كنت بحب بنت من سنين… كانت مختلفة… مش شبه حد. كانت بتسمعني وأنا ساكت، بتضحك على تفاهتي، وبتفهمني من غير ما أشرح. وأنا؟ كنت شايفها كل الدنيا… بس اللي ماكنتش أعرفه… إن قلبي كان بالنسبالها “ترانزيت”، تحط فيه حزنها لحد ما تهدى، وبعدين تمشي. أنا كنت طوق نجاة، مش حب. عدى وقت… وقلبي غرق أكتر. كنت ببعتلها كلام وأنا إيديا بتترعش، أقابلها وأنا لابس أحسن حاجة عندي… بس هي؟ كانت بتبعد كل يوم شوية . وفي يوم… سكتت. مابقتش ترد، مابقتش تضحك، بقت عينيها بتقولي: “فاضللك شوية وتمشي.” لحد ما بعتتلي الرسالة اللي خلّت الدنيا تسكت جوايا: “أنا آسفة … إنت شخص جميل، بس قلبي مش ملكي.” وقتها اتكسر كل شيء. حسيت إن في حاجة ماتت جوايا… بقيت بضحك مع الناس ودموعي واقفة على الباب، بقيت أقول “أنا تمام” وأنا مش قادر أقف، بقيت بتمشى وسط الزحمة… بس حاسس إني الوحيد اللي تايه.

6

3