toheal logo

Cherry_56217 🇪🇬's منشور

Cherry_56217 🇪🇬

منذ يوم واحد

.

شعور منزعج

مساء الخير فالبداية انا بنت عندي 19 سنه، للاسف عيلتي بتعاملني بشكل صعب جدا لاني الكبيرة عكس اخواتي الاصغر مني دايما عايزين نجاح وبيدورو اني اكون انسانه كامله باي شكل ما عدا انهم يساعدوني فحاجه او يدفعولي فلوس يعني ببساطه من زمان وانا مينفعش انزل دروس غير مراجعات حتى ثانوية عامة ومطلوب مني اكون الاولى وبرغم ان كل المدرسين بيشكرو فذكائي الا اني ديما طالبه متوسطه بنجح عالحركرك رغم اني الiq بتاعي اعلى من اغلب الاوائل وهما فيهم بخل صعب جدا يعني والدي ميسور الحال جدا ومحدش يعرف فلوسه فين يعني بيصرف عالبيت ومصاريفنا كلها ربع مرتبه وطبعا بيطلع الجنيه بالذل هو شخص نرجسي جدا وعنده حب غريب انه يذل اللي قدامه وده طلعنا كلنا مهشمين نفسيا بشكل صعب والاكتر انا لاني طول عمري ممنوعه انزل اخرج مع صحابي او اعمل اي حاجه عكسهم هما مسموحلهم عادي اتفرض عليا الحجاب فسن قبل سن البلوغ بكتير وقبله كنت بلبس لبس اكبر من سني وديما ببان كبيره بسبب لبسي حاليا انا فالجامعه وباخد فلوس المواصلات بالعافيه ولما طلبت اشتغل رفضو وقالولي احنا مبندفعش قليل فالجامعه رغم اني حكومي انتي بفلوس تعليمك دي المفروض تكوني خدامه عندنا واوقات تانيه يقولي اهتمي بمذاكرتك رغم اني جايبه جيد جدا مرتفع بمذاكره اسبوع قبل الامتحان لغاية ما اخر مره قالو احنا مبنثقش فيكي عشان تنزلي واني مؤتمنش على شرفي (كل ده عشان شافوني مره فجروب في ولاد وبنات ) رغم ان بابا بيزني مع ستات واتقفش اكتر من مره ومرة اتصور مع واحده ودفع 100 الف عشان الفيديو ميتنشرش وماما تعرف رجاله وبتتصورلهم وتخرج معاهم انا حاسه بنقص شديد نفسيا ونقص وسط صحابي من قلة اللبس والحاجات اللي عندي وفنفس الوقت مش راضي انزل اشتغل فكرت اهرب من البيت واقعد مع واحده صحبتي ماجرة سكن وانزل اشتغل بس خايفه منهم عشان ممكن يجولي الجامعه او ياذوني

6

19


Potato_31970 🇪🇬

أفضل نصيحة

.

منذ يوم واحد

لا حول ولا قوة الا بالله ربنا يصبرك ويهديهم يارب

2

0

Chilli_76322 🇪🇬

.

منذ يوم واحد

ربنا يعينك

0

0

Hazelnut_64540 🇪🇬

.

منذ يوم واحد

موضوع الهرب ها يزود الأمور بس

0

0

Chilli_65726 🇪🇬

.

منذ يوم واحد

المحتوي صعب جدا اذا كان ليكي جده او جد تقدري تشتكيله او كبير عيله لانك معتيش صغيره قانونيا انتي مستقله في الاساس حاليا فا تقدري تمشي ولاكن قبل نا تمشي هتقدري تتجنبي الغلكات وال ناس المؤذيه في المحتمع وتتخطي الام الوحده و تعب الشغل ولمرمطه وكل دا عشان تعيشي فقط ولاكن نفسيا مرتاحه لو هتقدري تقدري امشي ودوري علي الاحسن لو معندكيش رغيه في انك تتحملي كل ال الم دا استني لحد ما توصلي لفرصه الانطلاق

0

0

Donut_78122 🇪🇬

.

منذ يوم واحد

ربنا يعينك و يصبرك المهم دلوقتي تركزي ف دراستك وقربي من ربنا اوي عشان تبعدي عن فتن اهلك + ممكن تشتغلي تسويق أن لين من البيت لو عندك نت + أنتِ بنت كويسه من حته الثقه دي اهلك عشان بيعملو غلط بصنلك بس كده لكن أنتِ بنت فعلا محترمه متهربيش من البيت كده ضرر اكتر ركزي بس ف دراستك و انك تشوفي شغل أن لين بس

1

0

Popcorn_78015 🇪🇬

.

منذ يوم واحد

موضوع انك تهربي دي فكره شيطانيه و لو خرجتي بره الدنيا مش امان و ده افضل وقت تقربي فيه من ربنا اكتر وصلي القيام و ادعيلهم ربنا يصلح حالهم وصدقيني ناس كانو زيك و مشاكلهم اتحلت عادي بس صلي و اصبري وادعي

2

0

التجربة أفضل عبر التطبيق

حمّل تطبيق توهيل على هاتفك لتجربة أسرع