أزمات نفسية

Apple_56687 🇪🇬

منذ شهر واحد

شعور متعب

بسبب اني كنت في بيت معندوش حاجة اسمها اظهار للمشاعر ولا بيقدرها بقيت مش قادر اواسي حد فعلا انا وانا صغير لحد اعداداي كنت بقعد اعيط لوحدي من غير ما حد من البيت يحس بيا ولا يسال مالي وكل مشاكلي تقريبا عشتها لوحدي حتى مشاكل العيال الهبلة عيشتها لوحدي معشتش جو حتى اخويا الكبير تعالى هاتلي حقي او هكلملك

Tofu_71960 🇪🇬

منذ شهر واحد

شعور متعب

من كتر الضغوطات وخناقات الأهل كل م حد بتخانق معايا أو يزعقلي ويحطني تحت ضغط ف خناقه بصوت وبفضل ماسكه راسي ولو سبت راسي بفضل اخبط ايدي فالحيطه أو اعور صوابع ايدي ومبقاش حاسه ب الي بعملو بيبقا خارج عند إرادتي هل ده طبيعي

Popcorn_68662 🇪🇬

منذ شهرين

شعور منزعج

هو ليه اول كلمه اي حد يقولهالك لما يعرف انك تعبان نفسيا يقولك قرب من ربنا وتقري قرآن و انت اصلا تعرف علاقتي بربنا اي ولا انت يعني شايفني بقعد باليل مع ولاد قريش يا جدعان علاقتنا بربنا حاجه خاصه جدا و محدش ليه حق يحكم عليك فيها واللي بيقول كلمه دي خلي بالك انت كده بتتعب الشخص اكتر و بيفضل مسحول في

Mango_70501 🇪🇬 دراسة حصلت من قبل وتم جمع جميع علماء النفس واتفقو ع شي ان لم يزرهم قد حافظين القراءن او اهل القراءن هم اشخاص لا يصابون بالاكتئاب وطبعاً ياختي في فرق بين الاكتئاب والحزن بسبب ظروف الحياة بس مفيش مومن قارئ للقراءن بيجيلو اكتئاب لان اول مهيحس هيروح يقرا ويسمع قراءن يقيم ليل يصلي هيشتكي حزنه اول باوله مش للناس بل لي رب الناس فهم اشخاص لا يصابون بالاكتئاب ابدا مختصر كلامي لو الشخص يتدبر القراءن بطريقة ✅

عرض الكل 21 نصيحة

Pumpkin_68093 🇪🇬

منذ شهرين

شعور غير مكتمل

موضوع:

مشاكل فهم اهلك ليك

مبيفهمونيش اصلا ... لحد ما وصلت ل محكيش ليهم ع حاجه من وانا ف ابتدائي ... عشان لو حصل مشكلة انتي سبب حدوثها اصلا.. ف بقيت اي مشكلة تحصلي مع المدرسين مع اي حد مع حد ف الشارع وانا مروحه بقيت مبحكيهاش لحد دلوقتي واتخرجت اهو نفس الشئ عشان رد فعلهم يعني حصلي مشكلة مع مدرسين لدرجه جابولي عقدة .. حد اتهجم

Apple_69558 🇪🇬 حاولى تتقربى الى اهلك وحاولى تحكى لماما او بابا خليكى صاحبه ليهم الخوف منهم مش كويس

عرض الكل 19 نصيحة

Lemon_69342 🇪🇬

منذ شهرين

شعور مكسور القلب

لو فركشت من سنتين بظبط و كل حاجه واقفه عند اليوم دا جوايا !!! أنا دنيتى ماشيه الحمدلله و شغلى تمام بس نفسيا كإنى لسه عند اليوم ده و دا مأثر على علاقتى بكل الناس اللى حواليا و طبعا محدش متوقع ان يكون دا السبب… كل الأحداث اللى بتحصل من بعد اليوم دا بتعدي و بنساها زي العادي لكن كل اللى قبل اليوم دا فاك

