أنا شاب في بداية العشرينات، كنت بحب بنت من قرايبي من وأنا صغير، وحاولت أبعد كذا مرة بس كانت دايمًا بترجع تتقرب تاني، مش بالكلام الواضح بس بتصرفات تخلي الواحد يفكر إنها ممكن تبقى مهتمة أو بدأ جواها مشاعر. وفي كل مرة بفتكر إنها بدأت تحس بيا، أكتشف إنها مش عايزة علاقة، وإنها بتتعامل معايا كحد عادي أو كصاحب، فابعد تاني… وهي تقرب تاني. المشكلة إن وجودها بيخليني أضعف جدًا ومش بعرف أعيش حياتي طبيعي، بس في نفس الوقت صعب جدًا أقطع التواصل فجأة عشان بحبها من سنين، وجوايا إحساس إنها ممكن تكون في لحظة صادقة أو تايهة زيي. حاليًا هي تواصلت معايا قريب وكان في كلامها ما يدل إني بلاش اكون بعيد واقرب وكده بس انا بقيت بخاف اوي وتكلمت عادي بس هي حست اني مش العادي بتاعي فقللت التواصل تاني انا مش عارف اعمل اي جوايا شخص بيقول احميي نفسك من اي تعب وشخص يقول افرض كانت بتقرب بجد علشان بقى في مشاعر وكده واني غلطان لما قصرت معاها فانتوا قولولي رأيكم لاني متلخبط جدًا، تعبت من التعلق، وتعبت أكتر من الأمل اللي بيظهر فجأة ويختفي، ومش عارف أتعامل مع المشاعر اللي كل شوية تطلع وتنزل.

0

3