من فترة عرفت انه ابويا متجوز على امي ومن ساعتها وكل حاجه متلغبطة، حاول يخبي علينا وكدب علينا لما عرفنا في الاول وبعدين اكتشفت بالصدفة انا اصلا بعاني من ادمان سلوكي من حوالي ٤ سنين بتعافي من اباحي* وعادة لاسباب كتير طبعا بس من بعد ما عرفت انتكست كتير وبعدين عرفت طريق واعي والدكتور عماد وبقيت ماشية في خطة علاج على قد ما بقدر المشكلة اني مش عارفة ارجع طبيعية معاه هو كويس جدا اب مضحي لكن انا طول الوقت حاسة اني مش قادرة احبه تاني مش عارفة اسامحه حتى لنفسي مش عارفة ابتسم في وشه هو فكك العيلة كان زماننا مع بعض دلوقتي عرفت كمان انه خلف انا تعبانة بتألم بنتكس برجع اقوم بس نفسي ابقى طبيعية انا طلعت زيه مبعرفش اعبر عن مشاعري بحاول اتغير بس صعبة وطلعت زي امي عندي قلق مزمن مش عارفة اتخطي.. ارتبطت بواحد فترة قصيرة وسابني مع ان محصلش بيننا اي حاجه وحشة بس قالي انا مش مرتاح ومشي وده مأثر علينا جدا وخلاني انتكس كتير بعد ما كنت تعافيت فترة حلوة انا معرفش انا مشكلتي ايه بالظبط بس انا مخنوقة اوي ووحيدة ومش عارفة اخطو في حياتي اي خطوة مهمة

4

12