مش هكمل مع خطيبتي بسبب الشك والخيانة

Watermelon_76474 🇪🇬

منذ يوم واحد

شعور مرتبك

انا لسه جديد في الاب معرفش حاجه فيه غير اني بنزل بوستات بدون محد يعرف فيدوني دلوقتي حصل كام غلط دلوقتي من خطيبتي ف اول مره كانت كلمت واحد كان علي معرفه بيها قبل ما اعرفها المهم انا عرفت صدفه وانا ماسك فونها المهم انا اتكسرت جامد في النقطه دي المهم قعدت تتأسف كتير اني مسيبهاش وقالت مش هعمل حاجه تاني قولتلها مش هثق ومش هبقي زي الاول قالتلي ماشي موافقه بس متسبنيش المهم كملت حيت بعدها بفتره جايه تعترفلي وتقولي انها كلمت الشخص ده تاني وانها ندمانه زعقت جامد واتعصبت وكنت هسيبها بس قولت بدام جايه ندمانه خلاص تمام المهم بردو قريب كده كانت سايبه فونها معايا وكانت في البيت عندهم جوه ونا بره المهم بالصدفه بفتح الصور لاقيت اسكرين لشات وال لفت نظري بتقول انا لو مش عايزاك في حياتي كنت عملت بلوك ده ال لفت نظري جيت بعدها قولتلها ليه وكذا وكذا قالتلي بتقي شره وترجتني مسيبهاش كنت عندها ساعتها كنت كل ما امشي تيجي ورايا ف كملت اليوم عادي وجيت بليل قولتلها خلاص انا مش هكمل ونمت معملتش بلوك جيت الصبح لاقيتها بترن عملت بلوك من كل حاجه بعتتلي من التليجرام لاقيتها بتعيط الصراحه صعبت عليا وقولتلها تمام مش هسيبك وحطيت شروطي وكده تمام لحد هنا وخلاص بس بعد كده حسيت انها لسه مخبيه حجات المهم قولتلها مخبيه اي تاني تقولي مفيش لحد مجبت رقم الشخص ده وكلمته وواجهته قالي علي كل حاجه ونها لسه بتكلمه وقالتلي اخر مره مش هتتكرر تاني وانا واقف عند اخر مره دي مكمل معاها وانا حاسس ان انا مش هستريح معاها مستقبلا والشك بيراودني كتير واحساسي انها مخبيه حاجه مش سايبني ف انصحوني اعمل اي لو حد هيسأل انا مكمل ليه او انا معنديش كرامه هقوله للأسف حبيتها وانا بعترف ان الحب مفيهوش كرامه بس بالنسبه ليا ل ال بتعمله ده اهانه بعاملها كا ابوها لان ابوها سايبها من وهي عندها اربع شهور بنصحها كتير وبتسمع نصيحتي وبتعمل بيها بس ف النفس للوقت الشك مش سايبني اسف علي الاطاله

مكسور وقاصر نفسياً بعد ما خطيبتي اتعرّضتلها ومقالتش

السلام عليكم انا كنت ف فرح امبارح ومعايا خطيبتي واختها وصحابها واليوم عدي جميل م غير مشاكل الحمدلله بس بعد مروحت بكلمها حسيت ان في حاجه ف سالتها وهي كانت بتنكر اتحايلت عليها عشان تقولي قالتلي هو انت اكيد مخدتش بالك انا متاكده والله قولتلها احكي بتقولي وانا واقفه معاك وكنت انت باصص الناحيه التانيه بتدي التليفون لاختي عشان تتصور واحد عدي م جمبي هو وصاحبه وعاكسني وانا عارفه اني لو كنت قولتلك ساعتها مكنتش هتسكت وم بعيد الفرح كله يبوظ ف انا اتعصبت عليها بطريقه شديده اوي يعني انها مقالتليش ف وقتها وفضلت اقولها انتي خليتيه يقل م كرامتك قبل كرامتي ومكنش ينفع نسكت هي قالتلي لا طبعامكنش ينفع اقولك انا حاسس انها قالتلي بس عشان كانت فاكره اني سمعت وطنشت او عديت الموضوع وكانت عايزه تتاكد اني مسمعتش وانا حلفتلها ١٠٠ يمين اني مسمعتش وهي قالتلي انا واثقه فيك والله وعارفه انك لو سمعت مكنتش هتسكت انا بس مرضيتش اعمل مشكله وهي صح انا فاهم بس انا م امبارح منمتش وحاسس اني قصرت ومكسور وفيا خنقه م طبيعيه لدرجة اني كنت هنزل القاعه اعيد الكاميرات عشان اعرف مين الواد ده بس طبعا لو عملت كده هيبقي تصرف عيال وهي م امبارح بتحاول تهديني وتقولي كلام يطمن بس انا م عارف ابطل تفكير ...عرض المزيد