Avocado_67808 🇪🇬

منذ شهرين

شعور وحيد

موضوع:

الانعزال وصلك ل اي؟

الوحدة هي اكبر ڤيروس ممكن ياكلك ويقتلك بس مش بيقتل جسدك لا ده بيقتل روحك والوحدة ممكن تصيبك حتي وانت وسط الناس ودي بتبقي أصعب الليل ياجماعه صعب جدا جدا جدا الليل عدو الوحدة بيظهرها بيكشفها زي جهاز الأشعة مهما تاخد في منوم مهما عملت علشان تنام ومتشعرش بوحدتك الوقت اللي هتاخده لحد ماتنام بيبقي كانك ب

Sugar_56012 🇪🇬 اتمنى ان يجتمع كل من يشعر بالوحده معا ونتشارك وحدتنا 💔 ونجد الدعم من بعضنا البعض 🥺

عرض الكل 9 نصيحة

Hazelnut_64772 🇪🇬

منذ شهرين

شعور متوتر

Guava_66726 🇪🇬 كل اللي عليك انك تعاملهم بما يرضي الله لان بر الواليدين واجب كنصحيه مني عارفه انك مش قادر تنسي اللي عمله بس عامل بما يرضي الله واهتم بصلاتك ومستقبلك وبلاش تكرر نفس الغلط في اولادك في المستقبل ربنا يوققك والف مبروك

عرض الكل 8 نصيحة

عبّر عن شعورك بشكل مجهول

السلام عليكم ، البوست طويل سيكا اتنين اسف 
لو فاضي ممكن تنصحني يا ريت ؟
من أول ما دخلت 3 ث لقيت الوالد والوالدة بيتدخلوا ف الدروس و كدا و غيبت بعد الدرس ليه و الخ الخ -هتقولي ما دا الطبيعي ، هقولك دا ممكن الطبيعي ف كل بيت ما عدا عندي لاني حرفيا طول سنين تعليمي اللي قبلها ما كانوش يعرفوا عني اي حاجة لا باخد دروس فين ولا درجاتي ايه الخ غير درجات اخر السنة -المهم اني مكنتش متعود على كدا خاصة انهم م كانش عندهم الحتة بتاعة التشجيع و كدا لا ، اللي هوا انت عارف لو مجيبتش مجموع والله لاكرشك من البيت الوالد اللي كان بيقول كدا ، طبعا الكلام دا كان تاثيره عليا زي الزفت ، كان في ايام انا مكنتش بكون عارف اذاكر فيها حرفيا جايب اخري تعبان بقا حزين ايا يكن المهم اني مكنتش عارف اذاكر فعلا ، الوالدة كانت تدخل تقعد  تقول قوم ذاكر ممكن لمدة عشر دقايق حرفيا كنت بكون خلاص هخبط دماغي ف الحيطة و لما ما اقومش كانت تطلع من الاوضة وتقعد تدعي عليا و هيا طالعة ربنا يوريك زي كدا في عيالك و ربنا ياخدك و يقهرك دعواي غريبة حرفيا . المهم للاسف السنة دي عدت و انا كنت زي الزفت وللاسف اجلت ف الامتحانات حرفيا ، يعتبر ما دخلتش حاجة ، اجلت بتاع 15 مادة . المهم طبعا البيت اتقلب و سيبت البيت فترة قعدت عند عمي شوية ، للاسف لما رجعت والدي ضربني مرتين مع ان انا وعمي قعدنا معاه في حاجة زي قعدة صلح . هوا معملش حاجة فيها اصلا غير انه قعد يشتم . جت السنة التانية اللي هيا كانت السنادي كانت الظروف اوحش من السنة الاولى بمراحل الوالد مكانش بيكلمني كان بس يقعد يزعق من بعيد ولو مجبتش هعمل و اخلي و سمك مقلي و كدا ، الوالدة تمادت عن السنة اللي فاتت كتير و الله كانت بتوصلني لمرحلة ربنا العالم اني كان ممكن اعمل فيها او في نفسي حاجة ، الحالة معظم السنة كانت سيئة جدا جدا جدا ، حاولت انتحر كذا مرة بشريط بنادول روحت مرتين عند القطر ، بس ربنا الحمد لله كان عايزني اعيش . عدت الايام و جت الامتحانات طبعا ما كانش في قدامي خيار ان ااجل تاني و كدا ف مكانش قدامي غير اني اتوكل على الله و اذاكر ف اللي فاضل و خلاص بقا اللي ربنا يجيبه يعني هيوصلوني ل ايه اكتر من اللي كنت وصلتله 
الامتحانات عدت بفضل من ربنا قعدت امتحن بتاع 45 يوم الحمد لله عدوا على خير ، الامتحانات خلصت بردو الوالد لسه مبيكلمنيش  والوالدة ما زالت بتضايقني حتى بعد ما السنة خلصت 
الحمد لله النتيجة طلعت امبارح و الحمد لله مجموعي حلو 
ف بعد كل اللي عديت بيه لوحدي بل ان هما كانوا السبب فيه من الاساس ، يعني لو كانوا بس بعيد زي ما كانوا طول السنين اللي فاتت كان زمان الواحد في حتة تانية -هما كان عندهم ظروف بس انا مش بلومهم انا بس كان نفسي يفضلوا زي ما كانوا بعيد-المهم بعد كل اللي حصل عمي اصر عليا لما لقى النتيجة حلوة اني اسلم على والدي و احضنه و انسى اللي فات 
سلمت عليه و قولتله مبارك يحج 
بس انا مش عارف اسامحه ولا اسامح امي و مش عارف انسى اللي حصل ، يعني هوا ليه اصلا ، يعني هوا اصلا انا مش المفروض ابنهم ، طب لو مكنتش جبت مجموع كانوا هيعملوا ايه اكتر من كدا  
والله كانوا بيوصلوني لحالة يعني ربنا العالم 
ف انتم تنصحوني ب ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

