عايز اقعد لوحدي ليه هتجوز من الاساس زي ما بتقولي و ليه هتكون مشكلتي هي اني عايز يكون عندي شريكة حياك

Strawberry_39379 🇪🇬 · Answer

يعنى انتا دلوقتى  عايز دايرتك تبقا صغيره على قد عيلتك وبس صح

Cookies_38172 🇺🇸 · Answer

ممكن اه هي العيلة هتكون اهم حاجة بالنسبة لي ثم الأصدقاء

Chilli_39390 🇪🇬 · Answer

محدش عاجبه حاله
ودي جمله موجوده في كل الناس
مبدئياً كدا الروتين لابد من التغير 
وانا هنا مقصدش روتين يومك
روتين حياتك 
صحابك
الناس المتخلفه اللي انت بتقول عليها
اي حاجه مسببالك مشكله لابد من التغير
خليك دايماً انسان دونت كير ل ايني ون 
ماعدا الناس اللي تستاهل
وانا شايفه ان مفيش حد يستاهل الاهتمام غير نفسك👍🏻

Cookies_38172 🇺🇸 · Answer

بحاول اعمل كده بس انا انسان العاطفة عندي زيادة ف انا من النوع لو معرفتش ابسط نفسي ف ببسط اللي حواليا حتى لو ع حسابي

Mushroom_29719 🇪🇬 · Answer

اولا انا شايف أن مش غلط تكون عاوز حب ذي القصص والافلام ومش غلط انك تكون بدور عليه 
اي شخص بيكون عاوز حب حقيقي يعني تحب وتنحب بطريقه حلوه 
الناس المتخلفه اللي انت بتقول عليها دي 
ممكن هما عندهم مشاكل ف شايفين أن أي التفاهه اللي انت بتتكلم فيها دي 
مع رغم أنهم مش مقدرين أن دي حاجه بسيطه جدا انك تكون عاوز حب حقيقي وتعيش حياه حقيقيه وبساطه مرتاح اصلا بيتهيقلي مفيش احسن من كده

Mushroom_29719 🇪🇬 · Answer

وبعدين انت حكيت مشكلتك ليهم كأنهم اصدقاء هما قللو من مشكلتك ودي حاجه وحشه جدا اي صاحب أو اي حد في حياتك عمتا بيكسرك بعدم استيعابه لحاجه مديقاك مش من حقه ولا من حقك تظلم نفسك وتحكيله انت اكيد جربت قبل كده
 تحكيله عن حاجه انت مدايق منها أو محتاجها وهو قلل منك ف انت مش تحكيله تاني عشان هو بتكسرك ويجرحك بكلامه
ف اي حد هيقولك كلام يقلل بيه من كلامك انت اكيد مش محتاجه في حياتك

Mushroom_29719 🇪🇬 · Answer

وكمان حابب اقولك حاجه 
كل واحد ليه حلم في حياته مختلف عن التاني 
انت حلمك بسيط اووي وان شاءالله هيتحقق
ف انت حكيته لحد بحسن نيه عادي 
هو شايف أن اي التفاهم دي هو انت طفل عشان تفكر كده 
هو حر بقاا يفكر ذي ما هو عاوز 
الطبيعي في حياتنا اننا لازم يكون في اشخاص يقلله منك ومن حلمك دول بقاا انت تسمعهم من هنا ولا كأنك سمعتهم 
والموضوع عادي وحاول تكون مع ناس بتشبهك أو اقل حاجه ناس فهماك

Mushroom_29719 🇪🇬 · Answer

وكمان مش شرط اي حد يقتنع بحلمك أو برغبتك لحاجه معينه 
انت عاوز حاجه ومقتنع بيها دور عليها وحاول توصلها 
وربنا بيساعدنا ومفيش مستحيل عند ربنا 
بس انت لما تحس نفسك ادايقت صلي وادعي وقول يا رب ريح قلبي واهديني وابعد عني الاذي وكسرت القلب 
وفي ايه في القران بتقول 
بسم الله الرحمن الرحيم 
﴿وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ ۝ فَسَبِّحْ بِحَمْدِ رَبِّكَ وَكُن مِّنَ السَّاجِدِينَ ۝ وَاعْبُدْ رَبَّكَ حَتَّىٰ يَأْتِيَكَ الْيَقِينُ﴾
صدق الله العظيم