مش مسامحة نفسي على شخص استنزف طاقتي وسبني فجأة

Question

مش مسامحة نفسي على شخص دخل حياتى وعلقنى بيه بكل الطرق واستنزف طاقتى كلها 
ومسابش طريق يوصل بيها ليا غير وعملها ومن غبائى صدقته ووثقت فيه كتير 
واقسي درس جالى منه

وساب فجأة بعد حب شديد 
وادينا بقالنا كام شهر ولا اكنه يعرفنى بالرغم من كل القسم والحلفان انه مشافش الفرحة والراحة غير معايا 
بس كله كذب

Potato_67700 🇪🇬 · Answer

كان لازم هيحصل دا عشان تتعلمي وطبعا مش هنلوم النفس لانك سيبتي مجال ل دا لاسباب كتير

Biscuit_67647 🇪🇬 · Answer

احيانا الشخص بيكون ضعيف لأفعاله وانتي كـ بنت اديتي كل الحب والطاقة للي حواليك وكنتي مستنية العوض

Potato_67946 🇪🇬 · Answer

نصيحة اول حاجه الارتباط حرام ويمكن هو تاب وقطع العلاقة الحرام ديه ثانيا بداية لا ترضي الله عمرها ما هترضيكي لو انتي عايزة تعرفي الحقيقة بجد شوفي نسب الطلاق واصلة لفين وايه السبب واخر حاجه بصي لده كأنه بداية جديدة مش يمكن ده تدبير من ربنا عشان تتوبي وترجعي وبدل ما يكون صعب عليكي تنهي العلاقة الحرام ديه العلاقة انتهت لوحدها بتدبير من ربنا فبصي لكل بانك تفكري ايه حكمة ربنا وربنا يصلح حالك ويوفقك

Mango_67724 🇪🇬 · Answer

التوبة بعد مستهلك اللى قصادى وانا عارف انى بستهلكه وبعلقه بأمل وعارف ومتأكد حسب كلامه انه لو حصل اى دروب للعلاقة هيدمر البنت اللى وثقت فيه 
وفى الاخر لما نوافق على الجواز يقول اصلى مش مستعد اعمل حاجة 
ويسيب ويقول لله ؟
هو اخذ مبدأ التوبة حجة بعد مستنفذ كل شئ ؟
عارفة التوبة وعارفة الصدق برضو 
عارفة انى ضغطت على مشاعر حد وقلبه علشان يتعلق وبعدين ارميه؟
ده العدل وده الدين؟

Mango_67724 🇪🇬 · Answer

واللى مش قادرة تنسي وتعيش حياتها وانهكها الالم ؟

Mango_67724 🇪🇬 · Answer

ومتوقعتش الغدر او الخيانة للاسف

Mango_67724 🇪🇬 · Answer

لكل حد كان له ظروفه ومش ببرر برضو 
بس مكانش الامر  بالسهولة دى

Potato_67700 🇪🇬 · Answer

صدقيني بكرا تقولي انا اي اللي كنت بعمله دا والله وعن تجربه نفس القصه بس بقي ارتباط 8 سنوات

Guava_65255 🇪🇬 · Answer

شبه قصتي اوي حد دخل حياتي خلاني احبه واتعلق بيه وقالي هيتقدملي وف الاخر معرفش ياخد موقف مع اهله ومحاولش يتعب نفسه عشاني كان اسهل عليه انه يبيعني من انه يحاول عشاني ولحد الان بدفع تمن غلطني اتخطبت وظلمت نفسي وظالمة خطيبي ومش عارفه اعمل اي ولا عارفة اتخطى

Mango_67724 🇪🇬 · Answer

شوفى الجانب الافصل من خطيبك وعيشى حياتك وافرحى 
حاولى تبصى للأذى اللى اذاه ليكى برضو 
هو كلام للاسف سهل والفعل صعب ولكن لازم نقوم ودى مش سهلة

Guava_65255 🇪🇬 · Answer

رغم ان خطيبي بيحبني بس مش عارفة احبه ولا اديله اهتمام مش عارفة دا بسبب الشخص التاني ولا عشان مش شايفة انه شبهي

Guava_65255 🇪🇬 · Answer

فكرة اني مش عارفة انا مش مرتاحة عشان الشخص نفسه ولا عشان بحي غيره مخليني واقفة ف النص مش عارفة اقرر انا مش مرتاحة لي ولا اي اللي مفروض اعمله

Watermelon_67319 🇪🇬 · Answer

ممكن تتواصلى معى لو سمحت☺️🙏