أختي الصغيرة كانت بتعمل كل حاجة غلط وهي صغيرة خصوصا في مراهقتها خدت السلم من أوله وعملت كل اللي ممكن تعمله بنت غلط أخلاقيا وسلوكيا وتجاوزات واصلة لحد مش عارفة أقول لحد إيه أكيد فاهمين ومعاهم شرب كل حاجة ممكن تتشرب وتتدخن. وماما دايما اللي كانت بتتصدى لها وبتزعق لها وبتمنعها من الخروج لغاية ما سابت البيت خالص وطفشت عشان تعيش بحريتها وفضلت كم سنة بره كده بس رجعت تاني البيت لما ماعرفتش تصرف على نفسها واللي حواليها سابوها وفقدت شغلها. رجعت عملت فيلم كده واعتذرت وسامحناها وعملنا ليها اوضة جديدة وفلوس كتير بنشجعها. طبعا الطبع غلاب وكان كله تمثيل ولما ضمنت مكانها رجعت أسوأ من الأول وبابا مات وماما كبرت مابقيتش قادرة عليها وبتمشي حالها وخلاص عشان الفضايح. المشكلة بقى إن أختي دي مش ساكتة ورايحة جاية في كل مكان تقول على ماما وبابا كلام مش صح إنهم بيعاملوها وحش وانها متعقدة من ماما عشان كانت قاسية عليها وانهم كانوا بيضربوها وانها عندها مرض القلب وماحدش رضي يعالجها عشان كدا طفشت منهم وكل دا مش حقيقي والله العظيم. ولما سألنا دكتور نقسي وحكينا مواقف كتير على مر السنين قالوا دي مريضة يالكذب المزمن ولازم تتعالج نفسيا. دلوقتي بابا مات وهي عايشة مع ماما لوحدها بتعاملها اسوأ معاملة وبتهينها وبتشتمها وتدعي عليها وكل يوم سهر وكل أسبوع سفر واتخطبت وخطيبها سابها لنفس الأسباب وترجع تقول ماما السبب أصلها ماحنتش عليها وماعرفتش تحتويني وتربيني كويس
 وبتكرهها جدا وحاولنا نساعدها نوديها لدكتور نفسي رفضت وشتمتنا وقالت هتطلعوني مجنونة كمان؟مش عارفين نعمل إيه هي مقتنعة إنها ضحية طب وكل اللي كنتي بتعمليه يا بنتي؟ ماكنتيش عايزة حد يقف لك؟ اه عادي كنتوا سيبوني انا كنت صغيرة، طب مانتي دلوقتي كبيرة وبتعملي نفس الحاجات؟ لا أنا دلوقتي كبرت وحرة في حياتي ..إحنا في ابتلاء عظيم وماما قربت تموت من القهرة..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_60726 🇪🇬