2 الدعم

12 نصيحة

مشككة في ماضي خطيبتي وخايف من الذلات

السلام عليكم انا شاب لم يسبق لي الزواج أشغل منصب رفيع و من عائلة مرموقة .. تعرفت علي فتاة من فترة ٣ سنوات عن طريق الانترنت و هي من ذات محافظتي منفصلة و لديها طفل و عمرها أصغر مني ب ٤ سنوات و صارت بيننا علاقة حب منذ تلك الفترة و تعرفت علي أهلها ووصار بيننا علاقة صداقة ووعدتها أنني سأتقدم لخطبتها طوال تلك الفترة ولكن لظروف تتعلق بعملي لم أتمكن من ذلك طوال تلك الفترة و تأخيري كان سبب مشاكل كتير بينا و دائما كانت العلاقة متوترة آخر فترة لسبب تأخيري في التقدم لخطبتها.. و من فترة قريبة اكتشفت انها تعرفت علي شاب من خارج المحافظة و لما بحثت في ذلك فوجئت ان في أكثر من شخص بينها و بينهم كلام مقدرتش أوصل لنوع العلاقة اللي كانت بينهم و بناء عليه انهيت الموضوع دون إبداء أسباب إلا أنها بعد محاولات منها للرجوع عرفتها السبب و لم تنكر وجود الأشخاص و لكنها بررت ذلك بأن هؤلاء أشخاص وهميين بالنسبة لها تعرفت عليهم عن طريق السوشيال ميديا و ان مفيش بينها و بينهم اي حديث اكثر من سؤالهم علي بعض و ان بسبب عدم اهتمامي بها اخر فترة و انها يأست من ان يكون بينا ارتباط رسمي كان سبب لذلك و قامت بحظرهم جميعا من علي جميع التطبيقات وحلفتها علي مصحف علي صدقها علي الكلام دا و بالفعل حلفت و عشان اعاقبها خيرتها بيني و بين شغلها اللي بالنسبة لها اهم شئ بالحياة تركه هيسبب ليها خسارة مالية كبيرة لان مدفوع فيه مبالغ كبيرة و خسارة معنوية لأن دا كيانها و بالفعل اختارتني ووافقت تصفي شغلها .. وانا حاليا بفكر في الارتباط الرسمي بها رغم وجود صعوبات تتعلق بأهلي و لكن المشكلة الأكبر أن كل ما افكر اخد خطوة تراودني فكرة ان اللي بيني و بينها ممكن يكون كان بينها و بين اي شخص تاني و ان حلفانها كان كدب لأن كلامها مكنش مقنع نهائي و أنا بالفعل تقدمت لخطبتها و مازال معي الوقت قبل حدوث شئ رسمي و لكن مازالت تراودني فكرة ماضيها و اخشي ان يكون ماضيها به ذلات لو اكتشفتها فيها بعد ستنهار حياتي الزوجية معاها ...عرض المزيد

1 الدعم

6 نصيحة

اعترفت لبنت بحبها ورفضتني. هل أكلمها تاني؟

السلام عليكم من فضلكم كنت معجب ب بنت في الدراسة من 3 سنين بس معترفتلهاش فا كل واحد فينا دخل جامعة مختلفة بس قابلت الاكونت بتاعها بالصدفة من 3 شهور وقولت دي فرصتي اني اعترفلها فا روحت خبط لزق كدة قولتلها اني معجب بيها بس هي في الاول قالت ان الكلام مع شاب في الشات حرام ومينفعش وبعد كدة قالتلي لاا فانا من ساعتها متضايق فهل ادخل اكلمها وابعتلها تاني ولا لا للعلم هي ولا مرتبطة ولا فيه حد في حياتهاا ...عرض المزيد

0 الدعم

5 نصيحة