محتاجة رأيكم ف حاجة دلوقتى انا ابويا عنده 77 سنة حرفيا ضيعنا كلنا و ظلمنى انا و اخواتى و أمى اتجوز على امى قبل ما تخلفنا و حاليا مراته دى ماتت و ولاده مبيسألوش عليه و عايش المفروض مع امى و الله العظيم طفشنا كلنا بسببه اختى الكبيرة اتجوزت و خلفت و انا و اختى الصغيرة سبناله البلد و روحنا اشتغلنا و أجرنا شقة و عايشين بقالنا ٤ سنين بعيد عنه و بنروحلوهم زيارات كل شهر مرة كده دلوقتى هو عنده زهايمر و بينسى و لو نزل الشارع بيتوه و الجيران ترجعه و هكذا و بيستفز امى بتصرفات أطفال و هى كبيرة بردو عندها ٦٤ سنة و عندها القلب و بتاخد ادوية و كدة و مش قادرة عليه و اختى المتجوزة عندها ولد و بنت مجننينها و طبعا مسؤلية عليها احنا خايفين على ماما منه ممكن يقتلها او يعمل فيها حاجة و هو مش فاكر و خصوصا انه لما بنواجهه بأى حاجة عملها بيقول مش عارف و مش فاكر حتى اختى المتجوزه لما بتاخد ماما تبات عندها يومين بترجع تلاقيه مبوظ حاجات ف الشقة و كده و آخر مرة امى لقيته داخل عليها بالسكينة و بيقولها انا لقيت دى مش عارف اعمل بيها ايه اختى عرضت على امى تعيش معاها و امى قالتلها انا مش هسيب بيتى و هو ملوش مكان تانى لو اتطلقوا فا اختى الكبيرة فكرت نوديه دار مسنين بس احنا خايفين عليه حالته تتدهور اكتر والله يا جماعة دا مش جحود مننا بس هو مرمطنا اوى مشوفناش يوم عدل و لا أمن مستقبلنا و لا حتى صرف علينا عدل و لا سابلنا حاجة نتسند عليها و كل واحدة فينا طلعت تشتغل عشان تكمل تعليمها دا غير العنف و الضرب و الألفاظ البذيئة اللى كان بيقولهالنا هو و امى لحد ما طفشنا يعنى هو اصلا مش حيلته غير معاشه الملاليم اللى لو اخده اى عيل معدى ف الشارع هيضحك عليه و ياخده منه هو صحته كويسه جدا احسن من شاب ف العشرينات و مبيشتكيش من اى حاجة غير الزهايمر ده فا احنا مش عارفين نعمل ايه و كمان خايفين على امى منه و محدش فينا فاضى تبقى عينه عليه كلنا مطحونين بندور على اكل عيشنا عشان هو عمره ما كان سند

1

3