منذ شهرين

شعور متعب

لو حد عنده نصائح أو عدي علي موقف زي ده يقولي اعمل ايه توفي عليا شخص عزيز ولسه بقالي 10 سنين مش مستوعب ان ده حصل ايه نصايح ليه وازي اخرج الكبت واتقبل وفاه الشخص وازي اتعامل بعد كده لما اكتشف ده

Apple_55922 🇪🇬

منذ 3 أشهر

شعور مذنب

إتبلدت مشاعري من كمية الصدمات العشتها مع أهلي لدرجة أن خالي لسة متوفي من يومين ومحستش بأي حاجه خالص ولا زعل ولا فرح ولا أي حاجة رغم أن والدتي طول اليومين عمالة تبكي بحرقة بس برضو محستش بحاجة. هل أنا كده محتاج أزور دكتور نفساني؟ هل الموضوع ممكن يتطور لو ملحقتش نفسي؟

Coffee_61744 🇪🇬

منذ 3 أشهر

شعور محبط

انا عندي مشكلة اني معنديش ثقة في اي بنت بشوفهم عبارة عن شياطين في صورة انسانة وبخاف أقرب منهم واتعامل معاهم حتي مش عارف ارتبط او اتجوز مع العلم انا عندي ٢٨ سنة مش صغير ومش عارف احل المشكلة دي عندي

Cookies_59643 🇪🇬

منذ 3 أشهر

شعور محبط

للآسف مؤخرا بمر بـ depression episode جديدة ،لكن المرة دي أصعب بكثير لاني لوحدي تماما حتى اصحابي المقربين اما اختفوا أو مشغولين ،وحقيقي قصاد كل المشاعر السيئة اللي عشتها، الوحدة التامة هي أسوءهم

Hazelnut_52786 🇪🇬 اللي بتمرّي بيه حقيقي صعب، والوحدة وسط الوجع بتوجع أكتر من أي حاجة تانية… بس صدقيني، دي مش نهاية الحكاية. أوقات كتير اللحظة اللي بنحس فيها إننا لوحدنا تمامًا، بتكون هي اللحظة اللي بنبتدي فيها نكتشف قوتنا الداخلية. مسكي في نفسك، حتى لو بإيد واحدة، وكل يوم عديتيه هو انتصار…

عرض الكل 4 نصيحة

Biscuit_57341 🇪🇬

منذ 3 أشهر

شعور مرهق

مشكلتي كل ما اتعرض لضغط من اي نوع او زعل بيجيلي بانك اتاك بحس اني هنتهي او هموت احساس صعب جدا انا بحس اني هموت مرتين تلاته ف الاسبوع .. مش قادره اتعامل ولا اكمل مع الوضع كدا حد بيحصله كدا زي

