انا هحكيلكم مشكلتي لانها كبيرة شوية وماصدقت لقيت ابلكيشن زي كدا علشان اعرف اتكلم من غير ماحد يعرفني انا دلوقتي عندي19 سنة لما كان عندي16 سنة في ناس خطفوني واغتص*بوني والموضوع دا محدش يعرفه غير انا وماما وبابا لأني وحيدة وكان عندي اخ واتوفي قدمنا بلاغ كنا بس من وقتها وهما مش لاقينهم ابدا انا حاولت كتير اني انتحر بس للاسف كل مرة بينقذوني فيها وانا اهلي عارفين ان دا مش غلطي هما اه مكسورين بس مكنش في ايدهم حاجة واني بنتهم الوحيدة ف بعد فترة خالتو عرفت بالموضوع واصلا ابنها كان بيحبني من بدري وهي اقترحت انهم يجوزوني ابنها حتي لو بعدين نطلق بس علشان يسترني وهو كان موافق كمان علشان مكنش حابب يشوفني فالوضع اللي كنت فيه وانا كنت بموت والله من جوايا ومش قادرة انسي كل حاجة المهم بعدين فضلنا قصاد الناس مخطوبين لغايت ماكملت18سنة وبعدين اتجوزنا فعلا هو اكبر مني ب3سنين يعني هو عنده 21سنة والله انا بكتب الكلام دا وانا منهارة اصلا وعمري ما كتبت الكلام دا لحد ابدا ولا عمري فكرت اني افضفض مع حد بجد انا بموت من جوايا كل يوم بقالي 3سنين المهم اتجوزنا وهو بيحبني ودايما بيقولي اني انسي اللي فات وحتي لما بقوله انت جميلك علي راسي لغايت ما اموت انت سترتني بس خلاص نطلق انت مش مجبر تكمل حياتك معايا بيقولي ان هو بيحبني وعايز يكمل حياته معايا وحاجة كمان احنا من لما اتجوزنا ومحصلش بينا اي حاجة لأني مش بقدر لو جي وقرب مني بفضل اعيط وجسمي كله يرجف وبنهار لاني بفتكر يومها وبرضو محدش من عيلتي او عيلته يعرفو الموضوع دا وهو بصراحة مستحملني بس انا مبقيتش مستحملة نفسي وبفكر كتير بالانتحار ويريت محدش يقول كلام يجرحني لاني انا والله عيشت حياة محدش يتمناها والله انا عانيت في حياتي ومش عارفة اعمل اي اسفة لو طولت عليكم بس حكيت كل اللي في قلبي

12

0