عمري 20سنة وحاسس دايما اني مهما عملت مش كفاية مثلا وزني بروح الجيم وبتحسن والناس يشكرو في اللي عملته بس من جوايا حاسس انه لسا متنبسطش، ومثلا والدي متوفي وانا عندي 16سنة علاقتي بيه مكانتش كويسة خالص ودي حاجة حسيت بيها دلوقتي غير كدا ليا قرايب كتير بس مفيش اي صلة رحم بينا وساكنين في نفس البيت مع اخوات ابويا وعيالهم بس اكننا غرب بالظبط انا اصغر اخواتي ورغم كدا شايل مسؤولية محدش في سني بيشيلها اخويا الاكبر متجوز وعنده عيال بس مراته الله يسامحها قطعت علاقته بينا معنتش عارف اتعامل او اتكلم معاه غير كل فين وفين، وليا اخت اكبر مني بس مش مهتمة بالكلام معايا، وانا بدأت احس اني بقيت بارد كل شوية معنتش مهتم بأي حاجة مش مهتم اني اصاحب او مهتم مثلا بفلوس غير اني اكفي نفسي مهمل في حق نفسي وكاره نفسي ساعات بقعد في اوضتي بالايام من غير ما اتكلم مع حد انا بس ببقا متضايق لما الاقي نفسي مش عارف اعيش سني ومش ليا قرايب عارف اتعامل معاهم سواء من ناحية الاب او الام انا بس مضايقني ان بقا اقصا طموحاتي اعيش حياة طبيعية من غير مشاكل وبسلام وبس.

8

0