فقدان

Mango_85089 🇪🇬

منذ 5 ساعات

شعور مستنزف

حد عزيز عليا اختفى من حياتي في فترة ما، ولما رجع في لحظة عتاب قال "بس غيري خد مكاني عندك"، ومكنتش عارف أزاي أفهمه إن الشخص دا عمل مكان تاني خالص ليّه بعيد عن مكانته اللي ضيعها بإيده، لحد ما تذكرت اقتباس بيقول: ‏‏"لا شيء يحل محل شيء، كل من يمضي يأخذ مكانه معه، و كل من يأتي يبني مكانه بنفسه

Marshmallow_69067 🇪🇬

منذ 9 ساعات

شعور محبط

الإنسان مهما اختلف مع اهله بيخاف من فقدهم خصوصا لو جربت دا مرة.. بعد موت بابا انا قعدت الوم نفسي كتير واحس انى قصرت معاه ف حاجات كتير طول الوقت بحاسب نفسي وبحاول اعوض دا بإنى ادعيله كتير رغم ان بالعكس كنت بهتم بيه وبشوف بيحب ايه واعمله بس مهما عملت الشعور دا هيجيلك.. دلوقتى ماما بتصعب عليا جدا ولو م

Banana_62981 🇪🇬

منذ 16 ساعة

شعور متعب

انا شخص عندي ٢٩ سنة بشتغل مدرس الحمد لله ودخلي كويس لكن انا مش مبسوط ف حياتي تماما ومضغوط دايما ومعنديش اي وقت احس فيه اني بني ادم تعبان من الضغط والمنافسة اللي مفروض اكون فيها عشان اقدر اثبت دايما اني الافضل أو علي الاقل من الأفضل ف المكان اللي بشتغل فيه مبنامش كويس وفقدت كل الشغف اللي كان جوايا

Marshmallow_69067 🇪🇬

منذ يوم واحد

شعور خجول

عبّر عن شعورك بشكل مجهول

بحس ان مفيش حد بياخد شئ نفسه فيه الا ودافع تمنه والتمن بيدفع مقدما او بعدين.. التمن لازم بيكون شئ كبير مجهود ،خذلان،تأخير، امراض نفسية حاجات كتير اوى .. لذلك برضو بحس ان مفيش حد اخد حاجة بيتمناها وبيعرف بفرح بيها بشكل كامل لازم يفضل جواه شوية حزن او تعب من طول الطريق او خوف انها تضيع منه تانى.. كل حد فينا بيدفع التمن بالطريقة الى تنفع مع شخصيته اكيد اكيد ربنا بيشملنا برحمته وكرمه وببدبر كل شئ في احسن صورة لكن لازم ربنا يشوف مننا محاولة ،صبر، إمتنان حتى واحنا مش فاهمين هى بتبوظ مننا كدا اوى ليه؟؟ وجع وبكا وانهيار وخوف خوف حتى من الفرحة والأمل ولغبطة ،، القصة ممكن تبوظ منك مرة وممكن ألف مرة كل إنسان وقدرته الى ربنا عالم بيها والاهم كل إنسان وقدر الى بيتمناه فيه ناس بتتمنى حاجات بسيطة وبتكون ممتنة وراضية ومبسوطة بيها جدا ومش عايزة اكتر من كدا وفيه ناس بتتمنى حاجات كبيرة اوى حدود احلامها فوق السما دى اكتر ناس بتعانى ومشوارها بيكون طويل محاولة وألم وفقدان شغف وفقد أمل وشعور بالفشل وعدم الاستحقاق ويرجع تانى الأمل ينور ويموت وينور ويموت هنوصل امتى؟؟ الحقيقة معرفش بس واثقة ان حتى لو الدنيا مش دايمة واحنا مش دايميين لكن كل قصة مش عادية ملهمة وبيفضل اثرها ممتد حتى لو صاحبها مات.. كل قصة فيها معاناة وصبر هى ملهمة لغيرك انه يكمل.. مجرد م بتغمض عينك وتحس انك بتلمس حلمك دا جزء من الوصول .. اصل ربنا شايف جواك مش هيحط ف قلبك رغبة ف شئ الا لو كانت من نصيبك🩷🕊

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_18948 🇪🇬

منذ يوم واحد

شعور مرهق

قد ايه انا موجوعه قد اي الواحد بيبقى متعشم و معلق امله كله فى حاجه ولما الحاجه دى بتروح بيتصدم هعيش ازاى من غيره كان كل حاجه في حياتي كل خناقه بينا كنت بكون خايفه تبقي اخر مره بس شكلها المره دى الاخيره فعلا احنا عدينا بكتتير اوى ليه الحلو مكملش ليه حياتى مكملتش بيك كان فيك كل حاجه كنت اتمناها بس ليه

