مش عارفة أحب.. خوف مرضي من المشاعر!

Question

الموضوع باختصار انا طول عمري محدش حبني حب غير مشروط بابا كان دايما بيحسسني انه الفلوس اهم مني و انه عشان يديني فلوس عشان دراستي مثلا لازم اتفوق و كنت بعمل كدا فعلا بس مع إحساس اني آلة بلا مشاعر و ماما كان عندها مشاكل اهم من انها تحبني او تحسسني بالحنية ف كبرت و انا حقيقي معنديش قدره ان انا احب حد حتي صحابي اللى هما اصلا 2 مكونتش بحبهم بردو مش عارفة احس و دا بالتالى خلاني حاليا بهرب من اى علاقة عاطفية او اى بني آدم ممكن يحس تجاهي بحاجة عشان خايفة يحبني و انا معرفش احبه ، حد فاهمني ؟؟ حرفيا بعمل بلوك او اتجاهل الرسايل و المكالمات اوقات بحس ان كدا ممكن اجرحه بس اعمل ايه عندي خوف مرضي من المشاعر تفتكروا اى الحل ؟؟؟

Blueberry_67691 🇪🇬 · Accepted Answer

أولًا إحساسك مفهوم جدًا،  حاول تبطل جلد الذات واسمح لنفسك تغلط أو تتقرب من الناس على راحتك.  
ابدأ تدريجي وجرب تدي نفسك فرص صغيرة تثق في مشاعرك من جديد، ومفيش عيب في طلب المساعدة أو حتى الاعتراف بالمشاعر دي بصوت عالي.
إنت قوي بوضوحك، ومن حقك تعيش الحب والحنان اللي اتحرمت منه، والوقت كفيل يداوي جزء كبير من الجرح ده… خطوة واحدة كل يوم هتفرف

Apple_69016 🇪🇬 · Answer

لا ممكن افهم الموضوع

Apple_69558 🇪🇬 · Answer

حاولى تتغلبى على خوفك وحاولى بس كونى حذره فى اى خطوه تعمليها

Cookies_68867 🇪🇬 · Answer

الموضوع مش بالبساطة دي خالص انا فعلا بحس بصعوبة بالغة

Cookies_68867 🇪🇬 · Answer

عندك اسئلة معينة و انا هجاوبك ؟؟؟

Apple_69558 🇪🇬 · Answer

حاولى تتقربى الى الله بقراءة القرآن ونفسيتك هتهدى وهتفهمى كل اللى نفسك فيه وربنا هيقف معاكى وهتعدى المرحله دى بس حاولى انتى

Mango_65830 🇪🇬 · Answer

معليش ممكن نجرب نفكر ف الجزء الآخر من الموضوع نحسن الظن أنا مش بقول أنه وجهه نظرك غلط لانك اكيد عائشه ف الموقف ولكن بقول ممكن نبص مثلا كمثال فقط والدك لما بيعطيك مصروف طيب علشان تنجحي وبعدين هو ايه استفاد فلوس شغلك اللي هو ميعرفش هيقعد يشوفها ولا طيب منظرة مظنش هيكلف نفسه فلوس علشان المنظر طيب ايه من وجهه نظري دا عين الاهتمام بس طريقه التعبير عند الرجله مختلفه

Cookies_68867 🇪🇬 · Answer

متفهمة حضرتك جدا على فكرة وبعدين اللي كان كان خلاص لكن انا دلوقتي اللي بدفع ثمن ده حتى لو هو مش مدرك انه اذاني

Mango_65830 🇪🇬 · Answer

باقي الرسالة 
حتى كدا على جمب إحنا ابهاتنا جميعا مش ليعرفوا يعبروا بس هما في قمه الحب لو احنا ركزنا حتي اللي بيزعق أو يمد ايدة عمره م هيرضي يأذي حتة منه

Mango_65830 🇪🇬 · Answer

هو دي طريقة تعبيرنا ك رجالة للاسف قليل جدا اللي بيبقي مدرك دا أنه الستات لازم اهتمام بطريقه معينه لكن حضرتك ما شاء الله فهمتي دلوقتي اكيد تعامله كان ايه القصد منه

Cookies_68867 🇪🇬 · Answer

ايوة و شكرا جدا على إهتمامك ❤️❤️

Apple_69016 🇪🇬 · Answer

هو انتي لي محولتيش تكلم معاهم