Strawberry_57709 🇪🇬

منذ 3 أشهر

شعور وحيد

Avocado_57179 🇪🇬 انك تحبى نفسك دا مش عيب ، ادى لنفسك كل طاقة الحب اللى انت محتاجاها اوعى تستنى طاقة الحب والاحتواء من حد ، احتوى نفسك وطبطبى على نفسك وشجعى نفسك وقولى كلام حلو لنفسك ، هقولك على حاجة هتضحكى عليها لو ايدك اخبطت ولا اتلسعت ولا اتوجعت طبطبى عليها وبوسيها وقوليلها حقك عليا ، زى ماجسمنا بيشهد علينا يوم القيامة لو استخدمناه غلط كمان هيشهد علينا بالعكس وايدك تقول لربنا دانا لما اتوجعت طبطبت عليا

عرض الكل 14 نصيحة

عبّر عن شعورك بشكل مجهول

انا عايز اعرف ازاي الانسان ينسى ويتخطى صدمات الطفوله والترومات اللي جيت له من اهله ازاي الانسان يتعافى من اهله انا حاسه بعدم الانتماء في المكان اللي انا عايشه في تخيلوا ان المكان المفروض يكون مصدر امان ليك يكون هو مصدر تعستك وحزنك وكابتك ومشاكل نفسيه ملهاش اول من اخر، انا تعبت يَجماعه بجد انا حرفياً ما شفتش ولا يوم حلو معاهم للاسف بقول كده لدرجه ان انا من كتر الواحده اللي انا فيها بكلم نفسي انا انكتب عليا الوحده من وانا صغيره ولحد الان، والمفروض انا البنت الوحيده اللي مفروض في دلع في احتواء في اهتمام ما فيش يَجماعه ما فيش، مش قادره انسى الايام اللي مريت فيها وانا بحاول اطبطب واداوي جروحي اليالي عدت عليا بعيط فيها بكتم صوت العياط عشان مش عاوزه حد يسمعني كتمت كل حاجه جوايا حسيت الوجع في قلبي ليه ده بيحصل معايه ليه أحس احساس ان انا موجود وسط اهلي جسدين لكن الروح المشاعر مش موجوده ليه بحس ان هما مش شبهي ولا نفس تفكيري ليه حاسه ان في بعد ومسحات بينا المفروض ان احنا نكون قريبين ليه يَجماعه انا بقيت استغفرب ان في اهل بالطبطب على ابنائها بتحتويها الحضن يَجماعه انا اتحرمت منه ما لقيتش حتى الطبطبه وصلت بيا الدرجه اللي انا لما بعيط بحضن نفسي  وبقعد اطبطب عليها مش لاقيه حد جنبي منهم، اهلي مع الاسف خليني انسانه معقده من كل حاجه مع اني والله ما بحب التعقيدات حكموا عليا أعيش معاهم و مع مواقف و مع ذكريات حقيقي بتوجعني انا بسببهم يَجماعه وصلت المرحله ان انا فكرت كتير في الانت **حار والله ما بكذب انا كنت لما بفكر كنت على وشك التنفيذ بس حاجه واحده بتوقفني ان انا بخاف من ربنا بخاف لو عملت كده ووقفت قدام ربنا وسالني انتِ ليه عملت كده أيأستي من رحمتي!!، فا بارجع على اللي انا بعمله ومرات كتير اتمنيت الموت ما تستغربوش ان الموضوع وصل للمرحله دي، قصتي مليانه تفاصيل بشعه ده جزء من قصتي... اتمني ان حد يرد علي سؤالي او ينصحني ويقول لي اعمل ايه؟؟.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_56989 🇪🇬

منذ 3 أشهر

شعور لا مبالٍ

انا كان بيجلي كل فتره كدا اني بفضل حوالي كام ثانيه او دقيقه مثلا مش عارفه اخد نفسي انا بتنفس عادي لاكن مش بحس النفس بيوصل ل الرئه وسعات بتوصل أن عيني بدمع من كتر م خلاص النفس مش واصل كفايه عندي والفتره دي زادت عندي جدا بقت كل يوم وكذا مره ف اليوم ف لو حد عندو شبهي أو حد عندو خلفيه عن اي السبب الي بي

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع