أنا خريج تجارة إنجليزي من جامعة القاهرة، كنت بشوف نفسي أقل من البوزيشن اللي أنا فيه، وده خلاني أطور من نفسي، آخد كورسات إنجليزي وإكسيل وحتّى AI، عشان أبني مستقبل أقدر أفتخر بيه. لكن الصدمة؟ اكتشفت إنهم جابوها مكاني، واللي كنت بدعيلها تبقى من نصيبي طلعت عكس كل اللي تمنيت. كنت فاكر إني بكفاح علشان أبقى راجل يليق بيها، لكن الحقيقة إنها جرحت كرامتي وخانت إحساسي. هي شافت فيا عيوب أنا مشفتهاش في نفسي: قالت إني ضحية، إني attention، إني ضعيف. وأنا؟ كنت بعيش تحت ضغط نفسي يخلي الدنيا تدور بيا وأغيب عن الوعي. الأصعب مش بس إنها رفضتني، الأصعب إنها باعتني للمدير، واتعاملت كأن مصلحتها فوق أي مشاعر. كنت فاكرها حب العمر، لكن طلعت درس قاسي: مش كل حد يستاهل دعوة ولا قلب صادق. النهاردة بعترف… يمكن قلبي اتكسر، ويمكن اتعلمت إن مش كل اللي نحلم بيه يستاهلنا. بس اللي واثق منه إنني مش هقف هنا، لأنني مش هكافح علشان أي حد تاني… من النهاردة هكافح علشان نفسي ويمكن أهم درس اتعلمته، إن مفيش بنت في الدنيا تستاهل إنك تضيع مستقبلك علشانها. لأن اللي بيحبك بجد، هيبقى سند ليك، مش تبيعك في أول مطب بجد ربنا يسامحني اني حبيت واحده زيك هعاملك على قد السلام

6

5