حياتي مدمرة بسبب العادة السرية ومش عارف أخرج منها

Question

السلام عليكم ،انا شاب عندي ١٩ سنة بعد اذنكو ال هقولو دا خاص بالذكور فقط ، أنا الحمدلله طول عمري ملتزم أو مش علطول يعني بس علطول رجلي عالجامع وبصلي الحمدلله ومكنتش بعمل حاجة غلط خالص المهم أول ما دخلت ثانوي وبدأت اتصاحب على صحابي الجديدة بدأوا يستغربو ازاي أنا مش بمارس العادة السرية مع اني كنت بحلف لهم مكانوش بيصدقوا بردو وانا فعلا كنت بخاف على نفسي أوي لحد ما في مرة ودي من تلات شهور كدا قررت اني اجرب ومن ساعتها وانا حياتي مدمرة تماما حاسس اني كنت كابت نفسي أوي وحرفيا دلوقتي مفيش يوم بيعدي من غير معناها وأوقات كمان بيبقوا ٤ مرات في اليوم وانا الحقيقة زهقت ولكن كل اما اقول أنا خلاص دي هتبقى الأخيرة مبعرفش وحاسس اني دخلت دوامة ومش عارف أخرج منها وحاولت كذا مره اصلي ولكن بردو برجعلها مش عارف اي الحل أرجو ال عنده حاجة مفيدة يقولها 
وشكرا.

Tomato_46393 🇪🇬 · Accepted Answer

انا مؤمن ان الصلي ليها جزء من حياه الانسان’ يعني ربنا يهديك تتوب من حاجة معينه كدا’ بس الاهم من كل دا انك تكون قوي ومفيش حاجة تقدر تسيطر عليك قوي بعقلك’ انا شخصياً كنت بمارس العاده السريه بس بطلتها ومبقاش عندي الرغبه اني اعملها ودي حاجه انا فخور بيها اني شخص قوي ومفيش حاجه تقدر تسيطر عليا’ حاول تيجي ع نفسك وانا عارف الموضوع هيكون مرهق في الاول بس صدقني’ مع الوقت هتقدر تتحكم في عقلك’ ياريت اكون فيدك

Chilli_48278 🇪🇬 · Answer

شكرا جدا أنا هحاول والله وإن شاء الله هقدر

Apple_43394 🇪🇬 · Answer

اهم حاجه  تكون بعدت عنهم وبعدين الباقي سهل

Mushroom_43876 🇪🇬 · Answer

بص انا هقولك نصيحة واحدة بس النصيحة دي خلتني ارجع لربنا واتوب
هي اني كنت نايم بالليل صحيت الساعة 1 الليل ومعرفتش انام خالص وكنت خايف مش عارف من اي ف بدأت اراجع نفسي وفعلا كان فايتني كتير وبدات اقول ل نفسي 
اي شعورك لما تلاقي الناس داخلة الجنة وانت لا وفضلت ماشي على الكلمة دي حتى الان
وان شاء الله ربنا يساعدك

Banana_37933 🇪🇬 · Answer

اسعين بالله وكان صادق من الله وابعد عن صحابك الي بيكلموك في الحاجات الي زي كده وابعد اي حاجه مغرية عنك وابشر بالخير

Onion_40579 🇪🇬 · Answer

بص انصحك بقيام الليل لان والله معجزه فرق معايا جدا هتلاقي الموضوع بيقل بالتدريج وهتنتهي تماما بجد حتى لو هتصلي ركعتين بس بعد العشاء يعتبرو قيام ليل مش لازم يعني الساعه٢ بليل تقوم تصلي واستعن بالله ادعي كتير ربنا يكرهك في الذنب ده وتبعد عنه حاول تشغل نفسك باي حاجه مفيده او حتى لو هتلعب اي حاجه بس المهم تشغلك يعني وانصحك ببودكاست على اليوتيوب اسمه وعي كانو عاملين حلقه لحلول انك تبطل العاده السريه

Onion_40579 🇪🇬 · Answer

وربنا يعينك وتبطلها وتبقى شخص احسن من الاول لو بطلتها صدقني دنيتك هتتغير ١٨٠ درجه للاحسن هتلاقي كل الناس لاحظو التغير وهتلاقيك اقوى مفيش حاجه بتاثر فيك وتبقى بتركز وذكي اكتر كمان

Banana_44557 🇪🇬 · Answer

اهم حاجه انك تحافظ على صلاتك لأن دي ليها جزء كبير اووي في حياتك وهتقدر تقوي علاقتك بربنا تاني تاني حاجه قول سبحان الله وبحمده سبحان الله العظيم اي حته اي وقت قولهم تالت حاجه ابعد عن اي حد مش بيتمنالك الخير رابع حاجه ادعي ربنا كتير وصلي ع الرسول في أي وقت 
قول الدعاء ده علي طول اللهم طهر قلبي وحصن فرجي واغفر ذنبي وربنا يهدينا جميعا ويثبتنا. علي دينه ويرزقنا حسن الخاتمه

Durian_48208 🇴🇲 · Answer

شوف كذا كل مرة كذا تجيك افكار حاول تنهض بسرعة تتوضى و تصلي ركعتين ، و لو وقعت في الذنب سارع للتوبة اتوضى و صلي ، ثاني مرة بتوقع في الذنب اتوضى و صلي و اقرا قرآن ، ثالث مرة نفس الشيء بس زيد عليها صدقة مثلا او زيد ركعات الصلاة ، كذا بالتدريج لحد ما الشيطان يزهق منك ، زاحم المعاصي بالطاعات ، و تذكرت ان كل مرة تندم و تتوب الله بيقبل توبتك مهما كان عدد مرات معاصيك ، وفقك الله ✨

Chocolate_48013 🇪🇸 · Answer

أول حاجة لازم تعزم انك تتوب توبة نصوحة لله وتوعدربك انك مش هتعيد الذنب وحاول تصلي ركعتين قيام الليل وادعي ربي يهديك ، حاول ميكونش لك اي تواصل بالاصحاب هذول لي قلت عليهم ، ابدأ حفظ القرآن ، اسمع بودكاست عن الموضوع ده في كثيير ، التزم بالفجر والاذكار وده ضروري جدا عشان يبعد عنك الشيطان ، أول ما تفكر انك تقوم بذنب ده اتذكر انه رب العالمين معاك وبيشوفك حتى لو كنت فمكان لوحدك وان شاء الله هتقدر تنجح💪🏼

Banana_38314 🇪🇬 · Answer

حاول انك تنشغل علشان النفس امارة بي السوء و لما بتبقى فاضي و خاصة لما تكون لي وحدك الشيطان يقعد يوسوسلك علشان تجننب العادة السرية لازم انك تمارس رياضة معينة زي الجري التمارين او مشرط رياضة ممكن ترسم بس مترسمش حاجة فيها روح علشان ده حرام ارسم اي حاجة تانية مثلا زي شباك كورسي سفينة اي حاجة مفهاش روح و حاول على قدر ما تقدر انك تطلع من البيت سواء كونت رايح تتمشى او تصلي او تشتري متقعدش كتير في البيت.

Coffee_27700 🇪🇬 · Answer

كتاب (ممتلئ بالفراغ) بيتكلم على العادات الادمانية من ضمنهم إدمان العادة وازاي تتخلص منها