Mango_35327 🇪🇬

منذ يوم واحد

شعور ضائع

كوميديا سودا منيلة بنيلة😂 عيد ميلادي بدأ .. كل سنه بستني الساعه ١٢ بالدقيقه عشان كتير كان بيعيد عليا ويفتكرني وكنت بستني مسجاتهم من السنه للسنه وكانوا كلهم غاليين عليا .. السنه دي وبالتحديد دلوقتي كنت ببص ع الساعه واليوم بالصدفه لولا مافتكرت عيدي ميلادي جات الساعه ١٢ انا مكنتش مستنيه حد يعيد عليا ب

Coffee_56002 🇪🇬

منذ يوم واحد

شعور ضائع

‏الدنيا لما كانت بتيجي عليا كنت بهرب بالنوم مكنتش عايز احس بحاجه مكنتش عايز احس بأذيه كنت بسكن الوجع وكنت فاكر اني كده بقيت كويس لكن بعد فتره اكتشفت ان عمري مكنت كويس وان الوجع ملوش مسكن واني كنت برمي ورايا لحد ما تعبي زاد بدا يبان ع شكلي وعلي جسمي ‏وصلت لمرحله اني بقيت عايز انتقم من نفسي عايز ارتاح

Tomato_79586 🇩🇿

منذ يوم واحد

شعور مرهق

تعبت تعبت نفسيا المشاكل العائلية النفسية الصحية الاجتماعية الدراسية الدينية فقدان الشغف اصبح كل شيئ عادي لا افرح بشيئ و لا احزن بشيئ ابي يعاملني بحقارةو بخييل و نرجسي و أمي تعيط عليا بسبب اعمال البيت مع العلم أدرس في الجامعة تخصص صعب جدا و اذهب على 5 صباحا و اعود 6 مساء الى البيت تعبانة لدرجة اهملت

Waffle_84043 🇩🇿 ماشي ساهلة 💔 واعر الشيء بصح اتفكري مادام ربي حطك فهاد الموقف تسما تقدريلو بإذن الله يجب ان تقومي بتحدي العباد لأجل مصلحتك و ديريهم في وذنك نظافتك ثم نظافتك ثم العبادة و الباقي تعاوني يماك و تقراي ، لازم تحبي نفسك و تتهلاي فيها كيما الطفل الصغير و كيما جوزوها لي قبلك هوما ماشي خير منك مام نتي تقدري توكلي على ربي و سيي غيري روتينك و تفكيرك بحوايج صغار مرحلة بمرحلة و تشوفي كيفاش تولي خير ان شاءالله

عرض الكل 5 نصيحة

Croissant_52708 🇪🇬

منذ يوم واحد

شعور منزعج

جمله الشخص اللي يحبك يخليك تحب تلت حاجات هي ونفسك والحياه هي أكبر كذبة في تاريخ البشريه مفيش حاجه اسمها حب الحب ده كذب كبير احنا بنضحك بيه على نفسنا معظم البنات بتمثل الحب او عند معظمهم انتقائيه كأنها بتنقي طماطم تشوف البضاعة كويسه ولا ودلوقتي الجواز إلى من استطاع اليه سبيلا انا فقدت الثقة في الحب

Watermelon_70064 🇪🇬

منذ يوم واحد

شعور متعب

بقالي فترة كبيرة مكتبتش أي حاجة, بس النهارده حسيت إني لازم أشارككم شعوري. في التطبيق ده, قابلت ناس بجد جميلة و حقيقية, وده بالنسبة لي كنز. شكراً ليكم على كل كلمة طيبة وكل لحظة حلوة شاركتوني فيها, وجودكم فرق معايا كتير. بصراحة, اليومين دول حاسس بشوية ملل وزهق غريب. حاسس إني تايه ومش عارف أخد أي قرار

Cookies_58332 🇪🇬

منذ يومين

شعور مستنزف

عامتا أنا عمري ما عرفت او الشوفت الحكمه في موت الي حوالينا ازاي حد متعودين على وجوده ولينا ذكريات يمشي كدا ليه ؟ أنا بجد مش عايزه حد يموت تاني كانت تجربة زفت وبتحس بيها اكتر لما تكون في صعيد بقا صراخ وعياط غير طبيعي

Marshmallow_85500 🇪🇬

منذ يومين

شعور محبط

انا متشخصه من سنه ان عندى اكتئاب توترى حاد مزمن واضطراب قلق وكنت باخد ادويه كتير مكنتش حاسه بفرق كانى بشرب مايه بس وكنت باخد جلسات كل أسبوع مره ف الأسبوع كان تأثيرها زى مسكن لمده يومين وارجع تانى زى ماانا غيرت الدكتور والمركز اللى كنت فيه بردو نفس الوضع معايا اول دكتور قعدت معاه سنه تانى دكتور مكمل

