رجعت أفكر في الاكس بعد الانفصال وحشني أوي

Q: هل اللي بيحب بينسى؟ وجع القلب وعلاجه

هل اللي بيحب بينسى ؟ يعني لو بعد عن الطرف الآخر هيقدر ينساه ؟ هيقدر يعيش حياته من غيره طبيعي ؟ وجع قلبه بيستمر لحد امتى وايه علاجه ؟ هل ممكن يظلم شخص تاني بسبب الشخص الاول؟ هل ممكن الموضوع ممكن يقلب باكتئاب؟ دي اشهر الاسئلة في موضوع العلاقات حاولت اجمعها في بوست واحد ونحاول نلاقي اجابات ليه من خلال تجاربك الشخصية الاسئلة كتيرة انا عارف بس مش لازم تجاوب عليها كلها الناس اللي دمها بينقط سكر ممكن تسكيب البوست واسف على الاطالة

Q: هوا ناسيني ونا لسه حطاه ف قلبي 😢

هوا نساني ونا لسه حطاه فقلبي ونفسي انساه بس هوا دايما قدامي بشوفه بحن 😢

Q: ليه بحبه بجد؟ زهقت وتعبانة من الحب 💔

هو ليه بجد انا بحبه يعني هو عمل ايه فحياته بجد ليا عشان احبه ازاي من مجرد نظره و كانت بالغلط بدا يحصل حاجات غريبه اوي من السما ملهاش ترتيب مني و منه تجمعنا ببعض هو ليه بجد يعني انا ليه قلبي بيتقطع كل دقيقه كده انا ليه مش بنساه انا خلاص تعبت من كتر مبقول لا كده حرام متكلمهوش و ربنا هيجبهولك متجرجر انا بجد تعبت و مش قادره زهقت اوي من احساسي نحيته ليه بجد عمل فيا كده .. هو بني ادم عايش حياته ولا يمكن واحده تانيه عجبته و انا الى قعده فحلم بجد لموضوع متعب اوي انا كنت مبحبهوش اصلا من ابتدائي ايه الي حصل بقى ليه بجد ليه نفسي انساه و ارجع مبحبهوش تاني يعني بجد من مجرد نظره حبيته شهور و داخله على السنه هو بجد ليه كده زهقت اوي و قعدت ادعي ربنا كتيييير اوي فوسط الدعوات الى كنت بدعيها و كلها استجابت الا دي ليييييييه انا مش مقام كل ده و مش ناقمه بس انا بجد بحبه فسن مينفعش فيه حب اصلا و اوهام زي دي بس زهقت و تعبت والله و بحاول انساه و مش عارفه 💔

Question

هلا ب اختصار شديد انا رجعت افكر ف الاكس بعد 10 شهور ولا 11 تقريباً من الانفصال عجبني حد جديد طلع م مناسب بس بعد كدا بدأت افتكر الاكس وصراحه اعجابي ب الشخص الجديد كنت بحس إلا هو مجرد وسيله لنسيان الاكس بس هو وحشني وحشني اوي واكتشفت انه لسه مسجل رقمي كنت بفكر انزل اي استوري تعبر عن المشاعر دي ده لو هيشوفها يعني بس بحاول اقمع الرغبة دي واني احاول م اتهور واكلمه تاني وتقريباً انا كتبت الكلام ده ل احتماليه انه يشوفه

Cherry_44419 🇪🇬 · Accepted Answer

بلاش حكاية الستوري دا.. انا جيالك اهو من المستقبل وعملتها امبارح وحطيت ستوري فيها اغنية حب كدا واحنا مفركشين وخدت احلى seen وقلبي اتقهر مش اكتر😍💔. 
فبلاش بجد هتندمي ياقمر

ونصيحة مع اني لست أهل للنصيحة لكن علقي قلبك بربنا واقرأي قرآن كتير واشغلي نفسك واسمعي بودكاستات واقراي كتب واعملي حاجات بتحبيها .. وساعتها صدقيني مش هتحسي انك محتاجاه وهتكوني مكتفية بنفسك .. وربنا معاك ياقمر وافتكري انك قوية♥️.

Chilli_52612 🇪🇬 · Answer

مين الي سيب التأني وع الأساس ده حدادي

Banana_51942 🇪🇬 · Answer

الموضوع معقد شويه

Blueberry_34595 🇪🇬 · Answer

شوفي هو الاول فكري ف سبب الانفصال سواء كان منك او منه وهل هتقدري ترجعي تاني لنفس الشخص ده ولنفس التعامل ولو الموضوع بسيط وممكن ترجعوا ف استني مناسبة مثلا وابعتيله

Banana_51942 🇪🇬 · Answer

انا مش عارفه احدد مني ولا منه 
انا كنت بشك كتير وهو كان بيسبني لدماغي جات عليا فتره كنت محتاجه حد جنبي علطول بس مقولتلهوش اني عندي مشكله كل اللي بيشوفه ف الوقت ده اني عايزه اكلمه 24h احنا الاتنين كنا غلطانين بس م عارفه حتي لو كلمته هقوله اي هنرجع زي الاول ولا

Popcorn_52587 🇪🇬 · Answer

ممكن يشوف وياخد باله بس الفكره الانفصال بسبب أن فيه حد مناسب وكدا وفي الاخر مطلعش مناسب الفكره دي تخلي في مشاكل في الرجوع تاني

Banana_51942 🇪🇬 · Answer

لا الانفصال مكنش عشان حد تاني يوم عجبني حد كان بعد 6شهور من انفصالي عنه بس انا حتي اللي عجبني ده م اكلمت معاه 
انا حاسه اني هبقي بهين نفسي عشان انا اللي افتح كلام معاه رغم انه سابني للأسف كنت الشخص الاكثر مبادرة ف الريلايش

Popcorn_52587 🇪🇬 · Answer

فاهمه يعني هوا الي تتخلي عنك 
بردو انتي ليكي حق انك تفهميه انك لسا حباه وكدا واكيد هيفهم يعني قد ايه انتي بتحبيه

Blueberry_34595 🇪🇬 · Answer

بصي يابنتي اللي فيه عادة مش هتتغير هو كان بيسيبك ل دماغك ف مازال هيسيبك ل دماغك (وعلشان منظلمش ممكن كان محتاج تعرفيه انك overthinker) كلميه بس ك سلام وبتطمني والاحسن  لو في بينكم مثلا جامعة او شغل وتسأليه عن حاجة فاهمة  لكن لو مش هتقدري ترجعي لواحد سايبك ل دناغك وسايبك وقت زعلك ومش فاهم صوتك ف ده يبقا احسن وصدقيني اكيد الفترة اللي انتي فيها دي يا اما زنقة امتحانات يا عندك مشاكل ومحتاجة حد ف حياتك