امي وجودها في حياتي مجرد وجود عندي ام بس عمري م حسيت بمشاعرها تجاهنا كلنا هي شايفه ان دورها تاكلنا وتشربنا وتغسلنا هدومنا بس عمرها م حضنت حد فينا عمرها م قالتلنا كلمه حلوه وللاسف الشديد اخواتي الصغيرين طالعين اخلاقهم مش محترمه معانا وعنادين جدا وبيردو علينا احنا الكبار عندي اختي ١٣ سنه بجد مستفزه جدا كلنا بنشتغل وهي بتقعد مع والدتي في البيت مبتعملش اي حاجه نهائي ودا ناتج عمايل امي معانا اللي هو واحنا صغيرين تقولنا اعمل حاجه نتاخر شويه او منعملهاش تقوم هي تعنلها وتبدا بقا اسطوانه مانا خدامتكو والكلام اللي كان بيسم البدن في يوم من الايام دلوقتي ولا بيحوق المهم امي عمرها م علمتني حاجه عمرها م قالتلي تعالي اقفي معايا في المطبخ اعلمك اكله عمرها م كلمتني عن فتره البلوغ ولا نضافتي الشخصيه ولاوعلمتني ازاي اكون مرتبه ولا كانت مهتمه بدراستي ولا اي حاجه ولا حتي كان في مشاعر المهم النهارده بتقولنا حاجه علي نضافه المكان وبتقول شوفو مين وشوفو مين وامها تخرج من صبحيه ربنا ترجع تلاقي البيت اي واصغر منكو والكلام دا برضو ف بقولها عشان امها علمتها من وهي صغيره انها تعتمد عليها في غيابها وحتي في وجودها علمتها انها متحبش تقعد في مكان مش نضيف بتقولي وانتي صغيره عشان محتاجه حد يعلمك ف بقولها من شاب على شي شاب عليه اللي كبر بيعمل حاجه بيكبر وهو بيعملها ومن هنا لهنا جيت بقولها انتي مره جيتي قولتلي تعالي يحبيبتي بصي دي بتتعمل ازاي بصي يحبيبتي لما تلاقي دي مش مترتبه رتبيها كدا ولا انتي اصلا في مره قولتلي يحبيبتي ولا حضنتيني انتي اخر مره حضنتيني كان امتي يامي!!! وقولتها بهزار بس قسما بالله انا جوايه بجد منهاره راحت ضحكت بسخريه وتقولي يحبيبتييي بسخريه كدا ف قولتلها بعد اي بقا خلاص مش محتاجاها اقعد مستنيه لحد م يجي الغريب يقولهالي وكل دا ممشياها معاها بهزار عشان متزعلش شويه ودخلت الاوضه بسال علي حاجه قالتلي معرفش وقالت كلام مسمعتهوش بقولها نعم راحت بقا قالتلي مش انا ام وحشه وبتطلعو فيا العيبه محدش يسالني علي حاجه تاني بقولها انا مقولتش انك وحشه ولاانك معيوبه قولت انك معلمتناش ومحبتنياش واحنا صغيرين قالتلي مانا بقولك يحبيبتي بره تقوليلي مش عايزه حاجه خلاص قولتلها مانتي بتقولها باستهزاء مش بتقولها عادي فضلت بقا اسطوانه انتو فاكرين التربيه سهله انا ممسكتش نت وتليفونات عشان اعرف زيكو وزعلت وانا مش عارفه اعمل ايه بجد معاملتها معانا رخمه اوي بابا مش كدا خالص حتي معامتلها معاه هو كمان بتعمل تصرفات تضايق وفيها حته من الفلاحين كدا وتفضل تفتش في حاجتنا لو جايبين حاجه وتبصلنا في القرش اللي بناخده تقولي انتي مش واخده مصروف امبارح وبجد طريقتها بتعصبني جدا وانا اكيد محبش اعامل امي وحش بس بجد هي اللي بتخليني ارد ردود مش عايزه اردها

4

2