بقيت احس اني مستحقش اي حاجه وكل حاجه كتيرة عليا وثقتي ف نفسي مش زي الاول وبعاني من مشاكل ف البيت من والدتي دايما معايرة وزعيق وتريقة وانتقاد وتعزيء قدام الناس عادي وشك متواصل وإحباط وان كل الناس احسن مني وان كلهم متجوزين وكله خلف وكله خلص جامعه وانا لسه معملتش اي حاجه من دول انا 24 سنة مش بسقط أو بعيد سنوات الحمد لله ولكن دخلت كذا حاجه ورا بعض خرجت منها ومشاكل من هذا القبيل كتير وكلامها فعلا جارح واقدر استحمل شوية وشويتين لا ودايما فاقدة الشغف حتى قصرت ف الصلاة بقيت عصبيه بقيت اعمل حاجات مش شبهي وكاره كل حاجه ومرتبطة بشاب بقالي 5سنين ومفيش جديد ودائما بعاني بسببه ساعات بحسه بيحبني وساعات بحسه مهمل ومش لاقيه تحرك عشان نبقى سوا ونتجوز ومش قادرة ابعد عنه بتعب نفسيا وجسديا اكتر منا تعبانه وانا لما بتعب بيجيلي بوجع ف الصدر نغزات ووجع ف أيدي الشمال دراعي كله وقبل كده اتخانقت مع الشاب ده ووصل بيا الحال لأعراض جلطة بس وقف جنبي وقتها واعتذر عن الخلاف وبقيت كويسه مبقتش عارفه انا صح ولا غلط واعمل ايه وبقيت اشك فيه رغم أن مفيش حاجه او دليل على كده بقيت اصلا افهم اي حد غلط لحد ما اكتشف اني ظنيت فيه غلط مش عارفه اعمل ايه ومش عارفه انا فهمت عنه كده صح ولا ظلمته حقيقي مبقتش عارفه حاجه خالص والوحدة صعبة انا معنديش اخوات ولا اصحاب ولا حد بيسال ولا حد مهتم لوجودي الا قليل كل فين وفين دايما قاعدة ماسكه الفون نفسي أخرج واطلع ولكن والدتي بترفض وتقعد تزعق طول الحياة ف البيت مفيش غير الدراسة بس ال بنزل ف الايام بتاعتها بجد تعبت ومش عارفه اعبر قعدت كتير عشان اعرف اكتب كده او اقول جزء من ال حساه وحاسه أن كل حاجه ضدي ومش هقدر اروح لمعالج أو حد مختص أو حتى أكلمه اون لاين لأن التكاليف غالية عليا ويعتذر عن الإطالة وشكرا ليكم جميعا مقدما ♥️

5

6