Pineapple_80652 🇪🇬

منذ يومين

شعور قلق

بتعملوا ايه لماوتفقدوا الامل نفسي سنكوا بيكبر و مفيش حد يحتويكوا مع أن الشخصيه حلوه و لذيذه بس حرفيا مفيش حد يعبرني و يوم ما حبيت واحد طلع شمال 🙂 اخواتي اصغر مني و بيتجوزوا و انا لا بغير منهم بطريقه بشعه بس مش ببين و انا حموت من الوحده و التعفن و مفيش حد معايا ولا حواليا ادعولي كتير الوحده موجوعه

Coffee_85190 🇪🇬

منذ 3 أيام

شعور لا مبالٍ

مشكلتي ملهاش حل تقريبا انا من فتره ابويا توفي كان ااكتر حد بحبوا في حياتي كان اغلي حاجه رغم اني كنت عارف ان اللحظه دي قربت اوي عشان الله يرحموا كان مريض بس عمري ما فكرت في اللي هيحصل بعدها دلوقتي ان عايش اللحظه دي مكنتش اتوقع ان ممكن ابقي كده فقدت اي لذه لاي حاجه مهما كانت متعتها ربنا تاب عليا وابتد

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_70768 🇪🇬

شخصية كتومة ومشاعري جوايا بتتعبني

انا شخصية كتومة جدااا ودايما مشاعري جوايا ودي حاجة بتتعبني جدا وبتستنزفني حاولت مبقاش كتومة وافضفض بعدها بندم ندم عمري لان مفيش حد بيفهمني او بيفهمني غلط فبرجع تاني لقوقعة الكتمان حاجات كتيررر بتأثر فيا وبتاكلني من جوايا بس مبعرفش احكي ولا افضفض فبقيت لما اتكلم مع اي حد اتكلم عن اي تفاهات ومواضيع جانية عشان اتجنب اتكلم عن اي حاجة مزعلاني حاسة من كتر التراكمات بقي عندي اكتئاب بس انا مش بظهر دا ولا عايزة اظهر اني تعبانة دايما بضحك واهزر مع كل الناس، لحد ما واحدة صحبتي قفشتني وقالتلي حساكي مش كويسة احكي ، لما قالتلي كدا حسيت بتناقض جوايا غريب على قد مافرحت ان في حد حاسس بيا وشايفني متغيرة رغم اني بضحك وبهزر، على قد ما اضايقت ان في حد خد باله اني مكتئبة مش عارفه ليه بس انا مبحبش اكون مصدر طاقة سلبية لحد وادوش حد بماشكلي مش عارفه ليه حكيت دا بس قولت احاول اقول الي جوايا.. ...عرض المزيد

14 الدعم

35 نصيحة

Strawberry_80896 🇪🇬

هل الكلام بيخليني مريضة نفسية من صغري؟

عندى مشكلة و مش مشكلة انا لما كنت صغيرة كان كلهم بيقولوا عليا مريضة نفسية و ده كان بيتقال نتيجة لتصرفات بتطلع مني، بس انا من وقتها لحد الوقتي، شايفه اني فعلا مريضة، و كنت بحثت عن الموضوع و كده و شوفت فيديو و لقيت ان سبب من أسباب المرض النفسي ان الشخص يكون حد قاله كده من صغره، ف بيبقي فعلا مريض، انا بصراحة مش عارفة أوضح المعنى لأن الفيديو ده سمعته من زمان و حاليا مش فاكرة، ف ممكن لو حد عنده معلومة يفيديني انا لما كنت في الإعدادي كان طموحي لما أكبر اروح لدكتور نفسي اصلا، ف عاوزة افهم انا تمام ولا فعلا نتيجة الكلام بقيت فعلا مريضة 👍🏻 ...عرض المزيد

0 الدعم

23 نصيحة

Lemon_67534 🇪🇬

خنقة بلا سبب ومش عاوزة أعيش.. تعبت من الشعور ده

هل في اسباب للخنقة بلا سبب يعني نكت صحيت مش قادرة اقوم من على السرير ولا اعمل حاجة حتى اني اخرج كخروج مش عاوزة حاجة غير اني ابقى لوحدي وبقالي فترة على كده اني مش قادرة اعمل اي حاجة ف حياتي انا حتى مش قادرة احلم ودايما ببقى حاسه باحساس اني مش عاوزة اعيش ومش ضروري احلم بحاجة لاني اصلا مش حابة الحياة ومش حابة اعيش فيها على الرغم من اني مش حد بعيد عن ربنا لا الحمد لله ده سبب من اسباب اني عايشة لحد دلوقتي بس حقيقي مبقتش فاهمه اي سبب ده اني مش قادرة استمتع بحياتي ولا قادرة اعيش اللي هو ولا عايشة مع العايشين ولا ميته مع الميتين.. حقيقي تعبت من الشعور ده اصلا كون اني كل يوم بتحايل علة نفسي علشان اعمل اي حاجة ده تاعبني بجد ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع