المشكلة دي عندي من زمان جدا بس أنا مكنتش شايفة انها مشكلة لحد من فترة بس حسيت انها بجد مشكلة ومضيعة عليا فرص كتير ومقيداني في كل حاجة وهي اني بتكسف جدا ، في الأول كنت شايفة انه كسوف عادي بعد كدة بدأت أحس انه بجد كسوف مرضي مش عادي مع اني انطوائية كمان فالحوار بجد صعب يعني مش مشكلة اني بضيع خروجات ووقت هستمتع بيه مع ناس بحبها لا كمان لو حاجة مهمة هتفيدني في دراستي كورس مثلا ولا حاجة ، لو في حاجة ممكن أتدرب فيها تفيدني بعدين في شغلي كل ده مش بعمله عشان عارفة اني هتكسف أكلم حد أو أسأل حد عن حاجة مثلا ، حتى أبسط الحاجات اني أطلب حاجة من حد سواء عادي أو بالموبايل بتكسف وبتوتر ، مؤخرا الموضوع بقى معصبني أكتر عشان بقيت أحس اني عبء على أي حد معايا في أي مكان لأنه بيبقى عارف اني مش هتكلم وهو اللي مضطر يعمل أي حاجة ، مش عارفة هل في حد كان كدة والموضوع اتحل وازاي ولا الموضوع محتاج دكتور ؟ أسفة اني طولت

0

0