معجب ببنت في الجامعه ومش عارف أسيطر على مشاعري

Question

سلام عليكم انا حاليا في سنه اولي جامعه ومعجب ببنت من الترم الاول هو محصلش اي حاجه ما بينا خالص وهي  تعرفني اني في فلان معايا فالسكشن اللي هو انا يعني بس اكيد مش هكون فبالها وانا حاسس انها شخصيتها عجباني مش بالشكل هي حلوة ومن البنات اللي بتنزل صورها عالسوشيال ميديا وباين عليها مرتاحه ماديا جدا وبقول لنفسي اكيد بنت زي دي اكيد مرتبطه بشخص بس اللي شفته قدامي انها فعلا بتجنب الشباب خالص ومحدش عرف يكلمها وصعب حد يكلمها ومن ناحيه حالتي المادية فهي كويسه الحمدلله وتقريبا متساويين اوهي متفوقة بنسبة صغيرة  فانا مش عارف ابطل تفكير فيها وبحسها مناسبه ليا مش عارف ليه بس في نفس الوقت معنديش ثقه بسبب اني اصلا بمر بمرحله اكتئاب بقالي فترة بسبب مشاكل كنت منزلها وبحاول احسن من جسمي لاني رفيع لاسف بس شخصتيتي الحمدلله مخبية علي ده وانا محبوب جدا الحمدلله ومعروف في الجامعه انا بحاول اركز في دراستي وفعلا بحاول اجتهد وشغال في كورس تبع دراستي دلوقتي. اتمني تنصحوني وتدعولي ربنا يرزقني بيها لو هي من نصيبي باذن الله

Coconut_54689 🇺🇸 · Answer

عايزة اقول انه في شخص كان بيفكر فيا زيك كدة بالظبط انت وهي شبهنا جدا هو لفت نظري ليه الاول لاني بردو كنت بتجاهل وجودهم وحاطة حدود بعدها قالي انه بيحبني بس مش عاوز حاجة غلط فمبنتكلمش هو حاليا بيعمل اللي يقدر عليه عشان يتقدملي معرفش عنه حاجة لكن اتمنى يكون كويس واموره تمام احنا اتخرجنا وعرفته من فترة مش كبيرة بصراحة

Coconut_54689 🇺🇸 · Answer

مش صح يكون في بينكم حاجة خصوصا ف اولي لان المشاعر دي كلها طبيعية ممكن بعد سنتين تلاتة تحس انه لا مش دي اللي تناسب عقليتي حاليا او العكس اللي عايزة اقوله فكر كويس لانها مش مجرد تجارب دي مشاعر ووقت ومجهود بتحطوه فحاجة الله اعلم هتاخد منكم ايه وهتكمل ولا لا اختار الوقت المناسب فكر كويس واستني تعرفها كويس الاول

Watermelon_58570 🇺🇸 · Answer

بصي انا عمري اصلا ما اقول لبنت كده سواء كانت هي او اغيرها ومش ببين اي حاجه علشان مش يبان اني مدلوق او حاجه بالعكس انا فالجامعه كاني مفيش حاجه انا يوم ما فعلاً هتجوز هروح البيت علطول وهكون باذن الله حهزت نفسي ساعتها + ربنا يزرقك باللي فيه النصيب ان شاءلله

Watermelon_58570 🇺🇸 · Answer

تمام انا بحاول انساها واشيلها من دماغي +شكرا لكلامك

Coconut_54689 🇺🇸 · Answer

وانت صح جداً  ف دا بعيداً عن مدلوق لانها مبتتحسبش كدة اوي هتكون كدة مع الشخص المناسب وان شاء الله تكون فالحلال والوقت المناسب ونصيحة من واحدة اتخرجت جهز نفسك للشغل وركز فدراستك من كلامك انت مجتهد حاول تتحكم فشوية المشاعر اللي بيطلعوا فجأة ف اول سنتين دول وابني الشخصية اللي ميتقالهاش لا طول سنين الكليةوهتدعيلي

Watermelon_58570 🇺🇸 · Answer

ان شاءلله باذنالله متشكر جدا لكلامك