كون إن دايما تلاقي شخص تحكيله كل مشاكلك، او يفضل متحملك طول الوقت، شيء يعتبر شبه مستحيل ! مش على شان الشخص ده مش كويس أو مش مقدرك لا خالص بالعكس ممكن يكون إنسان بيعزك جدا بس كل انسان وليه طاقة تحمل، الإنسان عامل زي الكوبايه بتفضل تتملي مشاعر لحد اخرها يجي شخص تاني يقرر يحكيلك ف يشيلك جزء كمان من همومه وانت اصلا على حافة الكوباية خلاص، م انت مش عليك ضغوط والناس عليها مكسرات يعني ! مهم جدا قبل ما نقرر نحكي لحد مشاكلنا ونشيله فوق طاقته نعرف الاول هو فعلا عنده قابلية يسمع؟ هيقدر يشيل معاك جزء من الهموم دي؟ بلاش نبقا مصدر لطاقة سلبية، بلاش نبقا انانية ونبص لمشاكلنا ونتجاهل مشاكل غيرنا ممكن الشخص ده عنده مشاكل اكبر منك بكتير بس ساكت ومش بيتكلم على ميشيلش حد فوق طاقته كلنا لينا طاقة تحمل معينة، لإننا بشر عادي مش لازم نبقا إحنا والدنيا سيئين ..

6

0