السلام عليكم دي أول مرة أحكي حاجة؛ لكني هحكي علشان حاسة إني مش أتخطى غير كده إمبارح وأنا برتب دولاب بابا هو كان موجود في الأوضة، شوفت في دولابه عباية جدي حسيت شعور غريب جدا وناديت على بابا علشان أسأله بابا هو جدو هييجي إمتا؟ السؤال ده خرج من جوايا لأنو واحشني وحسيت إنو بجد عايزة أشوفه. لما ناديت على بابا رد عليا ولسه هسأله وقتها اكتشفت إني مينفعش أسأل السؤال ده وكانت دي أصعب لحظة إدراك في حياتي لأن جدي متوفي من أكتر من 4 سنين. شعور مهما حكيت مش هقدر أوصفه مش لاقياله حتى اسم في يوم 27/8/2020 معرفتش أبكى كنت بس بخفف عنهم وبهديهم وقاعدة بالأطفال مكانش ينفع أعيط كنت قوية جدا بفضل الله بالرغم من إن عمري كان بس 13 سنة لكن الدموع اللي حبستها دي بتنزل من إمبارح الذكريات بتمر في شريط ملوش نهاية كلها دفئ وجمال شبه قلبه ربنا يرحمه حاسه إني فعلا هشوفه قريب 💟

7

1