مش لاقية أصحاب بجد وحاسة بالوحدة

Q: وحيدة ومكروهة - أسوأ فترة عدت عليا

الفتره دي اغرب واسواء فتره عدت عليا ايامي كلها بقيت وحشه جدا حتي اقرب الناس ليا فيوم وليلة بطلو يكلموني حاسه بوحده برغم أن في ناس حوليا حاسه اني مش مظبوطة حاسه اني بقيت مكروها بين الناس حاسه اني مختلفة عنهم حاسه اني لوحدي عايزه احكي حجات كتير اوي بس مبقاش في حد يسمعني من اول صحبتي اقرب وحده ليا اه مش صحاب بقلنا سنين بس اتعلقت بيها ودي اكتر حاجه وحشة فيا اني بتعلق بالناس بسرعة وبحب كل الناس وبيبقي عندي عشم كبير اوي فيهم وهما كالعاده بيخزلوني المهم في وحده وقعت مبنا وفيوم وليلة من اقرب وحده ليا لوحده معرفهاش بقيت تشوفني تقول اي حاجه مقرفة وانا معادية زي اي القارف ده او تشتم أنا مش عايزه ارد عليها علشان بجد في حته كبيره اوي ليها في قلبي هي متعرفيش قمتها نفسي يبقي عندي استغنا من الناس يعني اللي عايز يمشي يمشي بس برضو عايزه اتكلم من كام يوم كنت في المستشفى علشان في حد من اهلي تعبان كانت عايزه اعيط اوي بس مش عارفه ولما مشيت لوحدي في الشارع قعت اعيط زي الاطفال بظب كان نفسي ناس كتير تكون معايا وتحضني أو يسالوني بعيط ليه بس صحابي كلهم مشغولين ومحدش من اهلي هيفهام أنا بعيط لية بس انا حسه انى تعبانة جدا ومحتاجة حد يبقي معايا ويسمعني حد يبقي موجود معايا علشان هو عايز يبقي معايا مش علشان مبقاش زعلانة

Q: مش طايق الدنيا ولا قادر أتكلم مع حد

الواحد بقى مش طايق الدنيا الي هو فيها ومش عارف ولا قادر يتكلم مع حد كل ما الواحد يحسن الظن فحد يطلع بوشين جماعه انتو متخيلين يعني ايه تحترمو واحد كاخ ويحصل موقف سوء تفاهم وانتو لما تفوقو تحاولو توضحو وبعدين تلاقوه بيقول بحبك ويجري يبلك بعدها أوك فاهمه أن ده معناه أن معندوش اي مسؤوليه لكلامه او حياته بس احساس زفت لما تكونو فاكرينو بالخير وشايفنو انسان كويس وكلامه معقول وحلو وحتى على الأقل سايب بصيص أن لسه في ناس كويسين وتيجو تشوفو كلامه عنكم من ضهركم فأول فرصه! هنا بتبدأو تفقدو ثقتكم تماما بكل الي حواليكم ومش بعيد كمان تكرهو الدنيا الي انتو فيها بكل البشر الي فيها خصوصا الذكور وخصوصا لو كمان اخوكم الي معكم فالبيت مش سوي تماما وبيعامل معامله سيئه وبسال نفسي طب ليه ليه بجد الناس تكون سيئه بيستفيدو ايه ده محتاج جهد اصلا علشان تكون سيء مش عارفه يمكن كل واحد بيعمل الي يريحه بس مش بيشوف ده ازاي ممكن يأثر على الي قدامه أنا بس كرهت الدنيا وخصوصا اني مش اول مره اتخذل من اقرب الناس ليه واطعن فيارب اهديني اني منتحرش فاخرتها ولا حاجه بس صدقا مبقيتش طايقه الدنيا ولا قادره اتافعل معها

Question

بحس ان عمري ما هلاقي اصحاب بجد او ناس كويسين مكنش في غير واحده فضلنا اصحاب اربع سنين و اضريت اسافر و انقل محافظه تانيه علشان دراستي و بعدنا و قطعنا عشان كانت كل شويه تعاتبني علي اي حاجه صغيره ازاي مثلا مكلمتهاش امبارح طول اليوم او الكلام دا مع العلم انو يعني انا بقيت في حته و انتي في حته فا طبيعي مش هنكون زي الاول انا كنت تعبانه نفسيا جدا و كنت بروح دكتوره و كنت باخد أدويه و هي برضو كانت بتفضل تعاتبني و تقولي انتي مش بيفرق معاكي حد و انتي الي بتخلي الناس تبعد عنك، المهم انو من بعدها و انا ملقتش حد كويس إذا كان إخلاص او حتي نفس تفكيري نفس هزاري او اي حاجه شبهي و مش لاقيه و ولله يعني ان انسانه طبيعيه جدا عادي ولله بحب امي و ابويا بذاكر و بتاع فا يعني انا كل الي بطلبوا صحبه عدله مش اكتر مش واحده تحسسني اني وحشه و تافهه أو التانيه تفضل لازقالي 24/7 لدرجه تخنق او تالته كل حياتها ولاد و شرب

Hazelnut_52786 🇪🇬 · Accepted Answer

مش تستعجل الأصدقاء الحقيقين عمله نادره الان . ما أكثرهم اصحاب بلا فايده . ولا صديق واحد  بمائة رجل 
. هتلاقي ناس كويسه اوى . وربنا يرزقك اهم حاجه 
بالي شبهك . في أصولك . وتربيتك يارب

Coffee_52706 🇪🇬 · Answer

ربنا يرزقك باللي شبهك وتكوني مرتاحه في علاقتكوا مع بعض بس دايماً فكري في اللي يريحك انتي الاول

Banana_49850 🇪🇬 · Answer

كل الصحاب بقو كدا ولو اتعودو انك انتي ال تسالي مش هينفع يوم متساليش حتا لو بتموتي

Sugar_52769 🇪🇬 · Answer

هتلاقي صحاب كويسين ومش بالسنين والله ممكن بكرا تلاقي الصديق الحقيقي الفكره ان ف اي علاقه محتاجه حقوق وتنازلات ومحدش فيهم يغطي عالتاني عشان العلاقه تكمل